Yudas 1:24 - Allah Wene Hurumbik Keron

²⁴ At Ninikni dil ninaptukon etno ahien nisahureg, og ninaplug o fanoma ninombisahaku-o.

Yudas 1:24 ပူးပေါင်းရင်းမြစ်များ

2 Timotius 4:18

Eke it apheyen dahon epmano nobam umburukmu At Allahen nili waruk aruhu-o. Nili waruk aruhureg, boholma At wereg ambeg epma nombahaku-o. Ari halug At inuk-at nintul nantul suontepfuruk amuk-o, ulug an demat yig hisaruk ahi-o.

Efesus 3:20

Eke At Allah ninindi yabuk oag weregsoho surukon etno niren kino uruk wilil obam sembahyang uruk nisalug, niren ninindi ebetuk aheon epmano obam seberoho og nisiog ulug ahla buruk-o.

Kolose 1:22

Hinebe At udaki atikipseg fam, hinindi dahon sohorep isalug, hinobabut motoho hinombisaharuk atisireg, at olohotma hinombisaharisi-o.

Efesus 5:27

Ariroho inakeleg-at imbisebareg fam, At udaki epmano dag seheg eleg fano mondog welamag ulug endag inapag-o.

2 Korintus 4:14

Eke At Allahen Ninowe Yesus iluksoho minduhupfebag etno fam nit inim hit inim At Yesus inim welamag ulug At il fam niniluksoho minduhup nisahaku-o.

Wahyu 14:5

Inebe og isaruson epmano, kweanmen inenggal eheg eleg-at wilil, it fano mondog-at suruk atusa-o.

Roma 8:31

Eke yi wene di wene yig hiseheon epmano ninahla buruk wilil, keroho uruk am-o? Eke At Allah etno nit ninim wereg nisalug, at sen ninim healeg welam-o?

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

1 Petrus 4:13

At Kristus welapag etno ilitoho atikipseg, hinahientoho wilil, fobik At ninim ilitoho suon amuhuk-o, ulug hinindi ebetuk amiek-o.

2 Korintus 11:2

Eke At Allahen ahmu hisaruk etno hag, an ariroho-at nahmu hisaruk ahi-o. Eke hweap duhumon ap misig-at abug yig ituk etno hag, hit hinebe At Kristus-at og iruhuk ulug nahla buruk wilil, hinindi yabuk suruk ahi-o.

2 Korintus 4:17

Eke kidia nanggog atuk wilil, ninahap dag atuk aheon dorat welamuhukseg, fobik ninitog mondog wilil ninebe suon fano mondog welamuhuk-o.

Matius 5:12

Eke hit hinebe elegma, bilin ariroho it nabi ap etno mug inaplug lebag-o. Ari fam, hit hinindi seroho wilil, hinahien haruk amuk-o. Onggo boholmen suon-at og hisa­hu-o,” ulug yig isebag.

Roma 14:4

Eke hat misihen ap misig anggimbu oag deloko umbuk ari hai-o. At ap anggimbu ikni etnowen-at fano suruk ano, dag suruk ano ulug aren baltuk atlug, oag deloko umbuk ari fano. Eke At Allahen fanoroho imbisawon oag wereg etno fam fanoroho-at imbisahu-o.

Yudas 1:21

Hit Allah hinim wilil, Hinikni hinindi hunduhuk welamuhup-o. At Yesus Kristus hit hinabuen hiniluk welamon og hisahuon etno-at aso welamuhup-o.

Kolose 3:4

Eke At Kristus hit hinim welahep etno fam, At ebe suon etno waharuk aruhumu, At hinim hinoag weregsoho hinombisahaku-o.

Kolose 1:28

Ari fam, At Kristus inuk etno aphe obog-at yig isaruk ahe-o. Eke At Kristus etnowen aphe obog fano inaptuk amag ulug inesanggo wareheg, eke wene yanggul iseheg suruk ahi-o.

Lukas 9:26

Eke hit An ninuk inim, An nawene etno inim yig isao hinenggalien sohorep isaruk amuhup halug, fobik An Allahen minduhup naharision etno An Nikni inim, it boholma malaikat epmano inim ininuk suon wereg etno hag ninuk suontep naharuk amuhupmu, Anden hinili wao sohorep hisahakuk-o,” ulug yig isaruk apareg, eke fobik yig isaruk wilil,

Matius 25:31

Eke fobik At Yesusen yig isaruk wilil, “An Allahen minduhup naharision etno fobik Inowe suon wilil, nomalaikat obog og inaplug waharuk aruhukseg, An nebe e horie urukon e daleg fanowon etno fam horie uhuk-o.

Matius 19:28

Yig ituk apagma, At Yesusen yig isaruk wilil, “Fobik yi angge di angge obog inebe keron neken imbisaruk halug, An Allahen minduhup naharision suon wilil, it aphe oag del inabiog ulug horie uruk aruhukmu, hit nomini dua belas mug naplug waharikibon etnowen it Israel ap inunggul oag dua belas etno oag del inabuog ulug ninim ilitoho-at wilil, horie uhuk-o, ulug yig hisihi ari, An demat yig hisihi-o.

Yakobus 2:10

Eke wene duroho suruk amuk eke duroho suruk am fug ulug yig nisebahon etno dahap suruk ahep ari, angginon-at hinobam ombataruk ahep-o. Eke wene duroho suruk amuk eke duroho suruk am fug ulug yig nisebahon etno wene misig dahap suruk hisalug, obog-at dag suruk ahep-o.

2 Petrus 1:10

Ari halug nomini-o, nintul nantul At Allahen-at wol ninaptisireg fuloko ninombisaharisi-o, ulug hinahla ebetuk amuhup-o. Ebetuk amuhupseg, hit bule ambulug wataruk etno hag wateheg eleg wilil, At Allah weregma kuruk amuhupseg, At Yesus Kristus udaki atlug mondog hinim welamuhup-o.