Yudas 1:20 - Allah Wene Hurumbik Keron

²⁰ Eke hit nomini nindi hunduhuk welahion etno Allah wene fanowon etno waruk wilil, At Roh Kudus oag werehon etno inuk fam sembahyang uruk amuhup-o.

Yudas 1:20 ပူးပေါင်းရင်းမြစ်များ

Kisah Para Rasul 15:9

Eke it epmano nit ninim ilitoho welamag ulug ninombisaharisimu, it epmano At awene eberoko waruk atusama, iren dag suruson epmano inapelegsoho apma imbisarisi-o.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Kisah Para Rasul 6:7

Minduhup isebareg weregma, Allah wene su atuk haruk apareg, it nin obog o Yerusalem etnowen Allah wene webag. Waruk apagma, it imam ap suon nin inim Allah wene waruk apag.

Kisah Para Rasul 9:31

Lahapfuruk apagma, it o Yerusalem, Galilea, Samaria aphe Allah wene warukon epmano obog fano welapag. Fano wilil, it inebe At Roh Kudusen yalmag inaptukmu anggolo apag. Inebe anggolo atuk apareg wilil, At Allah apma seberoho welapag.

Roma 15:2

it ninomini epmano inahien hawag ulug suruk am ari fano at-o. Ariroho suruk wilil, it inebe fano aheg, inindi oag wereg aheg sukag ulug suruk am ari fano at-o.

Roma 8:15

Eke Roh Kudus At Allahen og hisarision etnowen hit hinebe anggimburep hisaharuk wilil, hinakoltep hisaharuk eleg-o. Eke At Roh Kudusen hinebe At Allah udaki welamag ulug hinombisaharukon etnowen yig hisarukmu, At Allah obam (Aba) Ninikni ulug yig ituk ahe-o.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

1 Korintus 10:23

Anden yi angge di angge siog ulug yuhun-at welahion oke, eke yi angge di angge surukon epmano fam fano naptuk eleg-o. Eke anden yi angge di angge siog ulug yuhun-at welahion oke, yi angge di angge surukon epmano fam fano seko ninombisaharuk eleg-o.

1 Korintus 14:15

Eke ari halug, an keroho sik-o? Ari, anden sembahyang uruk wilil, nahla bukon etno-at uruk aruhuk-o. Eke anden di uruk wilil, nahla bukon etno-at uruk aruhuk-o.

1 Korintus 14:26

Eke ari halug, hiren uruk amon duroho yig hisamin-o, nomini. Hit sembahyang uog ulug wonggalepfulug, at misihen di misig eheg, eke at misihen wene yanggul iseheg, eke at misihen hurumbik wene yig iseheg, eke at misihen inune akelehon fam yig iseheg, eke at misihen ariroho ehek ulug inune akelehon etno mirlaloko yig iseheg suruk wilil, At Allah udaki epmano inindi oag wereg amag ulug yig isaruk amuk-o.

Galatia 4:6

Eke hit ariroho Allah udaki atikipseg fam, At Allah Amlohoen angge Roh Kudus etno hinindimu belap hisa waharisi-o. Eke At Roh Kudus etno ninindimu wilil, “Ninikni,” ulug yig ituk-o.

Efesus 4:12

Eke ariroho minduhup isarisi ari, At Allah udaki epmanowen yabuk fanowon etno suruk amag ulug yanggul iseheg, eke it At Kristus ebe neken werehon epmano inoag werehep iseheg suruk amag ulug minduhup isarisi-o.

Efesus 4:16

Eke At Kristus etno At udaki inungguluag neken wilil, it At ebe inggik iog neken werehon etno fano dambuksoho wereg isalug, omanggen imbirision etno famen ebe misig-at wereg-o. Ariroho weregma, eke it enggangga epmanowen ineyabuk dombog suruk wilil, it inomini inindi hunduhuk wereg isalug, ebe etno fanoroho su atuk-o.

Efesus 4:29

Eke wene uruk ahebon ari, hinune winimugsoho uk fug-o. Eke it ap hinune yig isaruk ahebon epmano inindi fano amag ulug, hinune wiogsoho urukmu, aphe inindi oag werehep isawon etno-at uruk amiek-o.

Efesus 6:18

Ariroho holaruk wilil, hit At Allahen yalmag hisawag ulug sembahyang uruk amuk-o. Eke At Roh Kudus etnowen yanggul hisaruk halug, hit nintul nantul sembahyang uruk amuk-o. Eke ari halug, hit nintul nantul yaharoho wilil, sohorep iseheg eleg-at it Allah udaki epmano nintul nantul inake sembahyang uruk amuk-o.

Kolose 2:7

Eke hiren nit Kristus inggik enggangga-at welahe-o, ulug hinahla buruk wilil, Ninikni Allah wa ulug At awene waruk wilil welamuhup-o.

1 Tesalonika 5:11

Eke hit suruk ahebon etno ilitoho hinesanggo wataruk wilil, at misihen at misig indi oag werehepfeheg suruk amiek-o.

1 Timotius 1:4

Eke iren dindilabug eheg, eke ninetamu inuk ulug yi angge di angge inuk yig iseheg suruk wilil, wene anggolo uruk isalug, At Allahen hurumbik yig nisebahon etno ilitoho suruk eleg-o.

2 Timotius 1:5

Eke hat humbia Lois inim, eke hat hisina Eunike inim Allah wene demat ulug eberoko webag etno hag hat ariroho-at Allah wene demat ulug eberoko waruk ahen etno niluk wilil, hobam nindi ebetuk ahi-o.

Titus 1:1

An Paulus At Allah anggimbu wilil Yesus Kristus awene yig isil nuruk amag ulug mondep naharision etnowen wene holal du bal hirihi-o. Eke it aphe At Allahen imig inapahon etno wene du demat ulug inahla buruk wilil, fikfag yanggul isawag ulug heag naptisireg lahap naharisi-o.

Yakobus 2:22

Eke at Abraham ariroho waruk wilil, Allah wene weheg, eke ilitoho seheg suruk apag etno fam, alem neken Allah wene waruk apareg wilil, enggabuk neken ilitoho sebag-o, ulug aren ariroho sebahon etno fam yig nisaruk-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

1 Yohanes 5:4

Abutseon yig nisarukon ari, ilitoho suruk wilil, eke it Allah udaki halug kweanmen sukon etno apmarepfuruk-o. Allah wene demat ulug ebetuk ahe halug, kweanmen sukon etno seberepfulug apmarepfuruk ahe-o.

Yudas 1:3

Nomini-o, alem At Allahen hit hinili warukon etno holal baloko og hisaminen ulug bihireg fam, fobik it inenggal urukon epmano hit hinune yig isahuben ulug holal baloko og hisaminen ulug nahla bihi-o. Wene At Allahen udaki yig isebahon etno waruk wilil welamuhuben ulug yig hisaminen ulug nahla bihi-o.

Wahyu 13:10

Ap misig senoko hele wabuhup ulug holal baleg etno wereg halug, fobik hele wabuhup at-o. Eke ap misig karog fam wabuhup ulug, holal baleg etno wereg halug, karog fam wabuhup at-o. Ari halug, hit Allah uda­kion epmano hinindi seberoho wilil, At Yesus inuk eberoko waruk amuk-o.