Yudas 1:15 - Allah Wene Hurumbik Keron

¹⁵ Eke it At Allah inuk wao sohorep isalug dag sil nurukon etno inim, At Allah ari dag surukon ulug inenggal-at obam denggeltil nurukon etno inim it o dagma imbisuog ulug wamuhup-o,” ulug at Henokh etnowen amuk-at hurumbik ebag.

Yudas 1:15 ပူးပေါင်းရင်းမြစ်များ

Yohanes 5:27

Eke An nebe ari Allah Amloho halug, Anden aphe inoag del inabukon etno unde welamag ulug nobam imbirisi-o.

Kisah Para Rasul 17:31

Eke fobik ap misig aren fuloko og nisebahon etnowen nit kweanmon yi aphe di aphe obog-at fanoroho ninaren baltuk atlug ninombisahaku ulug hurumbik arat yig nisarisi-o. Ariroho yig nisarision etno demat ulug ninindi ebebukag ulug ap etno it warehon wereg ambehen iluksoho minduhupfirisi-o,” ulug yig isarisi.

Roma 14:10

Eke ari halug, hiren hinomini inoag del inaptuk ahep ari, keroho ulug suruk ahep-o? Eke it hinomini hinambit isaruk ahep ari, inim keroho ulug suruk ahep-o? Eke nit obog epmano At Allahen oag del ninabiog ulug At Allah il fam minduhup nisahaku-o ulug alem ari fam wene holal baleg etnowen yig nisaruk wilil,

Roma 2:16

Eke ari halug, o ari sambit At Allahen At Yesus Kristus inuk fam it yi aphe di aphe obog inindimu herako ebetukon etno selegmaroho bukaloko umbulug inoag del inabuhu-o, ulug an wene fano wene etno fam yig hisaruk ahi-o.

Roma 2:5

Eke At Allah asineyen demat ninaren balepfulug onggo baloko selegma ninombisahaku etno sambit o dagma hombahakuon oke, hat hahlahiroho welahen ari fam mondog dagma-at hombahaku-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

1 Korintus 5:13

Eke ariroho at Alkitab etno fam yig nisaruk wilil, “At ap dahon hinanggelegma werehon etno hiren oag deloko wilipfiuk-o,” ulug yig nisaruk-o.

1 Timotius 1:9

Eke wene duroho suruk amuk eke duroho suruk am fug ulug ebahon etno it aphe fano surukon epmanowen fano suruk amag ulug yig isebag fug-o. Ari it dag surukon inim, eke it dahan fahan surukon inim, eke iniknisi inisasi war inaptukon etno inim, eke it ap watukon etno inim,

Yudas 1:16

Ari halug, dagma imbisahubon ari, it inambilik butuk urukon epmano inim, it inune inabuaregsoho uruk elehon epmano inim, yi angge di angge suk ulug inahla burukon epmano inim, iren suontepatarukon epmano inim, it inenggal-at, nomin hat fano, ulug yig itukon etno inim, it epmano obog-at o dagma imbisahubon wereg-o.

Wahyu 13:11

Eke fobik walo misig kweanmen lahik waharukmu ni­langgen harikik-o. Nilanggen haruk heheg, at walo etno wam kambing ayeg ungguluagmen laha­behon etno ilitoho ayeg biren ungguluagmen lahabeg wilil, une suon-at irisi-o.

Wahyu 22:20

Eke At yi wene di wene obog yangguloko yig nisarukon etnowen “An dulum-at waruhuk,” ulug yig nisaruk-o. Ariroho yig nisaruk halug, niren, “Demat, dulum manu-o, Ninowe Yesus,” ulug uruk ahe-o.