Yohanes 9:35 - Allah Wene Hurumbik Keron

³⁵ Muko wilipfuruk apagma, At Yesus etnowen esanggo holtug, aren ap etno heaharuk apareg, yig ituk wilil, “Hat hindi Allah Amloho etno obam ebetuk ahen ano?” ulug yig ituk apagma,

Yohanes 9:35 ပူးပေါင်းရင်းမြစ်များ

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

1 Yohanes 5:13

Eke hiren hiniluk welamon etno hiniluk amag ulug holal du bal hisihi-o. Hit Allah Amloho inuk ebetuk ahebon epmano hiniluk welamon etno holahup-o. At Allah aso wilil, ninindi oag weregsoho ninim welaheon alem du at-o.

Yohanes 10:36

Ari halug, eke At An Nikni etnowen nebe heako minduhup naharuk atisireg, o kweanma duma lahap nahik waharisi-o. Eke Anden An nebe At Allah Amloho-at welahi-o, ulug irikikon oke, hiren Hat At Allah inuk seberepfuruk ahen ulug yig nituk ahep ari, keroho ulug yig nituk ahep-o?

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

1 Yohanes 5:10

At Allah Amloho obam ebetuk nisalug, ari ninindi famen demat ulug ebetuk ahe-o, eke At Allah Amloho obam ebetlug eleg urukon halug, At Allah-at enggaltepfuruk-o. At Allahen At Yesus ari An Namloho at-o ulug ebahon etno ebetlug eleg urukon halug, At Allah-at enggaltepfuruk-o.

1 Yohanes 5:5

Eke kweanmen sukon etno sen apmarepfuruk-o? Ari it At Yesus ari Allah Amloho at-o ulug inindi ebetukon etnowen-at kweanmen sukon etno apmarepfuruk-o.

1 Yohanes 4:15

Eke it apheyen At Yesus ari Allah Amloho at-o, ulug eberoko urukon halug, Allah inindimu-at wilil, inim wereg-o.

Roma 10:20

Ariroho suruk aruhukmu, it aphe nin urunanggeroho welatuson inobabut fam hit hinasine hahup-o,” ulug ebahon etno wereg heheg, eke at Yesaya etnowen fobik indi ahlahiroho neken yig isaruk wilil, “It bilin heag nabuog ulug surusa fuhon epmano oke, fobik arat heag naptusa-o. Eke heag nabil larusa fuhon oke, it inil fam selegma atikik-o,”

Roma 1:4

eke At indi Allah inim welapareg fam, it aphe warehon wereg ambeg epmanowen iluksoho minduhupfebag halug, At Allahen une oag weregsoho yig nisaruk wilil, “Du An Namloho-at-o,” ulug yig nisebag.

Kisah Para Rasul 9:20

it o Allah wene uruk ambeg epmano kuruk apareg, At Yesus awene etno yig isebag. Yig isaruk wilil, “At Yesus etno Allah Amloho at-o,” ulug yig isebag.

Kisah Para Rasul 8:36

Yig ituk apagma, it etano kwalema laruk wilil, ik namut misig kwalema yenggelegma inilanggen haruk apareg, at ap suon etnowen Filipus yig ituk wilil, “Ik du hilanggen himin-o. Eke ik du fam an ikma belap nabuk dag buruk ahen ano?” ulug yig ituk apagma,

Yohanes 20:28

Yig ituk apagma, at Tomas etnowen yig ituk wilil, “Hat Nowe, Allah-at welahen hiyihi-o,” ulug yig epag.

Yohanes 11:27

Yig ituk apagma, at hwe etnowen yig ituk wilil, “Nowe-o, Haren wene yig nirehenon an demat ulug eberoko waruk ahi-o. Eke Hat hebe At Allah Amloho Kristus o kweanma duma waruhu ulug hurumbik yig nisebahon etno ebe du-at ulug hobam ebetuk ahi-o,” ulug yig epag.

Yohanes 6:69

Wene etno nit ninindimu eberoko warukukseg, At Allah iluk mondog werehon Amloho Kristus etno Hat demat welahen ulug niniluk-o,” ulug yig epag.

Yohanes 5:14

Yig isaruk apagma, eke fobik At Yesusen ap etno o Allah ibam epmano weregma haruk apareg, yig ituk wilil, “Hat hebe kidia arat fano ahen du, fobik uk suon etno hobam umbuk nowen, haren dag suruk ahenon epmano sohorep isin-o,” ulug yig epag.

Yohanes 3:36

Eke it yi aphe di aphe obohen At Amloho etno obam ebetuk isalug, iniluk welamon etno-at holaruk-o. Eke it nin At Amloho etno une inesanggo holtuk eleg wilil, iniluk welamon etno holaruk eleg isalug, At Allahen nintul nantul asine inobam umburuk aruhu-o,” ulug at Yohanesen yig isebag.

Yohanes 1:34

Nilanggen hihireg, anden ap du Allah Amloho demat-o ulug yig hisaruk ahi-o,” ulug at Yohanes etnowen yig isebag.

Yohanes 1:18

Eke ap misihen At Allah ebe haruk eleg oke, At Allah Amloho misig-at inim werehon etnowen At Allah ebe duroho wereg ulug selegmaroho yig nisebag-o.

Markus 1:1

At Yesus Kristus Allah Amloho etno wene ebe alem du at-o.

Matius 16:16

at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Matius 14:33

Eleg atuk apagma, eke At Yesus omini epmanowen obam sembahyang uruk wilil, “Hat hebe Allah Amloho demat welahen heyehe-o,” ulug yig epag.

Matius 4:3

Orom obok hebareg weregma, At indi kahal­tukon iblis etno ambeg waharuk apareg, yig ituk wilil, “Hat Allah Amlo­ho-at wela­hen halug, helep du orom amagsoho hune yig imin-o,” ulug yig epag.

Yohanes 9:22

It ikni isina etnowen ariroho yig isebag etno, it Yahudi ap inakolen yig isebag. Eke it Yahudi ap etnowen uruk wilil, “Ap misihen At Yesus ari Kristus at-o,” ulug uruk halug, niren o Allah wene uruk ambeg epmanowen wilipfuhuk-o, ulug wene balfag etno fam,

Yohanes 9:34

Ariroho yig isaruk apagma, iren onggo yig ituk wilil, “Hat hebe bilin hikni hisina hinim dag-at suruk wilil endag atuk senahon etno hanggog atikinteg, haren nit yanggul nisiog ulug suruk ahen ano?” ulug yig isaruk apareg, o Allah wene uruk ambeg epmanowen muko wilipfebag.

3 Yohanes 1:10

Fobik an hit hinambeg waruhukseg, aren sirision obog bukaloko yig hisahuk-o. At une dahon urukon etno inim, enggal-at nobam denggeltukon etno inim, obog-at bukaloko yig hisahuk-o. Nin sirision etno du wereg-o. It ninomini hinambeg waharukmu, ninim nohulen ulug yig isaruk eleg-o. Eke it ninen ninim nohulen ulug urukon etno sohorep isiek-o ulug it Allah udaki wereg ambehen selema wilip isiog ulug suruk-o.

Kisah Para Rasul 8:37

at Filipus etnowen yig ituk wilil, “Eleg-o, hat hindimu demat ulug ebetuk ahen halug, ikma belap habuk fano at-o,” ulug yig ituk apagma, at ap etnowen yig ituk wilil, “An At Yesus Kristus Allah Amloho etno demat ulug nindi ebetuk ahi-o,” ulug yig epag.