Yohanes 9:34 - Allah Wene Hurumbik Keron

³⁴ Ariroho yig isaruk apagma, iren onggo yig ituk wilil, “Hat hebe bilin hikni hisina hinim dag-at suruk wilil endag atuk senahon etno hanggog atikinteg, haren nit yanggul nisiog ulug suruk ahen ano?” ulug yig isaruk apareg, o Allah wene uruk ambeg epmanowen muko wilipfebag.

Yohanes 9:34 ပူးပေါင်းရင်းမြစ်များ

Lukas 11:45

Yig isaruk apagma, at wene holal baleg unde etno misihen yig ituk wilil, “Ninowe yanggul nisarukon wai, Haren ariroho yig nisaruk ahen ari dahon etno-at ninobam umburuk ahen-o,” ulug yig ituk apagma,

Lukas 14:11

Eke it aphe inonggarehen suontepatarukon halug, seberep isahu-o. Eke it inonggarehen seberepatarukon halug, suontep isahu-o,” ulug yig isebag.

Lukas 18:17

Eke it udag doronen Allah wene waruk ari hag, hit ariroho nintul nantul waruk amuhup fug halug ari, At Allah wereg ambeg kuhup fug-o,” ulug yig isebag.

Lukas 6:22

Eke it apheyen inambit hisaruk wilil, horiep hisahakeg, inune dahon hinobam embeheg suhup ari An ninuk wahup etno fam ariroho suruk isalug, Anden wa yig hisaruk ahi-o.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Yohanes 8:41

eke hit hiniknien sebahon etno-at ilitoho suruk ahep-o,” ulug yig isebag. Yig isaruk apagma, it etnowen yig ituk wilil, “Nit ninebe ari wanggik udag neken welahe fug-o. Nit obog Ninikni ari At Allah misig-at wereg-o,” ulug yig epag.

Yohanes 9:2

Ilanggen haruk apagma, it At omini etnowen yig ituk wilil, “Ninowe yanggul hisaruk aheon wai, ap du isina ahlen-at ilanggen buhon endag apag ari, at sen dag sebareg fam ariroho endag apag-o? Ari halug, aren dag sebahon fam ilanggen buhon endag apag ano, eke it ikni isinen dag sebahon fam ilanggen buhon endag apag ano?” ulug yig ituk apagma,

Yohanes 9:22

It ikni isina etnowen ariroho yig isebag etno, it Yahudi ap inakolen yig isebag. Eke it Yahudi ap etnowen uruk wilil, “Ap misihen At Yesus ari Kristus at-o,” ulug uruk halug, niren o Allah wene uruk ambeg epmanowen wilipfuhuk-o, ulug wene balfag etno fam,

Yohanes 9:35

Muko wilipfuruk apagma, At Yesus etnowen esanggo holtug, aren ap etno heaharuk apareg, yig ituk wilil, “Hat hindi Allah Amloho etno obam ebetuk ahen ano?” ulug yig ituk apagma,

Yohanes 9:40

Yig ituk apagma, eke it Farisi ap nin inim welapahon etno inesanggo holtuk apareg, yig ituk wilil, “Nit inim-at hinilanggen bug welahep ulug yig nisehen ano?” ulug yig ituk apagma,

1 Korintus 5:13

Eke ariroho at Alkitab etno fam yig nisaruk wilil, “At ap dahon hinanggelegma werehon etno hiren oag deloko wilipfiuk-o,” ulug yig nisaruk-o.

Galatia 2:15

Eke nit hag ninebe Yahudi ap endag atuk sowareg fam, it Allah wene inapelehon dag suruk etno hag suruk atukuk fuhon oke, it Yahudi aben wene duroho suruk amuk eke duroho suruk am fug ulug ebahon etno ilitoho suruk etno fam, alem dahon it aphe obog inobam werehon epmano At Allahen elehepfuruk eleg-o.

Efesus 2:3

Eke bilin Allah wene ninapeleg wilil, ninim ilitoho-at welatukuk-o. Ariroho wilil, ninakelehen yuhun-at seheg, eke ninebe kweanmon-at wilil ariroho suk ulug ninahla buruk atukukon epmano-at seheg suruk atukuk-o.

1 Petrus 5:5

Eke ari halug, hit ap elege epmano it inanggohon inune holtuk amiek-o. Eke it inapma wilil, neyabuk du seg nimin-o, ulug yig hisaruk isalug, it inune fanoroho holtuk amiek-o. Ariroho sukag ulug Alkitab fam wene holal embebahon du hit hiniluk-o, “It inonggarehen suontepatarukon halug, fobik At Allahen seberep isahu-o. Eke inonggarehen seberoho werehon halug, fobik At Allahen suontep isahu-o,” ulug wene holal embebahon etno hinuluk weregma,

3 Yohanes 1:10

Fobik an hit hinambeg waruhukseg, aren sirision obog bukaloko yig hisahuk-o. At une dahon urukon etno inim, enggal-at nobam denggeltukon etno inim, obog-at bukaloko yig hisahuk-o. Nin sirision etno du wereg-o. It ninomini hinambeg waharukmu, ninim nohulen ulug yig isaruk eleg-o. Eke it ninen ninim nohulen ulug urukon etno sohorep isiek-o ulug it Allah udaki wereg ambehen selema wilip isiog ulug suruk-o.

3 Yohanes 1:9

Eke alem misig du wereg-o. Holal misig anden it Allah inuk warukon epmano og isarikikon oke, eke at ap Diotrefes etnowen an suon-at welahi-o ulug, esanggo holtuk eleg-o.

Wahyu 13:17

Eke hit walo suon epmano inuk holal hininggikmu, eke hinilahoag fam elehon halug yi angge di angge onggo it nin og iseheg, eke inonggareg hunseheg suruk amuhup fug-o,” ulug at walo etnowen it aphe obog epmano yig isarisi-o.