Yohanes 9:30 - Allah Wene Hurumbik Keron

³⁰ Yig ituk apagma, at ap etnowen yig isaruk wilil, “Hit wene ariroho uruk ahep ari, urunanggeroho uruk ahep-o. An nilanggen etno Aren-at fenggenep nahakekon oke, eke hiren epmen waharisi ulug ninapeleg ehep-o.

Yohanes 9:30 ပူးပေါင်းရင်းမြစ်များ

Matius 11:5

‘Inilanggen buhon fenggen atukon inim, eke ap inoag elehon fano atukon inim, eke it hon­anggore­hon elehap inaptu­kon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isaru­kon inim obog-at fano suruk hehe-o,’ ulug at Yohanes yig irik lali­hip-o.

Matius 21:42

Yig ituk apagma, eke At Yesusen yig isaruk wilil, “Hit Alkitab wene baleg du wane sirikip fureg uruk ahep ano? Alkitab wene baleg etnowen yig nisaruk wilil, ‘It o faltukon etnowen helep du dahon-o, ulug sohorep isebahon etno fobik at misihen o isin neken-at lahapfebag-o. Eke At Ninikni inuk suon etnowen ariroho lahapfebag etno fam, ninilanggen halug fog suruk ahe-o,’ ulug ebahon wene baleg fam wereg etna hiniluk-o.

Markus 6:6

Fano inaptuk apareg, ahla buruk wilil, “It aphe duma An nobam ebetuk eleg du, wi, keroho ulug suruk-o?” ulug ahla buruk apareg, o sili alilukke epmano yig isil nuruk apag.

Lukas 7:22

it Yohanes omini lahap isebahon epmano yig isaruk wilil, “Hit suhuluk lalihipseg, hinilanggen hehebon inim, eke hinesanggo holehebon inim at Yohanes yig irik lalihipseg, inilanggen buhon fenggen atukon inim, eke iniog inoag elehon fano atukon inim, eke it honanggorehon elehap inaptukon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isarukon inim obog-at fano suruk hehe-o, ulug at Yohanes yig irik lalihip-o.

Yohanes 12:37

Herag apareg fam, it Yahudi ap epmano inil fam sukfugangge anggolo suruk apahon oke, it ninen At obam ebereheg eleg-at welapag.

Yohanes 3:10

At Yesus etnowen yig ituk wilil, “Hat hebe it Israel aphe epmano yanggul inaptuk ahenon-at oke, An wene yig hirihion etno hapeleg atuk ano?

Yohanes 9:29

Ariroho wilil, At Allahen Musa yig epahon etno niniluk-at welahe-o. Eke at ap du hag o epmen waharisi ulug nit ninapeleg-at welahe-o,” ulug yig epag.

Yohanes 9:31

Eke At Allahen it dag surukon etno inune esanggo holtuk eleg ari niniluk-o. Eke it yi aphe di aphe etno At une inesanggo holtuk wilil, Aren duroho sukag ulug ahla burukon etno ilitoho suruk isalug, Aren it inune esanggo holtuk-o.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.