Yohanes 9:29 - Allah Wene Hurumbik Keron

²⁹ Ariroho wilil, At Allahen Musa yig epahon etno niniluk-at welahe-o. Eke at ap du hag o epmen waharisi ulug nit ninapeleg-at welahe-o,” ulug yig epag.

Yohanes 9:29 ပူးပေါင်းရင်းမြစ်များ

Matius 12:24

Uruk apagma, it Farisi ap epmano inesanggo holtuk apareg, yig isaruk wilil, “Setan inowe Beelzebul etnowen oag werehon etno og itukmu, setan lisoko wilip inaptuk-o,” ulug yig isebag.

Matius 26:61

uruk wilil, “At ap duen o Allah ibam du mialepfuhukseg, ninggik henahan welatlug ubulukmu faluhuk ulug irisi-o,” ulug ebag.

Lukas 23:2

Imbik laruk apareg, inune dahon epmano obam denggeltuk wilil uruk apag, “At ap duen Kaisar ahauang anggen etno og um fug-o, An nakeleg-at Hinowe suon Kristus welahi-o, ulug it aphe duma enggal neken yig isarukmu ebe senetukuk-o,” ulug yig ituk apagma, eke at Pilatus etnowen hinog waruk wilil, “It Yahudi ap Inowe suon etno Hat-at ano?”

Yohanes 1:17

Eke at Musaen wene duroho suruk amuk eke duroho suruk am fug ulug ebahon etno yig nisawag ulug At Allahen yig epahon oke, At Yesus Kristus etnowen ninabua nisawon wene etno inim, eke demat urukon wene etno inim yanggul nisawag ulug At Allahen yig epag-o.

Yohanes 7:27

Eke At Kristus etno fobik waharuk halug, it obohen ebe kemen waha ulug inapeleg-at welamuhup oke, ap du hag epmen waha ulug nit obog niniluk at-o,” ulug uruk apag.

Yohanes 7:28

Ariroho uruk apagma, At Yesus etno o Allah ibam epmano une suontoho yig isaruk wilil, “Hiren ebe niniluk etno hag o epmen waha ulug niniluk at-o, ehep ari, hit demat niniluk buruk ahep ano? Eke An nebe nonggarehen-at ambik waharikik fug-o. Eke At lahap nabik waharision etnowen demat yig hisaruk-o. Eke hiren At ebe etno hinapeleg-at oke,

Yohanes 8:14

Yig ituk apagma, At Yesusen yig isaruk wilil, “An nawene etno nonggarehen-at yig hisaruk ahi ari, hiren wene demat uruk amon etno yig hisaruk ahi-o. Eke An nebe etno epmen waharikik, epma lahuk ulug niluk oke, hiren epmen waharisi, epma lahu ulug, hinapeleg-at welahep-o.

Yohanes 9:16

Yig isaruk apagma, it Farisi ap nin etnowen uruk wilil, “At ap fano sehekon du o hari Sabat fam yabuk suk fug uruk iseheg, fano sehek ari At ebe Allah une etno esanggo holtuk eleg hehe-o,” ulug uruk apagma, eke it ninen uruk wilil, “Ap dag surukon hahen sukfugangge ariroho selep fug hehe-o,” ulug ariroho uruk apareg, it inebe healeg welapag.

Yohanes 9:24

Yig isaruk apagma, it etnowen ininggik birenam at ap isina ahlen ilanggen buhon endag apahon etno ma ulug wol haruk apareg yig ituk wilil, “Hat At Allah il fam demat ihi ulug in-o. Ap hat fano habehekon ari obabut dag surukon nit niniluk-o,” ulug yig epag.

Yohanes 9:30

Yig ituk apagma, at ap etnowen yig isaruk wilil, “Hit wene ariroho uruk ahep ari, urunanggeroho uruk ahep-o. An nilanggen etno Aren-at fenggenep nahakekon oke, eke hiren epmen waharisi ulug ninapeleg ehep-o.

Kisah Para Rasul 22:22

Yig isaruk atisimu, it aphe epmano ari fam inesanggo holtuk atusareg, inune suon uruk wilil, “Ap du iluk welam hai-o. Kidia waroko imbiek-o,”

Kisah Para Rasul 26:22

Ariroho suruson oke, eke At Allahen nili oko ninim weregma, o yoho du fam hit suon inim, doron inim, obog-at nawene yig hisaruk ahi-o. Eke anden yig hisaruk ahion etno hag, it nabi ap inim, eke at Musa inimen hurumbik yig nisaruk wilil,

Kisah Para Rasul 7:35

Eke fobik it Israel ap epmano inahla buruk wilil yig epag, ‘Hat Musa du sen ninowe welamag ulug minduhup haharisi-o?’ ulug yig ituk apahon oke, At Allahen malaikat etno engga fam hondok ambulpul laharuk ambeg epmano belabik wapagma, at malaikat etnowen Musa yig ituk wilil, ‘At Allahen it Israel ap epmano o Mesiren inili oko wilip isaruk amag ulug minduhup haharisi-o,’ ulug yig epag.

Ibrani 1:1

Eke o amuk At Allahen it awene yig isebahon epmano yig isarukmu, iren nit ninetamuki epmano inil fam nintul nantul sukfugangge seheg, eke yiroho diroho yig iseheg suruk apagma, alem ari fam yi wene di wene obog-at yig isaruk apahon oke,

Ibrani 1:2

eke kidia At Amloho etnowen wene etno yig nisaruk atisi-o. Ariroho yig nisaruk atisi ari, At Allahen Amloho yi angge di angge unde welamag ulug minduhupfebahon etno, At Allahen at inuk fam o ahik ya da wal hebag-o.