Yohanes 9:24 - Allah Wene Hurumbik Keron

²⁴ Yig isaruk apagma, it etnowen ininggik birenam at ap isina ahlen ilanggen buhon endag apahon etno ma ulug wol haruk apareg yig ituk wilil, “Hat At Allah il fam demat ihi ulug in-o. Ap hat fano habehekon ari obabut dag surukon nit niniluk-o,” ulug yig epag.

Yohanes 9:24 ပူးပေါင်းရင်းမြစ်များ

Markus 15:27

Umburuk apareg, At Yesus etno inim it ap biren inalomnangge herahebahon etano at misig inggik bikit fil, at misig inggik harebag fil e fam lenggaloko imbisebag.

Lukas 15:2

it Farisi ap inim eke it wene yanggul isarukon epmano inimen inune fog fog uruk wilil, “At ap du it ap dag surukon epmano inim heahi war war uruk ahesareg orom inim naruk-o,” ulug uruk apag.

Lukas 19:7

Heahi watukmu, it aphe obog inilanggen haruk apareg, inune fog fog uruk wilil, “Udag dia, At Yesus etno ap dag surukon etno inim welamuog ulug suruk-o,” ulug uruk apag.

Lukas 7:39

Delepfuruk apagma, at Farisi ap Yesus ninim nulen ebahon etnowen ilanggen haruk apareg, ahla buruk wilil, “Ap du demat Allah wene yig isarukon hahen, hwe ambusu iog anggulmu delehekon du dag surukon ulug Aren iluk welatlep-o,” ulug ahla bebag.

Yohanes 14:30

Eke kidia hag, wene atog inim yig hisamin fug-o. At iblis, o kweanma duma inikni suon neken werehon etno arat waharuk-o. At ebe etno arat waharuk ari, aren An seberep nahaku fug-o.

Yohanes 16:2

Eke hit hinebe epmano fobik o Allah wene uruk ambeg epmanowen muko wilip hisahup-o. Eke hit hinebe warep hisaharuk amuhupseg, niren war inabehe ari, Allah yabuk-at sehe-o, ulug inahla buruk amuhup-o.

Yohanes 18:30

“Hit ap du alem nongge sirisimu obam denggeluog ulug wahep-o?” ulug yig isaruk apagma, it epmanowen yig ituk wilil, “Eleg-o, ap du dag selep fugmen, hat hambeg imbik watlo fug-o,” ulug yig epag.

Yohanes 19:6

Yig isaruk apagma, it ap Allah unde inowesi suon epmano inim, eke it ap yaharoho werehon epmano inimen ebe inilanggen haruk apareg, inune suon uruk wilil, “Eleg-o, At ebe kidia e fam lenggaloko umbulug paku waroko umbul-o,” ulug uruk apagma, at Pilatus etnowen yig isaruk wilil, “Ari halug, hiren ebe senoko e fam lenggaloko imbiek-o. Eke an hag Aren alem misig dag sirisi ulug nahla buruk ahi fug-o,” ulug yig isebag.

Yohanes 5:23

it apheyen At Ikni inuk suontepfuruk amuhup etno hag, Amloho inuk ariroho-at suontepfuruk amuhup-o. Eke ari halug, it apheyen At Amloho inuk suontepfuruk eleg ari, At Iknien lahapfik waharision etno inuk suontepfuruk eleg at-o,” ulug yig isebag.

Yohanes 8:46

Eke An nebe hat dag du sirikin ulug hat sen nobam denggeluhun-o? Ari eleg-o. Anden wene demat uruk amon etno-at yig hisaruk ahion oke, hit keroho ulug nobam ebetuk ahep fug-o?

Yohanes 8:49

Yig ituk apagma, eke At Yesus etnowen yig isaruk wilil, “An nindimu setan eleg-o. Anden Nikni inuk-at suontepfuruk ahion oke, hiren dorontep naharuk ahep-o.

Yohanes 9:16

Yig isaruk apagma, it Farisi ap nin etnowen uruk wilil, “At ap fano sehekon du o hari Sabat fam yabuk suk fug uruk iseheg, fano sehek ari At ebe Allah une etno esanggo holtuk eleg hehe-o,” ulug uruk apagma, eke it ninen uruk wilil, “Ap dag surukon hahen sukfugangge ariroho selep fug hehe-o,” ulug ariroho uruk apareg, it inebe healeg welapag.

Yohanes 9:25

Yig ituk apagma, at etnowen yig isaruk wilil, “At obabut dag surukon ano, fano surukon ano, an napeleg oke, an nilanggen bug weregma fenggenep nahakekon alem ari-at niluk-o,” ulug yig isebag.

Roma 8:3

Eke ninebe kweanmon etnowen fano suk ninoag elegma, at wene duroho suruk amuk eke duroho suruk am fug ulug ebahon etnowen fano ninabuk hai atision oke, At Allahen fano ninaptisi-o. Eke At Allahen Amloho etno it ap kweanmon inebe dag surukon epmano ilitoho belabik waharuk wilil, At Kristus obam alem dag surukon epmano onggo umbukag ulug belabik wapareg fam, alem dag surukon epmano oag deloko elehepfebag-o.

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

Wahyu 11:13

Lahap isarusama, eke fobik hetnogsoho o yugul suon suruk wilil, aphe inibam o ahik sumu werehon epmano anggolo miale­heg, aphe inebe tujuh ribu war inabeheg sirisi-o. Ariroho suruk atisimu, eke it aphe iniluk welatuson epmanowen inakolen elekelek suruk wilil, Allah boholma werehon etno inuk suontepfuruk atu­sa-o.