Yohanes 9:1 - Allah Wene Hurumbik Keron

¹ Eke fobik At Yesus etno laruk wilil, ap misig isina ahlen ilanggen buhon endag apareg, weregma ilanggen hebag.

Yohanes 9:1 ပူးပေါင်းရင်းမြစ်များ

Matius 20:30

Mutlug larukmu, it ap biren inilanggen buhon kwalem laruk ambeg enggatgat fil horieg werehon etano, At Yesus kwalem suon du laruk-o, ulug urukmu inesanggo holtuk apareg, inune suon uruk wilil, “Hat Daud etamu wahen ari, nit ninabua nisimin-o,” ulug yig epag.

Matius 9:27

O etnowen wilip atuk apareg larukmu, it ap biren inilanggen buhon etano mutlug laruk apareg, inune suon-at yig ituk wilil, “Hat Daud etamu duen nit hahmu nisimin-o,” ulug yig epag.

Markus 9:21

Elma wasup anggolo herog uruk apagma, At Yesusen yig ituk wilil, “Udag du ariroho inggik marenam sirisi-o?” ulug ikni etno yig ituk apagma, at etnowen yig ituk wilil, “At udag doron famen ariroho mondog-at suruk wilil,

Lukas 8:43

Kelegsoho laruk wilil, at hwe misig dua belas tahun amep nintul nantul waharuk mondog welapahon etno inim kelegsoho lebag. Eke at etno bilin it ap fano inaptukon anggolo inambeg laruk wilil, at aharek obog onggo umburuk apahon oke, iren fano suk hai apag.

Yohanes 5:5

Fano inaptuk apareg weregma, at ap misig uk wareg wilil, tiga puluh delapan tahun yinggig welapag.

Yohanes 8:59

Ariroho yig isaruk apagma, it etnowen wabuog ulug helep ininggikmu webahon oke, At Yesus ebe onggarehen herag atuk apareg, o Allah ibam epmano sohorep isalug lebag.

Yohanes 9:2

Ilanggen haruk apagma, it At omini etnowen yig ituk wilil, “Ninowe yanggul hisaruk aheon wai, ap du isina ahlen-at ilanggen buhon endag apag ari, at sen dag sebareg fam ariroho endag apag-o? Ari halug, aren dag sebahon fam ilanggen buhon endag apag ano, eke it ikni isinen dag sebahon fam ilanggen buhon endag apag ano?” ulug yig ituk apagma,

Kisah Para Rasul 14:8

Eke it etano o Listra waharuk apagma, ap misig isina ahlen iog oag elehon endag apareg, kwalem lao haien bok wilil, at Paulusen ebahon etno esanggo holtuk apag.

Kisah Para Rasul 28:4

Ayeg salukseg weregma, it aphe o epma werehon epmanowen inilanggen haruk atusareg uruk wilil, “Wi, ap du ikmen fano wilik wahaon oke, walo duen baltukmu wararikon ari at ebe bilin ap watuk atision ano?” ulug inune fog fog uruk atusama,

Kisah Para Rasul 4:22

Sohorep isaruk apareg weregma, eke it aphe obog epmanowen ap misig iog oag elehon empat puluh tahun-at welatision oke, sukfuganggeroho fano surusa-o, ulug At Allah inuk-at suontepfuruk apag.

Kisah Para Rasul 9:33

Bik isa laruk apag, ap misig inuk Eneas iog oag elehon etno tahun sirehen angge uk wareg weregma ha lebag.