Yohanes 8:6 - Allah Wene Hurumbik Keron

⁶ Ariroho yig epag ari, At obam denggeluhuken ulug inahla buruk wilil, indi kahaluog ulug yig epag. Ariroho yig ituk apagma, At Yesus etno olohore wanduk uruk apareg, inggik dum fam kweanma holal balfag.

Yohanes 8:6 ပူးပေါင်းရင်းမြစ်များ

Matius 10:16

At Yesusen yig isaruk wilil, “Hit hinesanggo holtuk amiek­-o. Wam domba epmano it oloyangge hahon inayeg libil inaptukon inambeg lahap isaruk etno hag, lahap hisaruk ahi-o. Eke wam elien orom niog ulug aphe inamben baltuk etno hag, hit hinebe yaharoho wilil, sue yalme indi fano wereg etno hag hit hinindi fanoroho welamuk-o.

Matius 15:23

Yig epahon oke, At Yesusen une yig epag fug. Une yig ereheg eleg weregma, eke At omini etnowen yig ituk wilil, “At hwe du mug ninaplug laruk wilil, une suon ninobam uruk du, wilibin-o,” ulug yig epag.

Matius 16:1

Eke fobik it Farisi ap eke Saduki ap nin inim, At Yesus ambeg wapag. Waharuk apareg, At Yesus enggali wabuog ulug yig ituk wilil, “At Allah hinim welahep halug nit ninahla bulen sukfugangge misig sin-o,” ulug yig epag.

Matius 19:3

Fano inaptukmu, it Farisi ap nin At ambeg waharuk apareg, Aren baluog ulug hinog waruk wilil, “Wene duroho suruk amuk eke duroho suruk am fug ulug ebahon etno wereg heheg, ap misig alem yi angge di angge farim uhwe amberaken sohorep isao ari fano ano dag ano?” ulug yig ituk apagma,

Matius 22:18

At Yesus etnowen it inobabut dag surukon iluk atuk apareg, yig isaruk wilil, “Hit ap hinenggal-at uruk ahebon du wai. An keroho ulug nindi kahaluog ulug uruk ahep-o?

Matius 22:35

Wonggaltuk apareg, ap iron misig wene baleg unde etnowen At etno keroho uruk hamin ulug indi kahaliog ulug hinog waruk wilil,

Matius 26:63

At Yesus etno une ilik eleg-at bok apag. Bok apareg weregma, eke fobik at ap Allah unde inowe suon etnowen yig ituk wilil, “Hat hebe Kristus Allah Amloho welahen ano ulug hinog yig hirihi ari, At Allah ilukon etno inuk fam demat yig nisawag ulug yig hirihi-o,” ulug yig ituk apagma,

Markus 10:2

Yangguloko yig isarukmu, it Farisi ap epmano At ambeg waharuk apareg, Aren baluog ulug yig ituk wilil, “Wene duroho suruk amuk eke duroho suruk am fug ulug ebahon etno wereg heheg, ap misig uhwe amberaken sohorep isao ari fano ano, dag ano? Haren yig nisimin-o,”

Markus 12:15

ulug yig ituk apagma, At etnowen inenggal neken yig nerehesa hihi-o, ulug ahla buruk apareg, yig isaruk wilil, “Hit keroho ulug An nindi kahaltuk ahep-o? Ari halug uang anggen misig nilanggen haminen honanggoko og nirik maniek-o,” ulug yig isaruk apagma, honanggoko og irik wapag.

Markus 3:2

Kuruk apagma, it aphe epmano inahla buruk wilil, o hari Sabat sembahyang uog ulug bok wereg niseheg oke, ap du fano sikon ano, eleg ano? Fano suruk halug, At o hari Sabat fam yabuk sehek ulug niren ninune obam denggeltulen-o, ulug inilanggen fikfag wenaharuk apag.

Markus 8:11

O Dalmanuta etno laruk apagma, it Farisi ap etno At ambeg waharuk apareg, inim wene baltuk wilil, it boholmen sukfuganggeroho surukon ari, niren fog sulen misig sin-o, ulug Aren surukon etno Aren baluog ulug yig epag.

Lukas 10:25

Eke fobik at ap wene holal baleg unde misig waharuk apareg, At Yesus enggali wariog ulug yig ituk wilil, “Ninowe yanggul nisarukon wai, an niniluk welamon etno waminen keroho sik-o?” ulug hinog waruk apagma,

Lukas 11:16

ulug uruk apagma, eke it ninen At Yesus enggali wabuog ulug yig ituk wilil, “Hat Allah inim werehon demat ulug nit niniluk amagsoho sukfuganggeroho misig simihin-o,” ulug yig ituk apagma,

Yohanes 8:2

Laharuk apareg, noholug ilikia hubet o Allah ibam epmano ambik waharuk apareg, At bulmu wereg heheg, it aphe obog ambeg dahagsoho wonggalik wapag. Wonggalik waharuk apagma, At etno horie uruk apareg, wene yanggul isaruk apag.

1 Korintus 10:9

Eke ap iron ninen At Ninowe indi kahalik waharuk apagma, walo ayeg bal inaptukon etnowen war inapag. Etno hag, nit ariroho At Ninowe etno indi kahaluk fug-o.