Yohanes 8:56 - Allah Wene Hurumbik Keron

⁵⁶ Eke hit hinetamu Abraham etno An nebe farim endag aruhu ulug indi ebetuk wilil, ahien hebag-o,” ulug yig isebag.

Yohanes 8:56 ပူးပေါင်းရင်းမြစ်များ

Matius 13:17

Eke misig du yig hisamin-o. Hiren hinilanggen haruk ahebon ari, it nabi ap inim, eke it Allah udaki amuk welapahon inimen inilanggen huog ulug inindien-at sebahon oke, hebag fug-o. Eke hit hinesanggo holtuk ahebon epmano holuog ulug sebahon oke, holfag fug-o,” ulug yig isebag.

Lukas 10:24

Eke hit hinilanggen hehebon epmano it nabi ap Allah wene hurumbik yig isaruk apahon inim, it Raja inowesi suon inim inebe anggolowen ninilanggen hulen ulug sebahon oke, hebag fug-o. Eke hit hinesanggo holehebon epmano inesanggo holtulen ulug sebahon oke, holfag fug-o, ulug yig hisihi ari An demat yig hisaruk ahi-o,” ulug yig isebag.

Yohanes 10:25

Yig ituk apagma, eke At Yesusen yig isaruk wilil, “An arat yig hisarikikon oke, hit hag nobam ebetuk ahep fug-o. Eke Anden yi yabuk di yabuk Nikni inuk fam suruk nealug, ari fam An nawene selegma atuk-o.

Yohanes 8:37

Eke hit hinebe etno at Abraham etamuki welahep ari An niluk-o. Eke hit hinebe ariroho welahebon oke, Anden wene yanggul hisaruk ahion etno eberoko wao hinamberaken nowabuog ulug suruk ahep-o.

Yohanes 8:39

Ariroho yig isaruk apagma, eke it etnowen yig ituk wilil, “Nit ninetamu ari at Abraham at-o,” ulug yig ituk apagma, eke At etnowen yig isaruk wilil, “Hit hinebe at Abraham etamuki demat welatlepmen, aren sebahon etno ilitoho selep-o.

Ibrani 11:13

Eke it aphe epmano inindi demat ulug ebetuk wilil, At Allahen hurumbik yig isebahon etno inilanggen halug eleg-at warapag. Inebe yatmen-at inilanggen yet heheg, eke hurumbik etno inindimu ebetuk wilil, inebe yatmen-at wa eheg suruk apareg, selegmaroho bukaloko uruk wilil, “O kweanma duma ap yatmon wereg etno hag, huso neken-at welahe-o,” ulug uruk apag.

Ibrani 11:39

Eke it obog epmano inindimu demat ulug ebepag etno fam, du Allah udaki at-o ulug selegma apag-o. Ariroho selegma apahon oke, At Allahen ap misig og hisahuk ulug hurumbik yig isebahon etno inilanggen hebag fug-o.