Yohanes 8:55 - Allah Wene Hurumbik Keron

⁵⁵ Eke At ebe etno hiren hinapeleg-at welahebon oke, An hag ebe niluk-o. Eke Anden At Allah ebe napeleg-o, ulug elemen, hit hinenggal uruk ahep etno hag An nenggal-at uruk atle-o. Ariroho uruk atleon oke, Anden At ebe niluk wilil, At une nesanggo holtug ilitoho suruk ahi-o.

Yohanes 8:55 ပူးပေါင်းရင်းမြစ်များ

Matius 11:27

Hat Niknien An yi angge di angge obog og nitikinteg fam, Haren-at An Hamloho nebe hiluk-o. Eke An Hamlohoen-at Hat Nikni hebe niluk-o. Eke An Hamloho etnowen it nin yig isarukmu, it etnowen-at Hat hebe iniluk atuk-o,” ulug ebag.

Lukas 10:22

Hat Niknien An yi angge di angge obog og nitikinteg fam, Haren An Hamloho hebe hiluk-o. Eke An hamlohoen Hat Nikni hebe niluk-o. Eke An Hamloho etnowen yig isarukmu Hat hebe iniluk atuk-o,” ulug uruk apag.

Yohanes 1:18

Eke ap misihen At Allah ebe haruk eleg oke, At Allah Amloho misig-at inim werehon etnowen At Allah ebe duroho wereg ulug selegmaroho yig nisebag-o.

Yohanes 15:10

Eke An Niknien yig nitukon epmano ilitoho suruk nealug, At ninim ninindi hunduhuk welahe etno hag, hit Anden wene yig hisaruk atikikon epmano ilitoho suruk hisalug, hit An ninim hinindi hunduhuk welamuhuk-o,

Yohanes 15:21

Eke hiren An nawene etno waruk hisalug, hit ariroho-at inambit hisahup-o. Eke iren At An lahap nabik waharision etno inapeleg-at wereg-o.

Yohanes 16:3

Ariroho inahla buruk amuhup ari, iren An nebe inim, An Nikni etno inim inapelehen-at suruk wilil, inahla buruk amuhup-o.

Yohanes 17:25

Eke Haren fano mondog suruk ahen-o. Eke it aphe kweanmon Hat hawene waruk elehon epmanowen Hat hebe inapeleg-at wereg oke, An hag Hat hebe niluk etno fam, it nudaki epmanowen At ebe demat Allahen lahabik waharisi ulug iniluk-o.

Yohanes 6:46

Ari halug, Anden it yi aphe di aphe obog epmanowen An Nikni inilanggen harusa ulug yig hisaruk ahi fug-o, An Allahen minduhup naharision etnowen-at An Nikni etno nilanggen harikik-o,” ulug yig isebag.

Yohanes 8:19

Yig isaruk apagma, it etnowen yig ituk wilil, “Hat Hikni ari sa-o?” ulug yig ituk apagma, At Yesusen yig isaruk wilil, “Hit An Nikni inim, eke An nebe inim hinapeleg-at welahep-o. Eke hiren An nebe etno At ulug hiniluk welatlepmen, An Nikni etno inim-at hiniluk welatlep-o,” ulug yig isebag.

Yohanes 8:29

Eke An nebe At lahap nabik waharision etno ninim welahe-o. Eke Anden At ahien hawon etno-at suruk nealug, aren sohorep naharisi fug-o,”

Yohanes 8:44

Eke hit hinikni at setan udaki wilil, hiniknien duroho siek ulug ahla burukon-at ilitoho suruk ahep-o. Eke at setan ari, o amuken-at ap watukon neken welapag-o. Eke at setan etno indimu wene demat urukon etno elehen aren demat ulug uruk eleg-o. Eke aren enggal wene yig hisaruk ari, at obam dombog-at uruk-o. Eke at etno wene enggal-at uruk wilil, yi wene di wene enggal-at urukon etno ikni neken wereg-o.

Yohanes 8:51

Ari halug, Anden wene demat uruk amon etno yig hisamin-o. Eke it aphe obog wene Anden uruk ahion etno ilitoho suruk isalug, ari fam waramuhup fug-o,” ulug yig isebag.

Yohanes 8:52

Yig isaruk apagma, it Yahudi ap etnowen yig ituk wilil, “Hat hindimu setan werehon etno kidia demat ulug niniluk aha-o. Eke it nabi ap etno inim, at Abraham etno inim obog-at warapahon oke, haren yig nisaruk wilil, ‘It aphe obog wene Anden uruk ahion etno ilitoho suruk isalug, ari fam waramuhup fug,’ ulug yig nisaruk ahen-o.

Kisah Para Rasul 17:23

Eke hit hinibam o suon duma laruk wilil, hiren angge usama epmano nilanggen harikikseg, eke o usama misig ninetamu inuk ninapelehon etno og ituk ambeg ulug wene baloko imbirikipmu, nilanggen harikik. Nilanggen harikikseg, hiren inuk hinapeleg heheg ebe warikibon etno kidia inuk inim, awene inim yig hisaruk ahi-o. Wene ari Ninikni Allah awene etno yig hisaruk ahi-o.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.

1 Yohanes 1:6

Nit halug, Allah ninim dambuksoho welahe-o, ulug uruk aheon oke, o hikmu neken laruk nisalug, ninune fam ninenggal neken uruk wilil, ninindien dagsoho suruk ahe-o.

1 Yohanes 2:22

Ari halug, ap sen enggal-at uruk ano? It, At Yesus Kristus ebe eleg-o, ulug ariroho urukon etnowen-at inenggal uruk-o. Eke At Allah etno, Amloho inim inawene inenggal neken uruk, ulug ariroho urukon halug, ininuk antikristus at-o.

1 Yohanes 2:4

Eke at misihen, At Allah niluk-o, ulug urukon oke, Allahen komo yig nisarukon etno ilitoho suruk eleg halug, ap etno enggal-at uruk-o, demat uruk eleg-o.

1 Yohanes 5:10

At Allah Amloho obam ebetuk nisalug, ari ninindi famen demat ulug ebetuk ahe-o, eke At Allah Amloho obam ebetlug eleg urukon halug, At Allah-at enggaltepfuruk-o. At Allahen At Yesus ari An Namloho at-o ulug ebahon etno ebetlug eleg urukon halug, At Allah-at enggaltepfuruk-o.

Wahyu 3:9

Eke it iblis udaki epmanowen nit Yahudi ap-at ulug inenggal-at urukon etno, Anden hinolohotma imbisahukmu, inolohore wandukso­ho wereg iseheg, suontep hisahakup-o. Suontep hisaharuk wilil, hit hinebe An ninim nindi hunduhuk welahion epmano iniluk aru­hu-o.