Yohanes 8:52 - Allah Wene Hurumbik Keron

⁵² Yig isaruk apagma, it Yahudi ap etnowen yig ituk wilil, “Hat hindimu setan werehon etno kidia demat ulug niniluk aha-o. Eke it nabi ap etno inim, at Abraham etno inim obog-at warapahon oke, haren yig nisaruk wilil, ‘It aphe obog wene Anden uruk ahion etno ilitoho suruk isalug, ari fam waramuhup fug,’ ulug yig nisaruk ahen-o.

Yohanes 8:52 ပူးပေါင်းရင်းမြစ်များ

Matius 11:18

Eke at Yohanes etno waharisireg, orom inim, ik anggur etno inim nenggeg eleg weregma, hit obohen, ‘At ebe nenek suru­kon at-o,’ ulug uruk atikip-o.

Yohanes 1:19

Eke fobik it Yahudi ap o Yerusalem welapahon epmanowen it Allah unde nin inim, eke it Lewi ap epmano nin inim, at Yohanes ambeg lahap isaruk apagma, it epmanowen at Yohanes etno yig ituk wilil, “Hat hebe sa ilitoho welahen-o?” ulug yig ituk apagma,

Yohanes 14:23

At Yesusen yig ituk wilil, “It yi aphe di aphe An nobam inindi hunduhuk werehon epmanowen An nawene etno inesanggo holtuk wilil, ilitoho-at suruk amuhup-o. Ariroho suruk isalug, An Nikni etnowen it inobam indi hunduhuk wilil, An ninim inambeg waharuk amuhukseg, ninim mondog welamuhuk-o.

Yohanes 15:20

Eke Anden hit bilin yig hisaruk wilil, ‘Ap misig anggimbu etno suon neken, eke ikni etno doron neken wereg eleg-o,’ ulug yig hisarikikon etno hinindi eberiek-o. Iren An nebe muko wilip nabuog ulug surusa etno hag, hit ariroho at muko wilip hinabuog ulug suhup-o. Eke iren An nawene etno inesanggo holtusa fug etno hag, hit hinawene epmano ariroho-at inesanggo holtuk amuhup fug-o.

Yohanes 17:6

Eke it yi aphe di aphe kweanma duma werehon epmano An nudaki welamag ulug fuloko og nitikon epmano Hat hebe iniluk amag ulug yig isarikik-o. Eke it inebe bilin Haren angge-at welatuson oke, fobik An og nitikin-o. Og nituk atikinmu, iren Hat hawene etno eberoko waruk atusareg,

Yohanes 7:20

Yig isaruk apagma, eke it aphe obog epmanowen yig ituk wilil, “Hat ariroho uruk ahen ari, setan hindimu wilil, nowabuog ulug suruk ulug uruk ahen ano?” ulug yig epag.

Yohanes 8:22

Yig isaruk apagma, eke it Yahudi ap etnowen yig ituk wilil, “Aren o An lahuk ambeg epma hit lao hai-o, ulug yig nisehek du, At ebe onggarehen-at watiog ulug uruk ano?” ulug ebag.

Yohanes 8:48

Ariroho yig isaruk apagma, eke it Yahudi ap etnowen yig ituk wilil, “Niren hat hebe Samaria ap wilil, setan hindimu welahen ulug yig hitukuk etno demat yig hitukuk hehe-o,” ulug yig epag.

Yohanes 8:51

Ari halug, Anden wene demat uruk amon etno yig hisamin-o. Eke it aphe obog wene Anden uruk ahion etno ilitoho suruk isalug, ari fam waramuhup fug-o,” ulug yig isebag.

Yohanes 8:55

Eke At ebe etno hiren hinapeleg-at welahebon oke, An hag ebe niluk-o. Eke Anden At Allah ebe napeleg-o, ulug elemen, hit hinenggal uruk ahep etno hag An nenggal-at uruk atle-o. Ariroho uruk atleon oke, Anden At ebe niluk wilil, At une nesanggo holtug ilitoho suruk ahi-o.

Yohanes 9:24

Yig isaruk apagma, it etnowen ininggik birenam at ap isina ahlen ilanggen buhon endag apahon etno ma ulug wol haruk apareg yig ituk wilil, “Hat At Allah il fam demat ihi ulug in-o. Ap hat fano habehekon ari obabut dag surukon nit niniluk-o,” ulug yig epag.

Ibrani 11:13

Eke it aphe epmano inindi demat ulug ebetuk wilil, At Allahen hurumbik yig isebahon etno inilanggen halug eleg-at warapag. Inebe yatmen-at inilanggen yet heheg, eke hurumbik etno inindimu ebetuk wilil, inebe yatmen-at wa eheg suruk apareg, selegmaroho bukaloko uruk wilil, “O kweanma duma ap yatmon wereg etno hag, huso neken-at welahe-o,” ulug uruk apag.

Ibrani 2:9

Isaruk ahe fuhon oke, At Yesus-at ninilanggen haruk ahe-o. Eke At ebe elamna-at it malaikat epmano inapma welamag ulug embebareg fam, At Allahen it yi aphe di aphe obog inabua isaruk heheg, At it inake waramag ulug sohorep isebahon oke, At ebe waratuk wilil yahan wapareg fam, kidia At ebe suon alon werehon-at wereg haruk ahe-o.