Yohanes 8:48 - Allah Wene Hurumbik Keron

⁴⁸ Ariroho yig isaruk apagma, eke it Yahudi ap etnowen yig ituk wilil, “Niren hat hebe Samaria ap wilil, setan hindimu welahen ulug yig hitukuk etno demat yig hitukuk hehe-o,” ulug yig epag.

Yohanes 8:48 ပူးပေါင်းရင်းမြစ်များ

Matius 10:25

Ari halug, it yig isarukon epmanowen an at ninowe yanggul nisarukon ilitoho welam nindi-o, ulug uruk am ari fa­no-o. Eke it anggimbu etnowen an nebe at ninikni ilitoho welam nindi-o, ulug uruk am ari fano at-o. Eke it inowe ari inuk Beelzebul-o ulug soaltuk isalug, at udaki ininuk da­hon-at soal inabuhu-o,” ulug At Yesusen yig isebag.

Matius 10:5

Minduhup isaruk apareg, eke fobik At Yesusen lahap isiog ulug inesanggo watuk wilil, “Hit o Samaria epma, it Allah wene waruk elehon wereg ambeg epmano la fug-o.

Matius 11:18

Eke at Yohanes etno waharisireg, orom inim, ik anggur etno inim nenggeg eleg weregma, hit obohen, ‘At ebe nenek suru­kon at-o,’ ulug uruk atikip-o.

Matius 12:24

Uruk apagma, it Farisi ap epmano inesanggo holtuk apareg, yig isaruk wilil, “Setan inowe Beelzebul etnowen oag werehon etno og itukmu, setan lisoko wilip inaptuk-o,” ulug yig isebag.

Matius 12:31

Ari halug, nomini-o. It apheyen yi dag di dag surukon epmano inim, eke nintul nantul aphe inabug baltukon epmano inim At Allahen inobam inapelegsoho sohorep isa­lug, apma imbisahu oke, eke At Roh Kudus etno abug baltuk isa­lug, At Allahen inobam inapelegsoho apma imbisahu fug-o.

Matius 15:7

Eke hit hinenggal-at uruk ahebon du amuk at Yesaya etnowen hit hinawene ebag ari demat ebag-o.

Yohanes 1:19

Eke fobik it Yahudi ap o Yerusalem welapahon epmanowen it Allah unde nin inim, eke it Lewi ap epmano nin inim, at Yohanes ambeg lahap isaruk apagma, it epmanowen at Yohanes etno yig ituk wilil, “Hat hebe sa ilitoho welahen-o?” ulug yig ituk apagma,

Yohanes 10:20

Ariroho wilil, it ninen, “Ap du setan indimu wilil, nenek neken urukon du keroho ulug At une holtuk ahep-o,” ulug uruk apagma, eke it ninen, “Eleg-o, At setan indimu welatlepmen, wene ariroho elep fug-o.

Yohanes 13:13

Horie uruk apareg, yig isaruk wilil, “Anden ho hinabihion etno ebe du farim sehek ulug hinahla buruk ahep ano? Hiren Ninowe yanggul nisarukon ulug yig nituk ahep ari, An nebe Hinowe yanggul hisarukon-at wereg nealug, demat yig nituk ahep-o.

Yohanes 4:9

It epmano arat lebareg wereg iseheg, at Samaria hwe etnowen Yesus etno yig ituk wilil, “Hat it Yahudi ap-at oke, an Samaria hweap nambeg ik naminen honang nimin ulug yig nituk ahen ari keroho ulug uruk ahen-o?” ulug yig epag. Ariroho yig epag ari, it Yahudi ap inim, it Samaria ap inim ik oag misihon fam dambuksoho naruk apag fug etno fam ariroho yig epag.

Yohanes 7:20

Yig isaruk apagma, eke it aphe obog epmanowen yig ituk wilil, “Hat ariroho uruk ahen ari, setan hindimu wilil, nowabuog ulug suruk ulug uruk ahen ano?” ulug yig epag.

Yohanes 8:22

Yig isaruk apagma, eke it Yahudi ap etnowen yig ituk wilil, “Aren o An lahuk ambeg epma hit lao hai-o, ulug yig nisehek du, At ebe onggarehen-at watiog ulug uruk ano?” ulug ebag.

Yohanes 8:52

Yig isaruk apagma, it Yahudi ap etnowen yig ituk wilil, “Hat hindimu setan werehon etno kidia demat ulug niniluk aha-o. Eke it nabi ap etno inim, at Abraham etno inim obog-at warapahon oke, haren yig nisaruk wilil, ‘It aphe obog wene Anden uruk ahion etno ilitoho suruk isalug, ari fam waramuhup fug,’ ulug yig nisaruk ahen-o.

Roma 15:3

Eke At Kristus etno hag ahien hiog ulug sebag fug-o. Ariroho suruk apag fug ari fam, At Alkitab wene holal baleg etnowen yig nisaruk wilil, “It apheyen inune dahon hat hobam umburuson epmano An-at nobam umburusa-o,” ulug bilin wene holal embebag etno nit inim-at yanggul nisawag ulug embebag-o.

Ibrani 13:13

Eke At ebe etno lehet selema fil wereg ari fam, nit ninebe epmano At ambeg wilip atlug ninim ninenggali haruk amuk-o.

Yakobus 2:19

Eke hit hag, “Ninikni Allah misig-at wereg-o,” ulug hinindimu ebetuk ahep ari fano at-o; eke hiren ebetuk ahep ari hag, it iblis epmanowen inindi ariroho-at ebetuk wilil, mondog inakolen suruk-o.