Yohanes 8:47 - Allah Wene Hurumbik Keron

⁴⁷ Eke it yi aphe di aphe obog At Allahen endag inaptukon etno hag At Allah une-at inesanggo holtuk-o. Eke hit hinebe At Allah udaki neken welahep fug ari fam An nune etno hinesanggo holtuk ahep fug-o,” ulug yig isebag.

Yohanes 8:47 ပူးပေါင်းရင်းမြစ်များ

Yohanes 12:48

Ari halug, it aphe ninen An nobam ebetuk eleg wilil, An nawene ninambit-o, ulug uruk isalug At misihen inoag deloko imbisahu-o. Ariroho imbisahu ari, wene Anden yig isaruk ahion etnowen-at inoag deloko imbisahu-o.

Yohanes 18:37

Yig ituk apagma, at Pilatus etnowen yig ituk wilil, “Ariroho ehen ari, Hat hebe etno it aphe nin inowe suon neken welahen hiyihi-o,” ulug yig ituk apagma, At Yesus etnowen yig ituk wilil, “Hat hebe it aphe nin Inowe suon welahen yig nerehen ari, haren-at ehen-o. Eke An nebe o kweanma duma ambik waharikikseg, endag atikik ari, wene demat uruk amon etno-at yig isiog ulug ambik waharikik-o. Eke it yi aphe di aphe wene demat uruk amon etno eberoko warukon halug, An nawene etno inesanggo holtuk-o,” ulug yig epag.

Yohanes 5:25

Ari halug, An wene demat uruk amon etno misig yig hisamin-o. Kidia inim, fobik inim, it warehon epmanowen An Allah Amloho nune inesanggo holtuk isalug, iniluk mondog welamuhup-o.

Yohanes 6:65

Ariroho iluk wilil, nin duroho yig isaruk apag, “Ari halug, Anden bilin yig hisaruk wilil, ‘Hit An nambeg wamon etno bilin Niknien og hisaruk eleg halug, hit hinonggarehen-at An nambeg wam ari hai-o,’ ulug yig hisarikik etno alem ari fam-at yig hisarikik-o,” ulug yig isebag.

Yohanes 8:37

Eke hit hinebe etno at Abraham etamuki welahep ari An niluk-o. Eke hit hinebe ariroho welahebon oke, Anden wene yanggul hisaruk ahion etno eberoko wao hinamberaken nowabuog ulug suruk ahep-o.

Yohanes 8:43

Eke hit Anden yig hisaruk ahion etno nulug hinindi ebetuk ahep fug ari, wene Anden uruk ahion etno hinamberaken-at suruk ahep-o.

Yohanes 8:45

Ariroho wereg oke, eke Anden wene demat urukon etno yig hisaruk nealug, hiren nobam ebetuk ahep fug-o.

1 Yohanes 3:10

Eke it Allah udakion inim, it iblis udakion inim surukon ari ilit eleg-o. It mot mot suruk elehon, inomini inambit isarukon halug ari, Allah udaki fug-o.

1 Yohanes 5:1

Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.

2 Yohanes 1:9

Ap misihen At Kristus yanggul nisebahon etno sohorep isalug, obam seberoho yig nisaruk halug, At Allah inuk apeleg wilil yig nisaruk-o. At Kristusen yanggul nisebahon etno-at yig nisaruk halug, At Allah Amloho etno inim indi hunduhuk wereg-o.

3 Yohanes 1:11

Nomin-o, it dag sil nurukon epmano inahengga senebuk fug-o. Fano sil nurukon epmano halug, inahengga seneriuk-o. Fanoroho surukon halug At Allahen angge-at wereg-o. Dag surukon halug, At Allah apeleg-at wereg-o.