Yohanes 8:44 - Allah Wene Hurumbik Keron

⁴⁴ Eke hit hinikni at setan udaki wilil, hiniknien duroho siek ulug ahla burukon-at ilitoho suruk ahep-o. Eke at setan ari, o amuken-at ap watukon neken welapag-o. Eke at setan etno indimu wene demat urukon etno elehen aren demat ulug uruk eleg-o. Eke aren enggal wene yig hisaruk ari, at obam dombog-at uruk-o. Eke at etno wene enggal-at uruk wilil, yi wene di wene enggal-at urukon etno ikni neken wereg-o.

Yohanes 8:44 ပူးပေါင်းရင်းမြစ်များ

Matius 12:34

Eke hit walo udaki neken welahep du, hino­babut dahon ari famen keroho yi wene di wene fanowon etno uk behep ano? Eke inindimu werehon etnowen inambilik selemen ilitoho-at uruk-o.

Matius 13:15

Hinahla buruk ahebon etno hai neken-at buruk ahep-o. Eke ariroho buruk wilil, hinesanggo dohurepataruk ahep-o. Eke hinilanggen inim-at buhepataruk ahep-o. Eke At Allahen yig hisaruk wilil, hit hinebe fano-at welatlepmen, hinilanggen fano helep-o. Eke hinesanggo inim fano holtep-o. Eke hinahla inim fanoroho buruk atlep-o. Ariroho suruk wilil, An nawene etno waruk atlep-o. Warukmu, eke Anden fano hinaple-o,’ ulug at Yesaya etnowen yig isebag-o.

Matius 13:38

Eke eyabukmu yapag ambeg etno hag o kweanma duma-at wereg-o; eke i angge fanowon yapahon etno hag it Allah udaki-at wereg-o,” ulug yig isaruk apareg, eke fobik yig isaruk wilil, “Eke hohol i yapahon etno hag, it iblis udaki etno-at wereg-o.

Yohanes 6:70

Yig ituk apagma, At Yesus etnowen yig isaruk wilil, “Anden hit hinebe dua belas epmano fuloko minduhup hisaharikikon oke, hat misig etno iblis amloho-at welahen-o,”

Yohanes 7:17

Eke ap misig At Allah ahla burukon etno ilitoho siog ulug suruk halug, An wene yanggul hisaruk ahion etno, At Allahen yig itukmu suruk ano, onggareg ahla bulug-at suruk ano, ulug iluk arikon-o.

Yohanes 8:38

Eke Anden Niknien yanggul nitision etno-at yig hisaruk ahi etno hag, hit hiniknien yig hisebahon etno-at suruk ahep-o,” ulug yig isebag.

Yohanes 8:41

eke hit hiniknien sebahon etno-at ilitoho suruk ahep-o,” ulug yig isebag. Yig isaruk apagma, it etnowen yig ituk wilil, “Nit ninebe ari wanggik udag neken welahe fug-o. Nit obog Ninikni ari At Allah misig-at wereg-o,” ulug yig epag.

Yohanes 8:55

Eke At ebe etno hiren hinapeleg-at welahebon oke, An hag ebe niluk-o. Eke Anden At Allah ebe napeleg-o, ulug elemen, hit hinenggal uruk ahep etno hag An nenggal-at uruk atle-o. Ariroho uruk atleon oke, Anden At ebe niluk wilil, At une nesanggo holtug ilitoho suruk ahi-o.

Kisah Para Rasul 13:10

yig ituk wilil, “Hat iblis amloho du wai. Haren yi angge di angge fanowon epmano seberoho umburuk wilil, yi angge di angge dahon uson epmano-at suruk hiyihi-o. Ariroho suruk wilil, at Ninoweyen demat ebahon etno enggal ebag neken buruk ahen-o.

Kisah Para Rasul 24:9

it Yahudi ap inim obog-at demat ehek ulug obam denggeltusa.

Kisah Para Rasul 5:3

Og isa laruk apagma, at Petrus etnowen yig ituk wilil, “Ananias wai, hat keroho ulug iblis hindimu kehekma, At Roh Kudus etno ambolma dahalehen-o? Eke hahuang og hituson etno obog-at og hisaruk ahi, ulug yig nisehenon oke, nin minggiroko herahapatehen-o.

2 Korintus 11:3

Eke bilin at walo etnowen hwe Hawa enggal-at yig ituk wilil indi kahalfag etno hag, hit ariroho hinindi ebetuk ahebon epmano hinapeleg atlug At Kristus mutlug motoho lawon etno sohorep isao ari an nakol-o.

1 Petrus 5:8

Eke hinindi fanoroho yaha welamiek-o. At selion hinim healeg welahebon iblis etno wam eli neken sil nuruk wilil, ap misig indi kahalepfulug libilik-o, ulug heag hinabil nuruk-o.

2 Petrus 2:4

Eke o amuk it malaikat dahon epmano At Allah sohorep isalug, inakeleg lebahon etno At Allahen fobik oag del inabuhuken ulug hele waroko o dagma imbisebag-o.

1 Yohanes 1:8

Eke nit ninindi dahon eleg-o uruk nisalug, ninenggal neken uruk wilil, demat uruk ahe fug-o.

1 Yohanes 2:21

Yi angge di angge obog epmano hinapelegma halug, anden holal du bal hisihi fug. Eke yi angge di angge obog epmano hiniluk halug, anden holal du bal hisihi-o.

1 Yohanes 2:4

Eke at misihen, At Allah niluk-o, ulug urukon oke, Allahen komo yig nisarukon etno ilitoho suruk eleg halug, ap etno enggal-at uruk-o, demat uruk eleg-o.

1 Yohanes 3:12

At Kain etnowen sebag etno hag suk fug-o. At Kain iblis amloho etnowen, ot Habel wapag ari, nongge farim wapag-o? Ari at Kain obabut dahon weregma, eke ot Habel obabut fano sebag arien wapag-o.

1 Yohanes 3:15

Eke ap misihen omini ambit hun inaptukon halug ari, ap watukon neken wereg-o. Ap watukon halug, iniluk welamon etno holao ari hai-o.

Yudas 1:6

Eke misig du wereg-o. It malaikat epmano At Allah inuk sohorep isalug, it inibam wilip apagma, At Allah oag deloko imbisahuk ulug hele waroko o hikmu imbisebahon wereg-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 13:14

Belabik waharuk atisireg, at walo bilinon etno inim wilil, sukfugangge suon etno suruk ati­sireg, it aphe obog at enggal-at yig isari­si-o. Ariroho eng­gal-at yig isaruk atisireg, eke fobik it aphe kweanmon epmano obog-at yig isaruk wilil, “Walo suon ungguluag karog fam baloko warepfebahon etno oke, iluk werehon etno inuk suontepfukag ulug ebe misig ilitoho siek-o,” ulug yig isaruk atisimu etno ilitoho-at surusa-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.

Wahyu 21:8

It epmano og inaptuk aruhukon oke, eke it inakol werehon inim, it fanoroho ebetuk elehon inim, it dahon inim, it ap watukon inim, it wanggikon inim, it usa surukon inim, it kwanangge senehon inim, it inenggal urukon inim, it epmano obog hondok helep wandal hahon etnowen inahu ambeg epmano welamuhup-o. Birenam waratukon ari mondog-at senebuhup-o,” ulug yig nitukmu nesanggo holtikik-o.

Wahyu 22:15

It epmano epma kuhubon oke, eke it yangge neken sil nurukon epmano inim, it usa surukon epmano inim, it wanggik surukon epmano inim, it ap watukon epmano inim, it kwanangge senehon epmano inim, eke it dahan fahan suruk wilil inenggal urukon epmano inim, it epmano obog-at o selema welamuhup-o.

Wahyu 9:11

Bal inaptuk heheg, at kwean kahaleg ambeg unde werehon etno inowe welatisi-o. Inowe werehon etno inuk it Ibrani inune fam Abadon, ari it Yunani inune fam Apoli­on, ari nit ninune fam Mialtukon ulug soaleg welatisi-o.