Yohanes 8:37 - Allah Wene Hurumbik Keron

³⁷ Eke hit hinebe etno at Abraham etamuki welahep ari An niluk-o. Eke hit hinebe ariroho welahebon oke, Anden wene yanggul hisaruk ahion etno eberoko wao hinamberaken nowabuog ulug suruk ahep-o.

Yohanes 8:37 ပူးပေါင်းရင်းမြစ်များ

Matius 13:15

Hinahla buruk ahebon etno hai neken-at buruk ahep-o. Eke ariroho buruk wilil, hinesanggo dohurepataruk ahep-o. Eke hinilanggen inim-at buhepataruk ahep-o. Eke At Allahen yig hisaruk wilil, hit hinebe fano-at welatlepmen, hinilanggen fano helep-o. Eke hinesanggo inim fano holtep-o. Eke hinahla inim fanoroho buruk atlep-o. Ariroho suruk wilil, An nawene etno waruk atlep-o. Warukmu, eke Anden fano hinaple-o,’ ulug at Yesaya etnowen yig isebag-o.

Matius 3:9

Eke hiren at Abraham ninikni wereg ulug hinahla buk fug-o. At Alla­hen helep du famen Abraham udaki endag inabukon iluk-o.

Yohanes 10:31

Ariroho yig isaruk apagma, it Yahudi ap epmanowen fobik inim wabuog ulug helep ininggikmu webag.

Yohanes 11:53

Ariroho yig isaruk apagma, o ari sambit it Yahudi ap inowesi suon epmanowen At Yesus ebe wabuog ulug inahla bebag.

Yohanes 5:44

Eke ari halug, hit hit suontepatawon hinindi haruk ahebon oke, At Allahen suontep hisahukag ulug suruk ahep fug du, hit An nawene etno keroho eberoko welep-o?

Yohanes 7:1

Eke fobik At Yesus etno o Galilea epmano ya keheg sil wapag. Ariroho sil wapag ari, it Yahudi aben ebe wabuog ulug suruk isalug, o Yudea etno lao amberaken o Galilea wapag.

Yohanes 7:19

Eke at Musa etnowen wene duroho suruk amuk eke duroho suruk am fug ulug ebahon etno yig hisebag ari hiniluk oke, hit wene etno hinesanggo holtuk eleg wilil, hit An kerohoen nowabuog ulug suruk ahep-o?” ulug yig isebag.

Yohanes 7:25

Yig isaruk apagma, it Yerusalem aphe nin epmanowen uruk wilil, “It Yahudi aben ap misig wabuog ulug suruk ari, ap ebe du wabuog ulug suruk-o.

Yohanes 8:33

Yig isaruk apagma, eke it etnowen yig ituk wilil, “Nit ninebe etno at Abraham etamuki nowen, nit ninebe ap misig anggimbu neken wilil, hele waroko welatukuk fug-o. Ariroho welatukuk fuhon oke, Haren hele hibiloko hinombisahakuk ulug ehen ari, keroho ulug ehen-o?” ulug yig epag.

Yohanes 8:43

Eke hit Anden yig hisaruk ahion etno nulug hinindi ebetuk ahep fug ari, wene Anden uruk ahion etno hinamberaken-at suruk ahep-o.

Yohanes 8:56

Eke hit hinetamu Abraham etno An nebe farim endag aruhu ulug indi ebetuk wilil, ahien hebag-o,” ulug yig isebag.

Yohanes 8:59

Ariroho yig isaruk apagma, it etnowen wabuog ulug helep ininggikmu webahon oke, At Yesus ebe onggarehen herag atuk apareg, o Allah ibam epmano sohorep isalug lebag.

Yohanes 8:6

Ariroho yig epag ari, At obam denggeluhuken ulug inahla buruk wilil, indi kahaluog ulug yig epag. Ariroho yig ituk apagma, At Yesus etno olohore wanduk uruk apareg, inggik dum fam kweanma holal balfag.

Kisah Para Rasul 13:26

Ariroho yig isebag etno hag, eke kidia yig hisaruk ahi-o. Eke hit nomini Abraham etamuki inim, eke hit o duma Allah wene waruk ahebon inim obog-at yig hisamin-o. Wene ninili wawon etno nit-at yig nisaruk-o.

Roma 9:7

Eke it at Abraham etamuki epmano it nin At Allah udaki neken welapag fug ari fam At Allahen Abraham etno yig ituk wilil,

1 Korintus 2:14

Eke at ap misig Roh Kudus indimu eleg wilil, alem amukon ebetukon halug, At Roh Kudusen yig nisarukon etno demat ulug eberoko wao ari hai-o. Eke nit At Roh Kudus etnowen yig nisarukmu waon oke, at ap etno urunanggeroho neken ahla buruk wilil, wene etno alem heahuk hai atuken weheg eleg wereg-o.

1 Yohanes 2:14

Nudaki-o, hit At Ninikni hiniluk ari famen, anden holal du bal hisihi-o. Niknisi-o, hit At almen welapareg kidia werehon etno hiniluk ari famen, anden holal du bal hisihi-o. Nomini-o, hit elege wilil, hinoag weregsoho welahep ari famen, anden holal du bal hisihi-o. Eke hinindimu Allah wene etno wereg-o. Hiren iblis dahon etno apmarepfirikip-o.