Yohanes 8:34 - Allah Wene Hurumbik Keron

³⁴ Yig ituk apagma, eke At Yesus etnowen yig isaruk wilil, “An wene demat uruk amon etno yig hisamin-o. Eke it yi aphe di aphe epmano dag suruk isalug, it inebe alem dag surukon etno anggimbu neken wereg-o.

Yohanes 8:34 ပူးပေါင်းရင်းမြစ်များ

Matius 5:18

Bohol inim kwean inim awan eleg atuk eleg heheg, hurumbik ebahon etno obog suhu-o. Hurumbik balfahon etno holal alem misig nuk aruhu fug-o, ulug An demat yig hisaruk ahi-o.

Yohanes 3:3

Yig ituk apagma, At Yesus etnowen yig ituk wilil, “Wene demat urukon etno yig hisamin-o. Ap misig ebe birenam endag atuk eleg halug, At Allah weregma kuk ari hai-o,” ulug yig ituk apagma,

Kisah Para Rasul 8:23

Eke hindi famen heraharuk wilil, hinggik famen dahon epmano senetuk ahen hiyihi-o,” ulug yig epag.

Roma 6:12

Eke hit hinobabut amukon epmano wilil, hit hinindien bulug sirikibon epmano sohorep isuog ulug, alem dag surukon etnowen hit hinebe waramuhubon etno oag weregsoho seberep hisahuk nowen ulug yig hisihi-o. Eke hit hinebe atog-atog etnowen dag sehe ha nowen ulug alem dag surukon epmano apma seberoho welam fug-o.

Roma 6:16

Eke an yig hisaminon du hiniluk welamuk-o. Eke hiren ap misig une hinesanggo holuog ulug apma seberoho welamuhup halug, ap une hinesanggo holtuk amuhubon etno anggimbu-at welamuhup-o. Eke ariroho wilil, dag urukon epmano apma seberoho welamuhup halug, mondog-at waramuhup-o. Eke At Allah une holtuk wilil apma seberoho welamuhup halug, At hinim-at fanoroho wilil dambuksoho welamuhup-o.

Roma 6:6

Eke an yig hisaminon du niniluk-at welahe-o. Eke At Kristus e fam lenggaloko embebagma warapag etno hag, nit ninindi amukon epmano ariroho-at waratisi-o. Eke ariroho alem dag suruk aheon epmano oag elegsoho imbisalug, fobik dag surukon epmano anggimbu neken welahe ha nowen ulug ninindi amukon epmano arat waratisi-o.

Roma 7:14

Eke wene duroho suruk amuk eke duroho suruk am fug ulug ebahon etnowen hinindi duroho welamiek ulug yig nisaruk ari niniluk oke, eke an nebe kweanmon etno hag dag surukon etno anggimbu neken welahi-o.

Roma 7:25

Eke an hag At Ninowe Yesus Kristus inuk fam Allah wa ulug yig ituk ahi-o.

Roma 8:21

Ariroho wereg oke, eke it yi angge di angge wal hebahon etnowen o ari sambit ninebe waratuk aheon alem etno elegsoho imbisahu-o. Eke o ari sambit it Allah udaki epmano inebe suontep isahureg, nit inim-at suontep nisahaku-o, ulug inahla buruk-o.

Efesus 2:2

Eke it kweanmonen suruk etno hag dag suruk wilil, it dag surukon inahurangge une etno hinesanggo holtikip-o. Eke it inowe ari kidia it aphe Allah wene holtuk elehon epmano inowe-at wereg-o.

Titus 3:3

Eke nit bilin ariroho-at urunanggeroho wilil, ninik­nisi inune holeheg eleg-at dag suruk atukuk-o. Eke nit ninin­dien-at yi dag di dag suruk atukuk-o. Eke nit nambit ham­bit uruk wilil, niren it aphe ninambit hun inabeheg, eke it apheyen nit inambit hun ninabeheg suruk atukuk-o.

2 Petrus 2:19

Eke it dag surukon epmano iblis apma neken wilil, urunanggeroho suruk-o. Ariroho suruk ari, it ap inindi werehon neken suruk eleg-o. At dag surukon etno anggimbu wilil, inonggarehen at dahon etno apma kuruk-o.