Yohanes 8:28 - Allah Wene Hurumbik Keron

²⁸ Ariroho inahla buruk eleg isaruk apareg, At Yesus etnowen yig isaruk wilil, “Hiren At Allah Amloho etno mindoko imbik laharuk amuhupseg, At ebe etno-at ulug hinahla buhup-o. Hinahla buruk amuhupseg, Anden yig hisaruk wilil, ‘Nonggarehen suruk ahi fug-o. At Nikni etnowen yanggul nitukon etno-at yig hisaruk ahi-o,’ ulug yig hisarikikon etno demat yig nisarisi ulug hinahla buhup-o.

Yohanes 8:28 ပူးပေါင်းရင်းမြစ်များ

Matius 24:5

Fobik it ap anggolo at waharuk amuhupseg, An ninuk fam yig hisaruk wilil, ‘An nebe Kristus-at welahi-o,’ ulug yig hisaruk amuhupmu, it aphe obog demat ulug inindi ebebuhup-o.

Markus 13:6

Fobik it aphe anggolo-at waharuk amuhupseg, An ninuk fam yig hisaruk wilil, ‘An nebe Kristus-at welahi-o,’ ulug yig hisaruk amuhupmu, it aphe obog demat ulug inindi ebebuhup-o.

Lukas 21:8

Yig ituk apagma, eke At Yesusen yig isaruk wilil, “Ariroho ehebon oke, hit it ninen wene inenggal-at yig hisarukon epmano hinindi eberehep ha nowen, hinonggarehen fanoroho hinindi aso welamuk-o. Fobik it aphe anggolo-at waharuk amuhupseg, An ninuk fam yig hisaruk wilil, ‘An nebe Kristus-at welahi-o,’ eke nin, ‘At Allahen suhu ulug hurumbik ebahon etno kidia arat suruk-o,’ ulug yig hisahubon oke, hinesanggo holuk fug-o.

Yohanes 11:42

Hat hesanggo holtuk ahenon etno An niluk oke, it yi aphe di aphe obog wonggalik waheson dumen At Yesus etno Ikni Allahen demat lahabik waharisi ulug inahla buruk wilil eberoko wawag ulug yig hirihi-o,” ulug yig epag.

Yohanes 13:19

Ariroho suruk ulug yig hisihi ari, awan nabug baltuk eleg heheg yig hisaruk ahi-o. An yig hisaruk ahion ari, arat nabug baltuk halug, hit obohen At ebe Kristus demat-o, ulug uhuben ulug hurumbik arat yig hisihi-o.

Yohanes 16:10

Eke alem dahon inobam weregma elehepfukon etno yanggul isahu ari, An nebe Nikni ambeg lahukseg fam, hinilanggen hearuk amuhup fug irisi ulug yanggul isahu-o.

Yohanes 18:32

Ariroho yig epag ari, bilin At Yesusen it ap duen duroho nowabuhup ulug yig isebahon etno hurumbik demat yig nisarisi ulug it aphe obohen inahla bukag ulug, ariroho yig epag.

Yohanes 19:18

Laharuk apareg, iren At ebe e fam lenggalepfuruk apareg, paku fam waroko embebag. Umburuk apareg, it ap biren e fam femag femag lenggaloko, At Yesus bulmu lenggaloko embebag.

Yohanes 3:11

Ari halug, wene demat urukon etno yig hibmin-o. Ariroho yig hituk wilil, nil harikikseg niluk atision etno-at yig hisaruk ahion oke, hiren An wene yig hisaruk ahion epmano eberoko waruk ahep fug-o.

Yohanes 3:14

Eke bilin o limu aphe eleg ambeg epmano at Musaen walo etno e fam homako minduhupfebag etno hag, fobik An Allahen minduhup naharision etno e fam lenggaloko minduhup nahakup-o.

Yohanes 4:26

eke At Yesus etnowen yig ituk wilil, “At Kristus ebe waruhu ebahon etno kidia wene yig hituk ahi du An at-o,” ulug yig epag.

Yohanes 5:19

Eke fobik At Yesusen yig isaruk wilil, “An wene demat urukon etno yig hisamin-o. At Amloho etno onggareg ahla buluhen-at suruk eleg-o. At Iknien surukon epmano ilanggen halug-at suruk-o. Eke At Iknien suruk etno hag, At Amloho etno ariroho-at suruk-o.

Yohanes 5:30

At Yesusen yig isaruk wilil, “An nonggarehen yi angge di angge suk ari hai-o. At Allahen yig nituk halug, aphe oag del inaptuk wilil, fanoroho-at oag del inaptuk ahi-o. Eke ari halug, An nahla burukon etno ilitoho suk sohorep isalug, At Nikni lahap nabik waharision etnowen ahla burukon etno-at ilitoho siog ulug suruk ahi-o.

Yohanes 6:38

Eke An nebe etno At lahap nabik waharision etnowen ahla burukon etno-at ilitoho suruk ariog ulug boholmen ambik waharikik-o. Ariroho ambik waharikik ari, An nindien kahaloko suruk ariog ulug ambik waharikik fug-o.

Yohanes 8:24

Ariroho wereg hisalug, Anden hit dag-at suruk amuhup etno fam waramuhup ulug yig hisihi-o. Eke hiren An nebe etno At ulug nobam ebet naptuk eleg hisalug, hiren dag-at suruk amuhup etno fam waramuhup-o,” ulug yig isebag.

Yohanes 8:27

Ariroho yig isebahon oke, it etnowen Ninikni Allah etno farim-at yig nisehek ulug inahla buruk apag fug.

Yohanes 8:58

Yig ituk apagma, eke At Yesusen yig isaruk wilil, “Ari halug, An wene demat uruk amon etno yig hisamin-o. Eke at Abraham etno awan endag atuk eleg heheg, An nebe welaheyag at-o,” ulug yig isebag.

Kisah Para Rasul 2:41

Yig isaruk apagma, it obohen wene yig isebahon etno eberoko waruk apagma, it inebe tiga ribu obam seberoho belap inapag.

Kisah Para Rasul 4:4

It etano kolap isaruk apagma, eke it aphe Allah wene yig isarukmu webahon epmano, inebe lima ribu-at webag.

Roma 1:4

eke At indi Allah inim welapareg fam, it aphe warehon wereg ambeg epmanowen iluksoho minduhupfebag halug, At Allahen une oag weregsoho yig nisaruk wilil, “Du An Namloho-at-o,” ulug yig nisebag.