Yohanes 8:21 - Allah Wene Hurumbik Keron

²¹ Eke fobik At Yesus etnowen yig isaruk wilil, “An nebe etno lahuk at-o. Eke An nebe lahukseg fam, hiren kema wereg ulug heag nabil lahubon oke, hit dag-at suruk amuhup etno fam waramuhup-o. Eke o An lahuk ambeg epma hit lao hai-o,” ulug yig isebag.

Yohanes 8:21 ပူးပေါင်းရင်းမြစ်များ

Matius 23:39

Eke hiren uruk wilil, ‘At Ninikni inuk fam waharukon du At Allah ahien obam umbukag-o,’ ulug awan uruk eleg hiseheg, nolohore neahup fug-o, ulug An demat yig hisihi-o,” ulug At Yesusen yig isebag.

Matius 25:41

Ariroho yig isaruk aruhukseg, eke fobik it aphe ninggik harebag fil werehon epmano yig isaruk wilil, ‘Hit aphe wene homali neken hinobam werehon du, hinebe An wereg ambeg dumen wilip amiek-o. Wilip atuk atlihipseg, o hondok olokma at iblis ebe inim eke it at anggimbu epmano inim welamag ulug embebag ambeg epmano-at hinim welamuhuben aliek-o.

Matius 25:46

Ariroho yig isaruk aruhukmu, it epmano o hondok olokma initog mondog welam ambeg epmano-at lahup-o. Eke it inobabut fanowon epmano hag, o fanoma iniluk mondog welamuhup ambeg epmano-at lahup-o,” ulug yig isebag.

Yohanes 12:33

Ariroho nombahik lahakup ulug yig isebag ari, iren duroho nowabuhup ulug hurumbik yig isebag.

Yohanes 12:35

Yig ituk apagma, eke At Yesusen yig isaruk wilil, “At o seleg etno hininggik dorat hinim welamuhup-o. Eke hit o hik ambeg epmano welahe ha etnowen ulug, o seleg etno mutlug laruk amuk-o. Eke it yi aphe di aphe nin o hikmu larukon epmano, epma laruk ahe ulug inapeleg-at wereg-o. Ari halug, hit At o seleg etno hinim wilil, At obam-at hinindi ebetuk amuk-o. Ariroho ebetuk hisalug, hit hinebe o seleg etno udaki-at welamuhup-o,” ulug yig isebag.

Yohanes 13:33

Eke An nebe etno kidia dorat ninim welamuhuk-o, nudaki. Ariroho welamuhukseg, hiren fobik nebe heag nabil lahup oke, An lahuk ambeg epma hit lao hai-o, ulug it Yahudi ap bilin yig isarikik etno hag, yig hisaruk ahi-o.

Yohanes 7:34

Ariroho lahukseg fam, hiren heag nabil lahup oke, hiren An heag nabuhup fug-o. Eke o An lahuk ambeg epma hit lao ari hai at-o,” ulug yig isebag.

Yohanes 7:36

Ari halug, At ebe it ap Allah wene inapelehon wereg ambeg epmano lalug yanggul isaruk ariog ulug uruk ano? Eke Aren hit An lahukseg fam heag nabil lahup oke, heag nabuhup fug-o. Eke An lahuk ambeg epma hit lao hai at-o, ulug yig nisehek du, keroho ulug yig nisehek-o?” ulug uruk apag.

Yohanes 8:24

Ariroho wereg hisalug, Anden hit dag-at suruk amuhup etno fam waramuhup ulug yig hisihi-o. Eke hiren An nebe etno At ulug nobam ebet naptuk eleg hisalug, hiren dag-at suruk amuhup etno fam waramuhup-o,” ulug yig isebag.

Efesus 2:1

Eke hiren bilin yi dag di dag suruk wilil, hinebe warehon neken-at welatikip-o.