Yohanes 8:2 - Allah Wene Hurumbik Keron

² Laharuk apareg, noholug ilikia hubet o Allah ibam epmano ambik waharuk apareg, At bulmu wereg heheg, it aphe obog ambeg dahagsoho wonggalik wapag. Wonggalik waharuk apagma, At etno horie uruk apareg, wene yanggul isaruk apag.

Yohanes 8:2 ပူးပေါင်းရင်းမြစ်များ

Matius 26:55

Yig ituk apareg, At Yesusen it ap wonggalik wapahon etno yig isaruk wilil, “An nebe ap dahon ahama sen nabuog ulug karog yikangge inim walug wahep ano? Eke hit ap nin Anden o Allah ibam epmanowen wene yig hisaruk wilil, ninim horieg welatukukon etnowen sen naptikip fuhon oke,

Lukas 21:37

Ariroho At Yesus o Allah ibam epmanowen nintul nantul Allah wene yig isaruk wilil, hubanggo wilip atlug, dom Zaitun fam nohoruk apag.

Lukas 21:38

Ariroho surukmu, o witaruk apagma, it aphe obog o Allah ibam epmen wene yig isarukmu, inesanggo holuog ulug laruk apag.

Lukas 4:20

fobik holal etno abitoho it yalmag inaptukon epmano og isebag. Og isaruk apareg, horieg weregma, it aphe wene uruk ambeg inim werehon epmanowen inilanggen fikfag wenaharuk apag.

Lukas 5:3

Yet isaruk apareg, At Yesus etno so misig at Simonen angge etno fam kuruk apareg, it aphe epmano yig isaruk wilil, “So ari dot fonggogsoho ikma imbik kiek-o,” ulug yig isaruk apareg, At ebe so fam horieg wilil, it aphe epmano wene yanggul isebag.

Yohanes 4:34

eke At Yesusen yig isaruk wilil, “An ebe naruk ahion ari, At lahap nabik waharision etnowen ahla burukon etno ilitoho seheg, eke An yabuk suruk amag ulug og nitision etno arat seheg suruk ahi ari fam, naharom neken nalug welahi-o,” ulug yig isebag.

Yohanes 8:20

Ariroho yig isebag ari, At Yesus o Allah ibam uang anggen umburuk ambeg epmanowen yangguloko yig isebag. Ariroho yig isebahon oke, At ebe hele war nabuhup ulug ahla burukon etno awan fanggog uruk elehen, ap misihen inggik senebuk sohorep isebag.

Yohanes 8:3

Yanggul isaruk heheg, it wene yanggul isarukon etno inim, it Farisi ap etno inimen hwe misig wanggik surukmu heaharuk apareg, it obog inil fam minduhupfebag.

Kisah Para Rasul 5:21

it mondep isebahon epmano inesanggo holtuk apareg, ilikia hubet o Allah ibam etno kuruk apareg, it aphe epmano wene yig isebag. It etno yig isaruk weregma, it imam ap suon, omini epmano inim, it Yahudi ap inowesi epmano inim dambuksoho wene baluog ulug wol isaruk apagma, wonggalik wapag. Wonggalik waharuk apareg, it aphe dahon imbisaruk ambeg unde epmano yig isaruk wilil, “At Yesus omini aphe dahon imbisaruk ambeg kolap inaptikibon epmano og inaplug hinim maniek-o,” ulug yig isaruk apagma,