Yohanes 7:6 - Allah Wene Hurumbik Keron

⁶ Yig ituk apagma, At Yesus etnowen yig isaruk wilil, “An o epma lawon etno awan fanggog uruk eleg-o. Eke hit o epma nintul nantul lao fano at-o.

Yohanes 7:6 ပူးပေါင်းရင်းမြစ်များ

Matius 26:18

eke At etnowen yig isaruk wilil, “Hit o sili sumu epmano ap misig ambeg laruk atlihipseg, yig ituk wilil, ‘At Ninowe yanggul nisarukon etnowen, Anden sukon etno arat fanggog ehekseg fam, An nomini ninim hat hibam epmen esoho Paskah etno esoko nul-o’ ulug ariroho yig irik aliek-o,” ulug yig isaruk apagma,

Yohanes 13:1

Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 17:1

Eke fobik At Yesusen yi wene di wene obog-at yig isalug, At etno ilanggen boholma lahap haruk apareg uruk wilil, “Nikni-o, misig sukon etno arat fanggog ehek-o. An Hamlohoen Hat hinuk suontep hahakuken, Haren An Hamloho etno ninuk suontep nahin-o.

Yohanes 2:4

Yig ituk apagma, eke At Yesus etnowen yig ituk wilil, “Hat hwe du Anden yi angge di angge sukon epmano yig num fug-o. Anden sukon epmano awan fanggog uruk eleg-o,” ulug yig epag.

Yohanes 7:30

Yig isaruk apagma, iren At ebe hele wabuog ulug sebahon oke, Aren An o ari sambit nowabuhup ulug ahla burukon etno awan fanggog uruk elehen, ap misig etnowen inggik senepag fug.

Yohanes 7:8

Ari halug, hit hag o epma esetukmu lao ari fano at-o. Eke An hag o epma lawon awan fanggog uruk eleg-o,” ulug yig isebag.

Yohanes 8:20

Ariroho yig isebag ari, At Yesus o Allah ibam uang anggen umburuk ambeg epmanowen yangguloko yig isebag. Ariroho yig isebahon oke, At ebe hele war nabuhup ulug ahla burukon etno awan fanggog uruk elehen, ap misihen inggik senebuk sohorep isebag.

Kisah Para Rasul 1:7

At etnowen yig isaruk wilil, “Hit An Niknien o ari sambit suhuk ulug onggarehen ahla burukon etno hinapelegsoho welamuk-o.