Yohanes 7:39 - Allah Wene Hurumbik Keron

³⁹ Eke At Yesus etno ebe suon welamag ulug awan minduhupfuruk elegma, Roh Kudus etno og isebag fuhon oke, it At obam ebetuk apahon etno dulum-at og hisahuk ulug abug yig isebag-o.

Yohanes 7:39 ပူးပေါင်းရင်းမြစ်များ

Matius 16:14

it etnowen yig ituk wilil, “It ninen At ebe Yohanes aphe ikma belap inaptukon-at hehe ulug uruk-o, eke it ninen Elia uruk-o, eke it ninen Yeremia ano, eke it nabi ap Allah wene yig isaruk apahon misig ano, ulug uruk-o,” ulug yig epag.

Matius 21:11

“Ap du At Yesus o Galilea Nazaret ap etno Allah wene yig nisa waharision etno ebe du at-o,” ulug uruk apag.

Lukas 24:49

Eke An Niknien og hisawon abug yig hisarision etno fobik belap hisa waruhuk-o. Eke hit hag, boholmen oag werehon etno ninobam belabik waruhu ulug aso wilil, o duma welamuhup-o,” ulug yig isebag.

Lukas 3:16

Ariroho inahla buruk apagma, at Yohanesen, “Anden ikma belap hinabihireg oke, eke At an nombolim waruhuon etno At suon, an doron ulug iog eset hele homahowon etno hibiluk an nakol-o. Eke At etnowen fobik Roh Kudus og hisaruk wilil, hondok ambulpul neken hinobam belabik waruhu-o.

Lukas 7:16

Og ituk apagma, it aphe obog epmano inakolen suruk apareg, uruk wilil, “Kidia ap nabi suon misig ninanggelegmen minaha etno nit At Allah udaki obog ninili wawag ulug At Allahen belap nisa waha-o,” ulug it obohen At Allah inuk suontepfebag.

Yohanes 1:21

it epmanowen yig ituk wilil, “Ari halug, hat hebe sa ilitoho welahen-o? At Elia ilitoho welahen ano?” ulug yig ituk apagma, at etnowen, “An at Elia ilitoho welahi fug-o,” ulug yig isaruk apagma, it epmanowen, “Halug, hat hebe at nabi ap At Allah ahurumbik yig isiog ulug waruhuon etno-at welahen ano?” ulug yig ituk apagma, at etnowen, “Eleg-o, an ap ehebon ari an fug-o,” ulug yig isaruk apagma,

Yohanes 1:25

“Hat hebe At Kristus inim, at Elia inim, at nabi waruhuon etno inim an it ilitoho welahi fug ulug ehenon oke, keroho ulug haren aphe ikma belap inaptuk ahen-o?” ulug yig epag.

Yohanes 1:33

Nilanggen hihireg oke, At ebe du-o ulug napeleg heheg, At Allahen aphe ikma belap inabuhunen ulug lahap nabik waharision etnowen yig nituk wilil, ‘At fobik Roh Kudus inobam belabik waruhuon etno ungguluagma Roh Kudus etno ambik waharukmu hilanggen hamihin-o,’ ulug At Allahen yig nerehekma, nilanggen hihi-o.

Yohanes 12:16

ulug ariroho wene embebahon etno At Yesus omini epmanowen o ari sambit inindi ebebag fuhon oke, fobik At Yesus etno suon welamag ulug minduhupfuruk apagma, it At Yesus omini epmano wene baleg etno fam inahla buruk wilil, “Wi, niren At ebe etno wam keledai amboloag fam horiep furukuk,” ulug inindi ebepag.

Yohanes 12:23

Yig irik laruk apagma, At Yesus etnowen yig isaruk wilil, “An Allahen minduhup naharision etno nebe suon welamag ulug minduhup nahukon etno kidia arat fanggog uruk-o.

Yohanes 14:13

Eke hiren An ninuk fam duroho sin ulug uruk hisalug, suruk aruhuk-o. Ariroho suruk aruhuk ari, An Nikni inuk etno An Amlohoen suontepfiog ulug-at suruk aruhuk-o.

Yohanes 14:26

Eke fobik hag, At Yalmag hinaptukon Roh Kudus An ninuk fam Niknien lahapfik waruhumu, Aren yi wene di wene epmano obog-at yanggul hisaruk halug, hit At Yesusen wene etno obog-at yig nisarisi ulug hinindi ebebuhup-o.

Yohanes 16:14

Eke Aren An suontep naharuk wilil, wene Anden angge etno-at indimuen eberoko walug, yig hisaruk aruhu-o.

Yohanes 16:7

Ariroho dag aha ari famen, Anden wene demat uruk amon etno yig hisamin, An nebe lahuk ari, hit hinabuen-at lahuk-o. Eke An nebe laruk eleg nealug, At Yalmag hinaptukon etno hit hinambeg waruhu fug-o. Eke An nebe lahuk halug, At etno hinambeg lahapfik waruhuk-o.

Yohanes 17:1

Eke fobik At Yesusen yi wene di wene obog-at yig isalug, At etno ilanggen boholma lahap haruk apareg uruk wilil, “Nikni-o, misig sukon etno arat fanggog ehek-o. An Hamlohoen Hat hinuk suontep hahakuken, Haren An Hamloho etno ninuk suontep nahin-o.

Yohanes 17:5

Eke o kweanma duma awan wal haruk eleg wilil, Hat ninim ilitoho-at suon welahoag etno hag, kidia Hat hilanggen wilil suontep nahin-o.

Yohanes 20:22

ele ahahe inobam fu haruk wilil, “Hit Roh Kudus etno hulimiek-o. Holaruk atlihipseg, it aphe alem dahon inobam werehon epmano hiren inobam inapelegsoho elehep isaruk hisalug, At Allahen-at elehep isaruk-o.

Yohanes 6:14

Ariroho umburuk apagma, it aphe obog epmanowen At Yesusen oag weregsoho suruk apahon epmano inilanggen haruk apareg, irit uruk wilil, “Wi, ap nabi suon misig o kweanma duma waruhu ulug hurumbik yig nisaruk apahon etno ebe du-at hehe-o,” ulug uruk apag.

Yohanes 7:12

Heaharuk iseheg, it yi aphe di aphe obog-at wonggalik wapahon etnowen At abug uruk wilil inune fog fog orog-at uruk apag. Ariroho uruk wilil, it ninen, “Ap ebe obabut fanowon-at hehe-o,” ulug uruk apag, eke it ninen, “Eleg-o, Aren aphe enggal-at yig isaruk-o,” ulug uruk apag.

Yohanes 8:54

Yig ituk apagma, At Yesusen yig isaruk wilil, “An nonggarehen-at ninuk suontepatelemen, hai neken-at suontepatele oke, An suontep naharuk ari, At Nikni hiren Allah demat-o ulug uruk ahebon etnowen-at suontep naharuk-o.

Kisah Para Rasul 19:2

Bik isa laruk atisireg, hinog og inaptuk wilil, “Hit Allah wene waruk atikipmu, Roh Kudus og hisarisi ano, eleg ano?” ulug hinog og inaptuk atisimu, eke iren yig ituk wilil, “At Roh Kudus inuk nit holtuk ahe fug-o,” ulug yig itusa.

Kisah Para Rasul 2:17

At Allahen yig isaruk wilil, ‘Anden fobik suhukon etno, Roh Kudus it yi aphe di aphe inobam belabik waruhuk-o. Hit hinudaki ap angge, hweap angge inim Allah wene uruk amuhup-o. It hinudaki elege epmano noho firin-firin neken hahup-o. It hiniknisi inanggohon epmano ini og hahup-o.

Kisah Para Rasul 2:33

Eke At ebe etno Allahen walug inggik bikit fil imbik laharisireg, Roh Kudus og hiruhuk ulug yig epahon etno og itisi-o. Og itisimu, eke Aren og hisahuk ulug ebahon etno ninobam belabik waharukmu hinilanggen haruk ahep-o.

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 2:4

Inilanggen hebareg weregma, eke fobik it Roh Kudus inindimu kebahon epmanowen yig isarukmu, it o ahik ya da inune iniluk wilil, inune yion dion obog-at uruk apag.

Kisah Para Rasul 3:13

Bilin At Allah inuk it ninetamuki Abraham, Ishak, Yakub iren webahon, At Allahen bilin it ninetamuki Abraham, Ishak, Yakub inabua isebag etno ilitoho kidia At Amloho Yesus etno inuk suontepfirisi-o. Suontepfirision oke, eke hiren At ebe wabukag ulug at Pilatus etno inggikmu imbirikip-o. Imbirikipmu, at Pilatusen ebe hele hibiloko imbisiek ulug yig hisarision oke, hiren At niron eleg-o ulug irikip-o.

Kisah Para Rasul 4:31

Sembahyang uruk apagma, o yugul suruk wilil, o it wereg ambeg etno aplohok sebag. Aplohok suruk apagma, it epmano Roh Kudus inindimu kuruk wilil yig isarukmu, Allah wene inakol elegsoho yig isaruk apag.

Roma 8:9

Eke hit hag, kweanmen sukon etno mutlug laruk ahep fug du, At Roh Kudusen yig hisarukon etno-at mutlug laruk ahep-o. Eke At Roh Kudus etno hinindimu-at wereg-o. Eke ap misig At Roh Kudus indimu elehon halug, At Kristusen angge eleg-o.

2 Korintus 3:8

Eke wene duroho suruk amuk eke duroho suruk am fug ulug ebahon war ninaptukon etno abikag suruk wilil og epag ari fam, At Roh Kudus eyabuk etno abikag suon-at suruk wilil, og nisarisi-o.

Efesus 4:30

Eke At Roh Kudus hinindimu werehon etno olohore dahapfuk fug-o. Eke At Allahen hinili wahuon etno hinindimuen demat ulug hiniluk amag ulug At Roh Kudusen hinindimu yig hisaruk-o.