Yohanes 7:37 - Allah Wene Hurumbik Keron

³⁷ Eke fobik esoho ininggik sabiren angge arat esepareg, fobik atog ininggik sirehen angge fam esebukon etno suon-at esebuog ulug surukmu, At Yesus etno minatuk apareg, une suontoho yig isaruk wilil, “It yi aphe di aphe inahik obok werehon halug, An nambeg na waharuk amag-o.

Yohanes 7:37 ပူးပေါင်းရင်းမြစ်များ

Matius 11:28

Uruk apa­reg, eke fobik yig isaruk wilil, “Eke hit obog hinobam anggi­non epmano weregma, hinambol ele atukon halug, An nambeg waharuk amuhupseg, ninim weregma, Anden sat yal hinaptuk aru­huk-o.

Matius 3:3

Ariroho yig isaruk apag ari, bilin at nabi Ye­saya etno­wen yig isaruk wilil, “O limu aphe eleg am­beg ep­manowen une suon wol isa­ruk wi­lil, ‘At Ninowe inuk suon waru­hu­on etno kwalem yatuk amie­k-o. Eke kwa­lem motoho yatukmu At Ninowe etno waruhu-o,’ ” ulug at Ye­saya etno­wen holal embe­bag.

Matius 5:6

Eke hit At Allahen yig nisarukon etno-at suk ninindi-o ulug hinahla buruk ahebon halug, wa. At Allahen ilitoho-at og hisahu-o.

Yohanes 1:23

Yig ituk apagma, at Yohanes etnowen yig isaruk wilil, “Amuk at nabi Yesaya etnowen an nahurumbik yig hisebahon etno ebe du at-o, ‘O limu aphe eleg ambeg epmanowen une suon uruk wilil, At Ninowe wamon etno kwalem motoho yatuk amiek-o,’ ulug yig hisebag etno an nahurumbik-at yig hisebag-o,” ulug yig isebag.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 4:10

Yig ituk apagma, At Yesusen yig ituk wilil, “An nebe At Allahen belap nabik waharision etnowen ik naminen honang nimin ulug yig hirihion etno haren An nebe ap du at ulug hiluk welatlenmen, haren An nambeg ariroho kino yig nitlenma, Anden ik ilukon etno og hetle-o,” ulug yig epag.

Yohanes 4:11

Yig ituk apagma, at hwe etnowen yig ituk wilil, “Nikni-o, Hat ik oag hinggikmu seneg eleg wilil, ik hulilig ambeg dumen ik ilukon etno keroho honangnetlen-o?

Yohanes 4:14

Eke it aphe obog ik Anden og isahukon etno nahup halug, fobik obok hahup fug-o. Ik Anden og isahukon ari, eleruk inindimuen funaloko wilip atuk halug, ik ilukon etno anggolo aruhu-o. Anggolo atuk halug, etno fam iniluk welamon etno holahup-o,” ulug yig epag.

Yohanes 5:40

hiniluk welamon etno holawon oke, An nambeg wamon hinambit-o,” ulug yig isebag.

Yohanes 6:35

Yig ituk apagma, At Yesusen yig isaruk wilil, “Orom roti ebe iniluk inaptukon ari An nebe at-o. Ari halug, it aphe obog An nambeg watlug nobam ebetukon epmano ik inim, orom roti inim obok hahup fug-o,” ulug yig isebag.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Yohanes 6:55

Eke orom roti iluk werehon etno An nebe at-o. Eke ik ilukon etno An namep at-o.

Yohanes 7:28

Ariroho uruk apagma, At Yesus etno o Allah ibam epmano une suontoho yig isaruk wilil, “Hiren ebe niniluk etno hag o epmen waha ulug niniluk at-o, ehep ari, hit demat niniluk buruk ahep ano? Eke An nebe nonggarehen-at ambik waharikik fug-o. Eke At lahap nabik waharision etnowen demat yig hisaruk-o. Eke hiren At ebe etno hinapeleg-at oke,

1 Korintus 10:21

Eke hit At Ninowe amep honanggo etno nenggeg, eke monggat ahik honanggo nenggeg suruk am ari dag-o. Eke hit At Ninowe aharom esoho etno nenggeg, eke at monggat aharom esoho etno nenggeg suruk am ari hai-o.

1 Korintus 10:4

Eke it obog-at ik boholmon etno nebag ari, helep famen ik eleruk funaltukon etno ari At Kristus ebe neken-at weregma, nebag-o.

1 Korintus 11:25

Naruk apareg, fobik ambusu sohorluk fam hononggowon etno waruk apareg, og isaruk wilil, “Kidia An namep fam At Allah hinim dambuk hinabukon etno ebe du at-o. Ambusu ari naruk wilil, An nobam hinindi ebetuk amuhup-o,” ulug yig isebag.

1 Korintus 12:13

Eke At Allahen nit obog-at Roh Kudus misig etno Kristus ebe misig-at amag ulug belap nisa wapag. Eke it Yahudi ap inim, eke it Yunani ap inim, eke it aphe inanggimbu epmano inim, eke it unde werehon epmano inim, obog ninebe misig-at amag ulug ikma belap ninapag. Eke nit obog At Roh Kudusen ambusu etno misig-at og nisebagma, naruk ahe-o.

Efesus 5:18

Eke hit hinebe nenek suruk wilil, uk olokon hinobam ombatehep ha nowen e anggur ambusu etno donggogsoho na fug-o. At Roh Kudus etno-at hinindimu kelegsoho welam ari fano-o.

Wahyu 21:6

eke fobik At etnowen yig nituk wilil, “Arat seg aha-o. Eke huruf Alfa dan Omega ari, alem enggabuk inim An at welahi-o. Eke it ik obok werehon halug, ik ilukon elerukmuen funaltukon etno werlek-at og isa­huk-o.

Wahyu 22:1

Nin eke at malaikat etnowen At Allah inim, At Wam Domba Udag etno inim horie uruk ambehen ik ilukon etno funal­tukmu heag nitisi-o. Ik etno olohore mondog fanowon-at heag nitisi-o.

Wahyu 22:17

Uruk atisimu, At Roh Kudus etno inim, eke At Allah udaki epmano inimen, “Hat Yesus dulum manu-o,” ulug urusa-o. Iren urusa etno hag, hit hinesanggo holtuk ahebon halug hinim-at, “Dulum manu-o,” ulug uruk amuk-o. Eke hit ik ilukon etno obok haruk ahebon halug, manu-o. Hinindi ebetlug ik ilukon etno werlek-at holao fano at-o.