Yohanes 7:32 - Allah Wene Hurumbik Keron

³² Eke it aphe obog epmanowen At Yesus ari Kristus-at ano, ulug inune fog fog urukmu, it Farisi ap epmanowen inesanggo holtuk apareg, it Allah unde inowesi epmano inimen At Yesus etno senebukag ulug it inosi epmano lahap isebag.

Yohanes 7:32 ပူးပေါင်းရင်းမြစ်များ

Matius 12:14

Fano atuk apagma, it Farisi ap epmano wilip atuk apareg, At Yesus keroho wabu­huk-o, ulug wene baltuk apag.

Matius 23:13

Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Matius 26:58

Epmano weregma, bilin At Yesus etno walug laruk iseheg, at Petrus etno fobik ombolim yamo damo laruk apareg, at ap Allah unde suon etno isilimu kebag. Kuruk apareg, at ap Allah unde suon osi yaharoho werehon etno inim horieg wilil, keroho suruk isamin-o ulug ilanggen yetoho welapag.

Yohanes 11:46

Ebetuk iseheg, it nin inebe dorat iniog suhuluk it Farisi ap epmano inambeg laruk apareg, At Yesusen sebahon etno dindiloko yig isebag.

Yohanes 12:19

Heahi war war uog ulug laruk apagma, it Farisi ap epmanowen irit uruk wilil, “Niren ariroho suhuk ulug ninahla buruk aheon etno hai aruhu hehe-o. It yi aphe di aphe kweanmon obohen At-at mutlug laruk isehe-o,” ulug uruk apag.

Yohanes 18:3

Ariroho iluk wilil, orom yaho ambeg epma luk-o ulug ahla bebag. Ahla buruk apagma, it Allah unde inowesi epmano inim, it Farisi ap epmano inimen, it sehen seneg werehon epmano nin inim, eke it o Allah ibam yaharoho werehon epmano nin inim, lahap isa waharuk apagma, inayikangge ininggikmu waruk apareg, inaheral epmano fam fisako wapag. Ariroho wapag etno at Yudasen og inaplug wapag.

Yohanes 7:30

Yig isaruk apagma, iren At ebe hele wabuog ulug sebahon oke, Aren An o ari sambit nowabuhup ulug ahla burukon etno awan fanggog uruk elehen, ap misig etnowen inggik senepag fug.

Kisah Para Rasul 5:26

Yig isaruk apagma, it sok yaharoho werehon inowe etno inim laruk apareg, it mondep isebahon epmano iniog suhuluk og inaplug wamuog ulug suruk wilil, it aphe ninen helep fam war ninabuk nowen ulug, orog-at fanoroho og inaplug wapag.