Yohanes 7:31 - Allah Wene Hurumbik Keron

³¹ Senebuk hai atuk apagma, it yi aphe di aphe wonggalik wapahon nin epmanowen At obam ebetuk apareg uruk wilil, “At Kristus fobik waruhureg, sukfuganggeroho suhu ulug yig nisebahon etno ap duen ilitoho-at suruk hehe-o. Ariroho suruk hehereg fam, eke Aren nintoho suhu fug-o,” ulug ebag.

Yohanes 7:31 ပူးပေါင်းရင်းမြစ်များ

Matius 12:23

Ariroho fano atuk apagma, it aphe anggolo wonggalfahon etnowen At etno fog suruk wilil, “Ap ilanggen fano sehek ari, at Daud etamu ano?” ulug uruk apag.

Lukas 8:13

Eke i angge helep dalegma kililtil lebag etno hag ari it apheyen wene etno inesanggo holtug inindi inahientoho waruk oke, eke wene etno inindimu mondog welamag ulug eberoko weheg eleg elamna-at waruk wilil, fobik inindi kahalik waharukmu, sohorep isaruk-o.

Yohanes 11:45

Yig isaruk apagma, it Yahudi ap at hwe Maria ha wapahon epmanowen At Yesusen sebahon etno inilanggen haruk apareg, inindi At obam ebetuk apag.

Yohanes 12:11

Ariroho inahla buruk apahon oke, it Yahudi ap epmano inebe obohen it inowesi suon epmano sohorep isalug, at Lazarusen yig isebahon etno fam Yesus obam ebetuk apag.

Yohanes 12:42

At Yesaya etnowen bilin ahurumbik yig isaruk apagma, fobik it Yahudi ap inowesi epmano ninen At Yesus obam ebetuk apahon oke, o Allah wene uruk ambeg epmanowen wilip nisahuk nowen ulug, it Farisi ap epmano inakol isaruk wilil, At Yesus awene etno selegma eheg eleg-at welapag.

Yohanes 2:11

Yig ituk apagma, At Yesus etno o Kana Galilea epmen alem sukfuganggeroho suruk apag ari fam, ap du suon ulug selegma atuk apagma, At omini epmanowen At obam demat ulug ebetuk apag.

Yohanes 3:2

o misihim hubanggo At Yesus ambeg wapareg, yig ituk wilil, “Ninowe yanggul nisarukon wai, Haren yanggul nisawag ulug At Allahen lahap habik waharisi etno nit niniluk-o. Eke at ap misig Allah inim welatlep fugmen, Haren sukfugangge suruk ahenon epmano suruk atlep fug-o,” ulug yig epag.

Yohanes 4:29

“Ap misig anden yiroho diroho suruk atikikon epmano obog-at bukaloko yig nerehekon dina hinilanggen halihiben maniek-o. At ebe Kristusen-at yig nerehek ano?” ulug yig isaruk apareg,

Yohanes 4:39

Yig isaruk apagma, eke it Samaria aphe o epma werehon epmano at hwe etnowen yig isaruk wilil, “Anden bilin yiroho diroho suruk atikikon epmano ap duen obog-at bukaloko yig nerehek-o,” ulug yig isaruk apagma, it obohen At Yesus obam inindi ebepag.

Yohanes 6:2

it yi aphe di aphe obog epmano Aren aphe uk wareg isalug oag weregsoho fano inaptukmu inilanggen haruk apareg, mutlug lebag.

Yohanes 7:26

Ariroho wabuog ulug surukon oke, Aren selegmaroho yig isaruk halug, ap misihen winimug ituk eleg ari haruk ahep ano? Ari halug, it ninowesi etno ap du ebe At Kristus at-o ulug iniluk wereg ano?

Yohanes 9:16

Yig isaruk apagma, it Farisi ap nin etnowen uruk wilil, “At ap fano sehekon du o hari Sabat fam yabuk suk fug uruk iseheg, fano sehek ari At ebe Allah une etno esanggo holtuk eleg hehe-o,” ulug uruk apagma, eke it ninen uruk wilil, “Ap dag surukon hahen sukfugangge ariroho selep fug hehe-o,” ulug ariroho uruk apareg, it inebe healeg welapag.

Kisah Para Rasul 8:13

Belap inaptuk weregma, at Simon etnowen an Allah wene waruk ahion-at-o ulug uruk apagma, ikma belapfebag. Ikma belapfuruk apagma, at Filipus inim horogsoho wilil, at Filipus etnowen sukfugangge anggolo surukmu wi ulug fog suruk apag.

Yakobus 2:26

Eke ap misig ebe wereg oke, ahut eleg halug, warehon neken wereg etno hag, eke ap misig Allah wene warukon oke, wene atog ilitoho suruk eleg halug, warehon neken wereg-o.