Yohanes 7:30 - Allah Wene Hurumbik Keron

³⁰ Yig isaruk apagma, iren At ebe hele wabuog ulug sebahon oke, Aren An o ari sambit nowabuhup ulug ahla burukon etno awan fanggog uruk elehen, ap misig etnowen inggik senepag fug.

Yohanes 7:30 ပူးပေါင်းရင်းမြစ်များ

Matius 12:14

Fano atuk apagma, it Farisi ap epmano wilip atuk apareg, At Yesus keroho wabu­huk-o, ulug wene baltuk apag.

Matius 21:46

ebe hele waroko umbuog ulug sebareg oke, it aphe obohen At Yesus ari nabi ap Allah wene yig nisarukon-at hehe-o, ulug uruk apag etno fam inakol apag.

Markus 11:18

Yangguloko yig isaruk apagma, it ap Allah unde suon epmano inim, it wene baleg unde epmano inim ariroho yig isebahon etno inesanggo holtuk apareg, uruk wilil, “Niren keroho wabuk behep-o?” ulug abug balfag. Ariroho abug balfag ari, it aphe obog wonggalfahon epmanowen At Yesusen yanggul isebahon etno wi ulug fog suruk isaruk apareg, inakolen abug balfag.

Lukas 20:19

Yig isaruk apagma, eke it wene unde epmano inim, it Allah unde epmano inimen wene ilitoho neken yig nisehek du nit farim-at yig nisehek-o, ulug inahla buruk apareg, ebe o epma-at hele wabulen ulug sebareg oke, aphe anggolo atuk apagma, inakolen bok apag.

Lukas 22:53

Eke An bilin o Allah ibam nintul nantul hit ninim welatukukon epmanowen sen naptikip fuhon oke, kidia hiren senabuog ulug eberehepseg fam, o at setan wereg ambeg hikmu epmanowen sukon etno arat suruk-o,” ulug yig isebag.

Yohanes 10:31

Ariroho yig isaruk apagma, it Yahudi ap epmanowen fobik inim wabuog ulug helep ininggikmu webag.

Yohanes 10:39

Yig isaruk apagma, it epmanowen fobik inim-at ebe senebuog ulug sebahon oke, ininggikmuen wilip apag.

Yohanes 11:57

Ariroho uruk apagma, it Allah unde inowesi epmano inim, it Farisi ap epmano inimen it aphe obog yig isaruk wilil, “At Yesus ebe hinilanggen hahupseg halug, niren senebuhuken epma wereg ulug yig nisa manu-o,” ulug yig isebag.

Yohanes 7:19

Eke at Musa etnowen wene duroho suruk amuk eke duroho suruk am fug ulug ebahon etno yig hisebag ari hiniluk oke, hit wene etno hinesanggo holtuk eleg wilil, hit An kerohoen nowabuog ulug suruk ahep-o?” ulug yig isebag.

Yohanes 7:32

Eke it aphe obog epmanowen At Yesus ari Kristus-at ano, ulug inune fog fog urukmu, it Farisi ap epmanowen inesanggo holtuk apareg, it Allah unde inowesi epmano inimen At Yesus etno senebukag ulug it inosi epmano lahap isebag.

Yohanes 7:6

Yig ituk apagma, At Yesus etnowen yig isaruk wilil, “An o epma lawon etno awan fanggog uruk eleg-o. Eke hit o epma nintul nantul lao fano at-o.

Yohanes 7:8

Ari halug, hit hag o epma esetukmu lao ari fano at-o. Eke An hag o epma lawon awan fanggog uruk eleg-o,” ulug yig isebag.

Yohanes 8:20

Ariroho yig isebag ari, At Yesus o Allah ibam uang anggen umburuk ambeg epmanowen yangguloko yig isebag. Ariroho yig isebahon oke, At ebe hele war nabuhup ulug ahla burukon etno awan fanggog uruk elehen, ap misihen inggik senebuk sohorep isebag.

Yohanes 8:37

Eke hit hinebe etno at Abraham etamuki welahep ari An niluk-o. Eke hit hinebe ariroho welahebon oke, Anden wene yanggul hisaruk ahion etno eberoko wao hinamberaken nowabuog ulug suruk ahep-o.

Yohanes 8:59

Ariroho yig isaruk apagma, it etnowen wabuog ulug helep ininggikmu webahon oke, At Yesus ebe onggarehen herag atuk apareg, o Allah ibam epmano sohorep isalug lebag.

Yohanes 9:4

Eke kidia o ilingge neken wereg halug, At lahap nabik waharision etno eyabuk-at suruk amuk-o. Eke fobik o hubanggo neken atuk aruhumu, it apheyen yabuk suk mondog hai aruhu-o.