Yohanes 7:28 - Allah Wene Hurumbik Keron

²⁸ Ariroho uruk apagma, At Yesus etno o Allah ibam epmano une suontoho yig isaruk wilil, “Hiren ebe niniluk etno hag o epmen waha ulug niniluk at-o, ehep ari, hit demat niniluk buruk ahep ano? Eke An nebe nonggarehen-at ambik waharikik fug-o. Eke At lahap nabik waharision etnowen demat yig hisaruk-o. Eke hiren At ebe etno hinapeleg-at oke,

Yohanes 7:28 ပူးပေါင်းရင်းမြစ်များ

Matius 11:27

Hat Niknien An yi angge di angge obog og nitikinteg fam, Haren-at An Hamloho nebe hiluk-o. Eke An Hamlohoen-at Hat Nikni hebe niluk-o. Eke An Hamloho etnowen it nin yig isarukmu, it etnowen-at Hat hebe iniluk atuk-o,” ulug ebag.

Matius 2:23

Laruk apa­reg, o inuk Nazaret etno welapag. Epmano we­regma, At Yesus inuk Nazareton at-o, ulug bilin it nabi aben holal embe­bahon etno ari demat hehe-o, ulug inahla buruk apag.

Matius 26:55

Yig ituk apareg, At Yesusen it ap wonggalik wapahon etno yig isaruk wilil, “An nebe ap dahon ahama sen nabuog ulug karog yikangge inim walug wahep ano? Eke hit ap nin Anden o Allah ibam epmanowen wene yig hisaruk wilil, ninim horieg welatukukon etnowen sen naptikip fuhon oke,

Lukas 10:22

Hat Niknien An yi angge di angge obog og nitikinteg fam, Haren An Hamloho hebe hiluk-o. Eke An hamlohoen Hat Nikni hebe niluk-o. Eke An Hamloho etnowen yig isarukmu Hat hebe iniluk atuk-o,” ulug uruk apag.

Lukas 2:11

Ari kidia dia At hinili wahuon etno o Daud welapag ambeg epmano endag aha-o. At Ninowe inuk Kristus at-o.

Lukas 2:39

Eke fobik At Allahen wene duroho suruk amuk eke duroho suruk am fug ulug ebahon etno ilitoho suruk apareg, inibam o Nazaret etno wamuog ulug suhuluk o Galilea wapag.

Lukas 2:4

At Yusuf etno Daud etamu halug, o Galilea Nazaret epmanowen o Yudea Betlehem at Daud welapag ambeg etno lebag.

Lukas 2:51

Ariroho weregma, fobik At Yesus etno inim o Nazaret suhuluk waharuk apareg, ikni isina etanowen inune yig itukmu esanggo holtuk apag. Esanggo holtukmu yi angge di angge sebahon epmano obog-at isinen indimu ebetuk apag.

Yohanes 1:46

Yig ituk apagma, eke at Natanael etnowen uruk wilil, “Eleg-o, o Nazaret epma yi angge di angge fanowon alem eleg-o,” ulug yig epahon oke, at Filipus etnowen yig ituk wilil, “Hilanggen hamihinen ma-o,” ulug yig epag.

Yohanes 10:36

Ari halug, eke At An Nikni etnowen nebe heako minduhup naharuk atisireg, o kweanma duma lahap nahik waharisi-o. Eke Anden An nebe At Allah Amloho-at welahi-o, ulug irikikon oke, hiren Hat At Allah inuk seberepfuruk ahen ulug yig nituk ahep ari, keroho ulug yig nituk ahep-o?

Yohanes 12:49

Eke An wene yig isaruk ahi etno An nakeleg nahla buluhen-at yig isaruk ahi fug-o. At Nikni lahap nabik waharision etnowen-at wene ariroho yig isahun ulug yig nitisimu, yig isaruk ahi-o.

Yohanes 14:10

Filipus wai, At An Nikni etno ninim ninebe misig-at welahe etno hat eberoko waruk eleg wilil, uruk ahen ano? Eke An wene yig hituk atikik epmano, An nakelehen-at nahla bulug yig hituk atikik fug-o. An Nikni ninim ninebe misig-at wilil, nineyabuk misihon etno-at suruk ahe-o.

Yohanes 14:31

Eke An nebe nowaruhu ari, it yi aphe di aphe epmanowen, At Yesus etno Ikni indi hunduhuk wereg ulug iniluk amagsoho nebe nowabukag ulug Anden-at imig sarikik-o. Eke An Nikni nindi hunduhuk welahi etno fam Aren duroho siuk ulug yig nitukon etno-at ilitoho suruk ahi-o,” ulug yig isebag. Yig isaruk apareg, eke fobik yig isaruk wilil, “Nit o duma sohorep isalug, lulen minamiek-o,” ulug yig isebag.

Yohanes 16:3

Ariroho inahla buruk amuhup ari, iren An nebe inim, An Nikni etno inim inapelehen-at suruk wilil, inahla buruk amuhup-o.

Yohanes 17:25

Eke Haren fano mondog suruk ahen-o. Eke it aphe kweanmon Hat hawene waruk elehon epmanowen Hat hebe inapeleg-at wereg oke, An hag Hat hebe niluk etno fam, it nudaki epmanowen At ebe demat Allahen lahabik waharisi ulug iniluk-o.

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

Yohanes 3:2

o misihim hubanggo At Yesus ambeg wapareg, yig ituk wilil, “Ninowe yanggul nisarukon wai, Haren yanggul nisawag ulug At Allahen lahap habik waharisi etno nit niniluk-o. Eke at ap misig Allah inim welatlep fugmen, Haren sukfugangge suruk ahenon epmano suruk atlep fug-o,” ulug yig epag.

Yohanes 3:33

Eke it ninen At awene etno eberoko waruk isalug, ari fam At Allahen demat uruk-o ulug selegmaroho bukaloko yig nisaruk-o.

Yohanes 5:32

Ariroho belebon oke, at misihen An nawene etno yig hisaruk ari, An nawene etno demat ulug yig hisaruk-o.

Yohanes 5:43

Eke An yi angge di angge unde welamag ulug Niknien ninggikmu imbirisimu, waharikikon oke, hiren nobam eberoko waruk ahep fug-o. Eke ap misig onggarehen indi suontepataruk wilil waharukon etno hag eberoko waruk ahep-o.

Yohanes 6:42

“Ap du at Yusuf amloho Yesus etno-at haruk ahe-o. Eke At ikni isina etano nit niniluk oke, Aren An boholmen ambik waharikik uruk du keroho ulug uruk-o?” ulug uruk apagma,

Yohanes 7:14

Ariroho selegma eheg eleg-at weregma, it Yahudi ap etno nin fobik esebuhuken ulug nin esetukmu, At Yesus etno o Allah ibam epmano laruk apareg, wene yanggul isaruk apag.

Yohanes 8:14

Yig ituk apagma, At Yesusen yig isaruk wilil, “An nawene etno nonggarehen-at yig hisaruk ahi ari, hiren wene demat uruk amon etno yig hisaruk ahi-o. Eke An nebe etno epmen waharikik, epma lahuk ulug niluk oke, hiren epmen waharisi, epma lahu ulug, hinapeleg-at welahep-o.

Yohanes 8:16

Eke Anden aphe inoag deloko imbisao nahla buruk wilil hahen, demat inoag deloko imbisaruk atle oke, An nakelehen oag del inaptuk ahi fug-o. At Nikni lahap nabik waharision etno ninimen-at oag del inaptuk ahe-o.

Yohanes 8:19

Yig isaruk apagma, it etnowen yig ituk wilil, “Hat Hikni ari sa-o?” ulug yig ituk apagma, At Yesusen yig isaruk wilil, “Hit An Nikni inim, eke An nebe inim hinapeleg-at welahep-o. Eke hiren An nebe etno At ulug hiniluk welatlepmen, An Nikni etno inim-at hiniluk welatlep-o,” ulug yig isebag.

Yohanes 8:26

Eke An nonggarehen wene yig hiseheg, hinaren baleheg suruk atleon oke, At lahap nabik waharision etnowen wene demat uruk amon etno yig nitukmu wene etno nesanggo holtug, Anden it aphe kweanmon duma yig isaruk ahi-o,” ulug yig isebag.

Yohanes 8:42

Yig ituk apagma At Yesusen yig isaruk wilil, “Hit Hinikni At Allah welatlepmen, An nebe hinindi hunduhuk welatlep-o. Eke An nebe etno At Allah wereg ambehen ambik waharikikseg, kidia duma welahi-o. Eke An nebe ambik waharikik ari, nenggareg nindien bulug-at ambik waharikik fug-o. At Niknien-at lahap nabik waharisi-o.

Yohanes 9:29

Ariroho wilil, At Allahen Musa yig epahon etno niniluk-at welahe-o. Eke at ap du hag o epmen waharisi ulug nit ninapeleg-at welahe-o,” ulug yig epag.

Kisah Para Rasul 17:23

Eke hit hinibam o suon duma laruk wilil, hiren angge usama epmano nilanggen harikikseg, eke o usama misig ninetamu inuk ninapelehon etno og ituk ambeg ulug wene baloko imbirikipmu, nilanggen harikik. Nilanggen harikikseg, hiren inuk hinapeleg heheg ebe warikibon etno kidia inuk inim, awene inim yig hisaruk ahi-o. Wene ari Ninikni Allah awene etno yig hisaruk ahi-o.

Roma 1:28

Eke it At Allah demat urukon etno ninambit-o ulug, at obam ebetuk eleg famen, At Allahen ariroho suk fug ulug ebahon oke, ariroho-at sil nuruk amag ulug inindi elegsoho imbisebag.

Roma 3:4

“Hat hune uruk ahen etno, it apheyen demat uruk inahla bukag ulug uruk ahen-o. Eke hat aphe inaren baltuk wilil, hune demat uruk ahen etno fam hawene etno su atuk-o,” ulug yig nisaruk-o.

2 Korintus 1:18

Eke anden yig hisaruk wilil, nenggal inim demat inim yig hisarikik fug ari, At Allah iluk-o.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.

Titus 1:2

Eke anden wene du demat ulug yanggul isaruk ahion etno fam it apheyen niniluk welamon etno og nisahu-o ulug inindi ebetuk-o. Eke At Allah enggal uruk elehon etnowen o kweanma duma awan wal haruk eleg wilil, hini­luk welamon etno og hisahuk ulug, abug yig nisaruk apareg,

Ibrani 6:18

Ariroho yig isebag etno hag, Aren hurumbik urukon etno inim, eke At inuk fam urukon etno inim yig nisaruk halug, At Allahen enggal-at ulug imbisahu fug-o. Ari halug, nit At Allahen ninili wawag ulug obam ebetuk aheon etno ninindi oag weregsoho wilil, Aren og hisahuk ulug yig nisebahon etno aso welahe-o.

1 Yohanes 5:10

At Allah Amloho obam ebetuk nisalug, ari ninindi famen demat ulug ebetuk ahe-o, eke At Allah Amloho obam ebetlug eleg urukon halug, At Allah-at enggaltepfuruk-o. At Allahen At Yesus ari An Namloho at-o ulug ebahon etno ebetlug eleg urukon halug, At Allah-at enggaltepfuruk-o.