Yohanes 7:26 - Allah Wene Hurumbik Keron

²⁶ Ariroho wabuog ulug surukon oke, Aren selegmaroho yig isaruk halug, ap misihen winimug ituk eleg ari haruk ahep ano? Ari halug, it ninowesi etno ap du ebe At Kristus at-o ulug iniluk wereg ano?

Yohanes 7:26 ပူးပေါင်းရင်းမြစ်များ

Matius 22:16

Ariroho wene baltuk apareg, it inosi nin inim, eke it Herodian ap nin inim At Yesus ambeg lahap isaruk apagma, it epmano laruk apareg, yig ituk wilil, “Ninowe yanggul nisarukon wai, Hat hebe henggal eheg eleg, demat urukon ulug nit niniluk-o. It apheyen inahla burukon inim, eke ap misig suon ano doron ano ulug inahla burukon inim obog-at hahlahiroho wilil, honggarehen-at hakol elehepfulug yangguksoho uruk ahenon du, At Allahen wene duroho suruk amuk eke duroho suruk am fug ulug yig isebahon etno demat yangguloko yig isaruk ahen-o.

Lukas 23:13

Eke fobik at Pilatus etnowen it ap Allah unde suon inim, eke it inowesi suon epmano inim, eke it aphe werlekon obog inim wonggal inaptuk apareg, yig isaruk wilil,

Lukas 7:30

Eke it Farisi ap inim, eke it ap wene holal baleg unde epmano inimen At Allahen inesanggo wapahon etno holtug elegma, at Yohanesen ikma belap ninabuk ninambit-o, ulug uruk apag.

Yohanes 12:42

At Yesaya etnowen bilin ahurumbik yig isaruk apagma, fobik it Yahudi ap inowesi epmano ninen At Yesus obam ebetuk apahon oke, o Allah wene uruk ambeg epmanowen wilip nisahuk nowen ulug, it Farisi ap epmano inakol isaruk wilil, At Yesus awene etno selegma eheg eleg-at welapag.

Yohanes 18:20

At Yesusen yig ituk wilil, “An nawene etno nintul nantul aphe obog selegma-at yig isaruk atikik-o. Ariroho yig isaruk atikik ari, o Allah wene uruk ambeg epmano inim, eke o Allah ibam it Yahudi aphe obog wonggalik waharuk ambeg epmano inim, obog-at selegmaroho yanggul isarikik-o. Ariroho yanggul isaruk wilil, Anden herako neken uruk atikik fug-o.

Yohanes 3:1

Eke fobik it Farisi ap misig inuk Nikodemus etno welapag. At ap etno it Yahudi ap inowe neken wilil,

Yohanes 4:29

“Ap misig anden yiroho diroho suruk atikikon epmano obog-at bukaloko yig nerehekon dina hinilanggen halihiben maniek-o. At ebe Kristusen-at yig nerehek ano?” ulug yig isaruk apareg,

Yohanes 7:25

Yig isaruk apagma, it Yerusalem aphe nin epmanowen uruk wilil, “It Yahudi aben ap misig wabuog ulug suruk ari, ap ebe du wabuog ulug suruk-o.

Yohanes 7:31

Senebuk hai atuk apagma, it yi aphe di aphe wonggalik wapahon nin epmanowen At obam ebetuk apareg uruk wilil, “At Kristus fobik waruhureg, sukfuganggeroho suhu ulug yig nisebahon etno ap duen ilitoho-at suruk hehe-o. Ariroho suruk hehereg fam, eke Aren nintoho suhu fug-o,” ulug ebag.

Yohanes 7:48

Eke ari halug, it ninowesi etno misig inim, eke it Farisi ap etno misig inim At obam ebetukmu isaruk atikip ano? Ari eleg-o.

Yohanes 9:22

It ikni isina etnowen ariroho yig isebag etno, it Yahudi ap inakolen yig isebag. Eke it Yahudi ap etnowen uruk wilil, “Ap misihen At Yesus ari Kristus at-o,” ulug uruk halug, niren o Allah wene uruk ambeg epmanowen wilipfuhuk-o, ulug wene balfag etno fam,

Kisah Para Rasul 4:13

it Yahudi ap inowesi epmanowen uruk wilil, it Petrus Yohanes du sekolah inapelehon-at oke, inakol elegsoho yig nisaruk du bilin At Yesus omini-at welatusa-o, ulug inahla burukmu,

Filipi 1:14

Eke an nebe hele wareg welahi etno fam, it ninomini At Allah obam ebetuk atusareg, inahla bugsoho wilil, inakol elegsoho-at wene yig isil nuruk-o.