Yohanes 7:14 - Allah Wene Hurumbik Keron

¹⁴ Ariroho selegma eheg eleg-at weregma, it Yahudi ap etno nin fobik esebuhuken ulug nin esetukmu, At Yesus etno o Allah ibam epmano laruk apareg, wene yanggul isaruk apag.

Yohanes 7:14 ပူးပေါင်းရင်းမြစ်များ

Matius 21:12

Eke fobik At Yesus etno o Allah ibam kuruk apareg, it ap yi angge di angge onggo baltuk apahon etno muko selema wilip isiug ulug it uang anggen hundutukon inahe daleg etno dahagsoho lemelepfeheg, eke it ap sue yalme inambeg hundirik kurukon etno inahe daleg etno lemelepfeheg suruk apareg, yig isaruk wilil,

Matius 26:55

Yig ituk apareg, At Yesusen it ap wonggalik wapahon etno yig isaruk wilil, “An nebe ap dahon ahama sen nabuog ulug karog yikangge inim walug wahep ano? Eke hit ap nin Anden o Allah ibam epmanowen wene yig hisaruk wilil, ninim horieg welatukukon etnowen sen naptikip fuhon oke,

Lukas 19:47

Yig isaruk apareg, eke o nintul nantul At Yesus etno o Allah ibam epmanowen wene yanggul isebag.

Yohanes 18:20

At Yesusen yig ituk wilil, “An nawene etno nintul nantul aphe obog selegma-at yig isaruk atikik-o. Ariroho yig isaruk atikik ari, o Allah wene uruk ambeg epmano inim, eke o Allah ibam it Yahudi aphe obog wonggalik waharuk ambeg epmano inim, obog-at selegmaroho yanggul isarikik-o. Ariroho yanggul isaruk wilil, Anden herako neken uruk atikik fug-o.

Yohanes 5:14

Yig isaruk apagma, eke fobik At Yesusen ap etno o Allah ibam epmano weregma haruk apareg, yig ituk wilil, “Hat hebe kidia arat fano ahen du, fobik uk suon etno hobam umbuk nowen, haren dag suruk ahenon epmano sohorep isin-o,” ulug yig epag.

Yohanes 7:2

Waharuk apagma, it Yahudi aben esoho esebukon misig inuk o sabo watke ilukon ulug soalfahon etno esebuog ulug surukmu,

Yohanes 7:28

Ariroho uruk apagma, At Yesus etno o Allah ibam epmano une suontoho yig isaruk wilil, “Hiren ebe niniluk etno hag o epmen waha ulug niniluk at-o, ehep ari, hit demat niniluk buruk ahep ano? Eke An nebe nonggarehen-at ambik waharikik fug-o. Eke At lahap nabik waharision etnowen demat yig hisaruk-o. Eke hiren At ebe etno hinapeleg-at oke,

Yohanes 7:37

Eke fobik esoho ininggik sabiren angge arat esepareg, fobik atog ininggik sirehen angge fam esebukon etno suon-at esebuog ulug surukmu, At Yesus etno minatuk apareg, une suontoho yig isaruk wilil, “It yi aphe di aphe inahik obok werehon halug, An nambeg na waharuk amag-o.

Yohanes 8:2

Laharuk apareg, noholug ilikia hubet o Allah ibam epmano ambik waharuk apareg, At bulmu wereg heheg, it aphe obog ambeg dahagsoho wonggalik wapag. Wonggalik waharuk apagma, At etno horie uruk apareg, wene yanggul isaruk apag.

Yohanes 8:20

Ariroho yig isebag ari, At Yesus o Allah ibam uang anggen umburuk ambeg epmanowen yangguloko yig isebag. Ariroho yig isebahon oke, At ebe hele war nabuhup ulug ahla burukon etno awan fanggog uruk elehen, ap misihen inggik senebuk sohorep isebag.