Yohanes 7:12 - Allah Wene Hurumbik Keron

¹² Heaharuk iseheg, it yi aphe di aphe obog-at wonggalik wapahon etnowen At abug uruk wilil inune fog fog orog-at uruk apag. Ariroho uruk wilil, it ninen, “Ap ebe obabut fanowon-at hehe-o,” ulug uruk apag, eke it ninen, “Eleg-o, Aren aphe enggal-at yig isaruk-o,” ulug uruk apag.

Yohanes 7:12 ပူးပေါင်းရင်းမြစ်များ

Matius 10:25

Ari halug, it yig isarukon epmanowen an at ninowe yanggul nisarukon ilitoho welam nindi-o, ulug uruk am ari fa­no-o. Eke it anggimbu etnowen an nebe at ninikni ilitoho welam nindi-o, ulug uruk am ari fano at-o. Eke it inowe ari inuk Beelzebul-o ulug soaltuk isalug, at udaki ininuk da­hon-at soal inabuhu-o,” ulug At Yesusen yig isebag.

Matius 21:46

ebe hele waroko umbuog ulug sebareg oke, it aphe obohen At Yesus ari nabi ap Allah wene yig nisarukon-at hehe-o, ulug uruk apag etno fam inakol apag.

Matius 27:63

yig ituk wilil, “Ninowe-o, At ap enggal urukon etnowen awan iluk wilil, ninggik henahanam welaruhukseg fam niluksoho minduhup nahaku-o ulug yig nisarision etno ninindi ebetuk ahe-o.

Lukas 18:19

Yig ituk apagma, At Yesus etnowen yig ituk wilil, “Hat keroho ulug An fanowon yig nerehen-o? At Allah akeleg-at fanowon wereg-o.

Lukas 23:47

Waratukmu it ap sehen seneg werehon inowe suon etno obog-at ilanggen haruk apareg, At Allah inuk suontepfuruk wilil, “At ap du demat fanowon welaha-o,” ulug uruk apag.

Lukas 23:50

At Yesus etno waratuk apagma, ap misig inuk Yusuf, ibam it Yahudi ap inibam o misig inuk Arimateaon welapag. At etno obabut fano mondog wilil, indi seberoho welapag. Ariroho wilil, At Allah weregmen sukon etno aso welapag. Eke at ebe wene baltukon inowe-at oke, it ominien wabuog ulug wene baltukmu, at amberaken inim wene balfag fug.

Lukas 6:45

Eke ap obabut fanowon halug, indimuen fanoroho-at suruk-o. Eke ap obabut dahon halug, indimuen dag-at suruk-o. Eke inindimu werehon etnowen ambilik selemen ilitoho-at uruk-o,” ulug yig isebag.

Lukas 7:16

Og ituk apagma, it aphe obog epmano inakolen suruk apareg, uruk wilil, “Kidia ap nabi suon misig ninanggelegmen minaha etno nit At Allah udaki obog ninili wawag ulug At Allahen belap nisa waha-o,” ulug it obohen At Allah inuk suontepfebag.

Yohanes 6:14

Ariroho umburuk apagma, it aphe obog epmanowen At Yesusen oag weregsoho suruk apahon epmano inilanggen haruk apareg, irit uruk wilil, “Wi, ap nabi suon misig o kweanma duma waruhu ulug hurumbik yig nisaruk apahon etno ebe du-at hehe-o,” ulug uruk apag.

Yohanes 7:32

Eke it aphe obog epmanowen At Yesus ari Kristus-at ano, ulug inune fog fog urukmu, it Farisi ap epmanowen inesanggo holtuk apareg, it Allah unde inowesi epmano inimen At Yesus etno senebukag ulug it inosi epmano lahap isebag.

Yohanes 7:47

Yig isaruk apagma, eke it Farisi ap etnowen yig isaruk wilil, “Hit inim enggal-at yig hisehekon etno hinindi eberehep ano?

Yohanes 7:52

eke it etnowen yig ituk wilil, “Ariroho ehen ari, hat hebe inim-at o Galilea etnowen endag atuk senag ano? Ari halug, Alkitab wene holal baleg etno fikfag wane suruk aruhunteg, ap nabi ap misig o Galileaen waruhu fug ulug yig nisebahon etno hiluk aruhun-o,” ulug yig epag.

Yohanes 9:16

Yig isaruk apagma, it Farisi ap nin etnowen uruk wilil, “At ap fano sehekon du o hari Sabat fam yabuk suk fug uruk iseheg, fano sehek ari At ebe Allah une etno esanggo holtuk eleg hehe-o,” ulug uruk apagma, eke it ninen uruk wilil, “Ap dag surukon hahen sukfugangge ariroho selep fug hehe-o,” ulug ariroho uruk apareg, it inebe healeg welapag.

Kisah Para Rasul 11:24

Eke at Barnabas etno obabut fano mondog weregma, Roh Kudus indimu kurukmu, wene fanowon etno obam ebereg mondog welapag. Weregma, eke it aphe obog epmano Yesus wene eberoko webag.

Roma 5:7

Eke ap fanowon etno ake ap misig waram fano at-o, ahla belebon oke,

Filipi 2:14

Eke hiren yi angge di angge suruk wilil, nambit eheg, eke winimug neken abeheg, uk ari sohorep isalug, yamintal neken suruk elehon inim, eke apheyen hinobam denggeltuk elehon inim hit hinebe arion-at welamuk-o.