Yohanes 7:1 - Allah Wene Hurumbik Keron

¹ Eke fobik At Yesus etno o Galilea epmano ya keheg sil wapag. Ariroho sil wapag ari, it Yahudi aben ebe wabuog ulug suruk isalug, o Yudea etno lao amberaken o Galilea wapag.

Yohanes 7:1 ပူးပေါင်းရင်းမြစ်များ

Matius 10:23

Eke hit hinebe o misihen hinusuog ulug suruk isalug, sohorep isalug o misig hite alu-o. Eke At Allah Amloho awan waharuk eleg heheg, yabuk o Israel epma suhup-o, ulug An demat yig hisaruk ahi-o.

Matius 21:38

Lahabik waharuk apagma, it ap yabuk ohop isebahon etnowen at ebe inilanggen haruk apareg, wene baltuk wilil, ‘At amloho at ubulukmu unde welariog ulug waha du maniek-o. Yi angge di angge at unde werehon ari nit unde amuhuken ulug warepful-o,’ ulug uruk apareg,

Markus 11:18

Yangguloko yig isaruk apagma, it ap Allah unde suon epmano inim, it wene baleg unde epmano inim ariroho yig isebahon etno inesanggo holtuk apareg, uruk wilil, “Niren keroho wabuk behep-o?” ulug abug balfag. Ariroho abug balfag ari, it aphe obog wonggalfahon epmanowen At Yesusen yanggul isebahon etno wi ulug fog suruk isaruk apareg, inakolen abug balfag.

Yohanes 1:19

Eke fobik it Yahudi ap o Yerusalem welapahon epmanowen it Allah unde nin inim, eke it Lewi ap epmano nin inim, at Yohanes ambeg lahap isaruk apagma, it epmanowen at Yohanes etno yig ituk wilil, “Hat hebe sa ilitoho welahen-o?” ulug yig ituk apagma,

Yohanes 4:3

Ariroho holtuk apagma, At Yesusen it Farisi ap epmanowen inesanggo holtusa ulug At esanggo holtuk apareg, o Yudea etno sohorep isalug, iog suhuluk o Galilea etno wariog ulug suruk wilil,

Yohanes 4:54

Ariroho inindi ebetuk apag ari, At Yesus o Yudeaen o Galilea waharuk apareg, alem sukfuganggeroho birenam sebahon etno fam inindi ebepag.

Yohanes 6:1

Eke fobik, At Yesus ik Galilea, inuk misig Tiberias etno baloko femag fil laruk apagma,

Yohanes 7:11

Ariroho laruk apagma, it Yahudi ap etnowen esoho esetuk wilil, “At ebe wereg ano?” ulug heaharuk apag.

Yohanes 7:13

Ariroho uruk wilil, it Yahudi ap inil fam uk ari ninakol-o ulug Yesus abug selegmaroho uruk apag fug.

Yohanes 7:19

Eke at Musa etnowen wene duroho suruk amuk eke duroho suruk am fug ulug ebahon etno yig hisebag ari hiniluk oke, hit wene etno hinesanggo holtuk eleg wilil, hit An kerohoen nowabuog ulug suruk ahep-o?” ulug yig isebag.

Yohanes 7:25

Yig isaruk apagma, it Yerusalem aphe nin epmanowen uruk wilil, “It Yahudi aben ap misig wabuog ulug suruk ari, ap ebe du wabuog ulug suruk-o.

Yohanes 7:35

Ariroho yig isaruk apagma, it Yahudi ap etnowen irit uruk wilil, “At ap duen hiren An heag nabuhup fug ulug yig nisaruk du, At ebe kema liog ulug uruk-o?

Yohanes 8:37

Eke hit hinebe etno at Abraham etamuki welahep ari An niluk-o. Eke hit hinebe ariroho welahebon oke, Anden wene yanggul hisaruk ahion etno eberoko wao hinamberaken nowabuog ulug suruk ahep-o.

Yohanes 8:40

Ariroho selebon oke, Anden wene demat uruk amon At Allahen yig nitision etno-at yig hisaruk nealug, hiren nowabuog ulug suruk ahep-o. Eke at Abraham ari ilitoho sebag fug oke,

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.