Yohanes 6:70 - Allah Wene Hurumbik Keron

⁷⁰ Yig ituk apagma, At Yesus etnowen yig isaruk wilil, “Anden hit hinebe dua belas epmano fuloko minduhup hisaharikikon oke, hat misig etno iblis amloho-at welahen-o,”

Yohanes 6:70 ပူးပေါင်းရင်းမြစ်များ

Yohanes 13:18

Ariroho hinahien hahup ulug yig hisihi ari, hit obog-at hinawene yig hisihi fug-o. Hit hinebe An nomini welamag ulug heako hinombisaharikikon epmano hag An niluk-o. Eke at Alkitab wene baleg etno fam yig nisaruk wilil, ‘At ap misig An ninim wilil naharom naruk atision etno oke, kidia ninim healeg neken wilil, nowariog ulug nabug baltuk-o,’ ” ulug wene embebahon etno demat sirisi-o, ulug inahla bukag ulug ariroho nabug baltuk-o.

Yohanes 13:2

Ariroho wilil, eke fobik At Yesus omini epmano inim inaharom hupmu angge nuog ulug horie ebag. Horie uruk apagma, at iblis etnowen at Yudas, Simon Iskariot amloho etno indi kahaltuk wilil, haren At Yesus senebukag ulug yonggo lamihin-o, ulug indi kahalfag.

Yohanes 13:21

Yig isaruk apareg, At Yesus etno indi mondog dag apag. Indi dag atuk apareg, bukaloko yig isaruk wilil, “Ap hiron misihen An nebe sen nabukag ulug yonggo likon-o, ulug yig hisihi ari demat yig hisihi-o,” ulug yig isebag.

Yohanes 13:27

Og ituk apagma, at Yudas etnowen orom roti webag. Waruk apagma, at iblis etno indimu kebag. Kuruk apagma, At Yesusen yig ituk wilil, “Haren ariroho sik ulug hahla buruk ahenon etno dulum-at sin-o,” ulug yig epag.

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Yohanes 15:19

Eke hit it aphe kweanmon wene ebetuk elehon epmano ilitoho welatlepmen, iren nit ninomini-at-o, ulug hinobam inindi hunduhuk welatlep-o. Ariroho welatlebon oke, hit hag it aphe kweanmon wene ebetuk elehon epmano hinim dambuksoho welam nowen ulug imig hinaptikik etno fam iren inambit hisaruk-o.

Yohanes 17:12

Eke An nebe bilin it ninim wilil, Haren An nindi oag werehep naharikin etno hag, Anden Hat hinuk fam inindi oag werehep isarikik-o. Eke it inebe Haren og nitikinon epmano An inaso wereg neyeheg, misig eleg atisi fug-o. Eke misig eleg atisi ari, bilin wene baleg fam ariroho eleg aruhu-o, ulug ebahon etno demat ebag ulug inahla bukag ulug eleg atisi-o.

Yohanes 2:2

At Yesus omini epmano inim obog-at esoho ninim nulen ulug inayonggo umburuk apagma wapag.

Yohanes 20:24

Ariroho yig isaruk apagma, o At Yesus inambeg wapag etno sambit At Yesus omin Tomas inuk misig Hulip Udag soalehon etno inim welapag fug.

Yohanes 6:64

Ariroho yig hisihion oke, hit ninen eberoko waruk ahep fug-o,” ulug ariroho yig isebag ari, At Yesusen bilin ahla buruk wilil, it ap duen wene yanggul isaruk ahion epmano eberoko wahup fug-o. Ariroho wao sohorep isalug, at misig duen An nowabukag ulug inayonggo lahu-o, ulug ahla buruk wilil, iluk mondog welapag.

Yohanes 6:67

Suhuluk laruk apagma, At Yesusen it omini dua belas epmano yig isaruk wilil, “Hit hag An sohorep nahalug, ariroho-at hiniog suhuluk hinibam lalihip ano?” ulug yig isebag.

Yohanes 6:71

ulug ariroho yig isebag ari, at Yudas, Simon Iskariot amloho etno farim-at yig isebag. Eke at Yudas etno Yesus omini dua belas-at oke, At ebe wabukag ulug inayonggo lebag etno fam, ariroho inayonggo lahu ulug iluk wilil yig isebag.

Yohanes 8:44

Eke hit hinikni at setan udaki wilil, hiniknien duroho siek ulug ahla burukon-at ilitoho suruk ahep-o. Eke at setan ari, o amuken-at ap watukon neken welapag-o. Eke at setan etno indimu wene demat urukon etno elehen aren demat ulug uruk eleg-o. Eke aren enggal wene yig hisaruk ari, at obam dombog-at uruk-o. Eke at etno wene enggal-at uruk wilil, yi wene di wene enggal-at urukon etno ikni neken wereg-o.

Kisah Para Rasul 13:10

yig ituk wilil, “Hat iblis amloho du wai. Haren yi angge di angge fanowon epmano seberoho umburuk wilil, yi angge di angge dahon uson epmano-at suruk hiyihi-o. Ariroho suruk wilil, at Ninoweyen demat ebahon etno enggal ebag neken buruk ahen-o.

1 Timotius 3:11

Eke it inuhwesi ari inobabut fanowon halug, eke inune inenggal uruk elehon halug, eke inindi seberoho werehon halug, eke yi seheg di seheg ininggik ineroho sil nurukon halug, arion-at welamag-o.

Titus 2:3

Eke it hweap inanggohon ari ari­roho-at it Allah wene warukon ilitoho wilil inakol weregsoho welamag ulug yig isaruk amin-o. It hweap inune mirlog urukon etno inim, eke ambusu nenek surukon donggogsoho narukon etno inim, hweap arion welam hai-o. Eke ariroho suk fano ulug yanggul isarukon et­no-at welamag-o.

1 Yohanes 3:8

Eke at misig nintul nantul dag surukon halug, at iblisen angge-at wereg-o. At iblis halug, dag surukon ari itog-at wereg-o. Eke at iblisen surukon etno eleg amag ulug At Yesus, Allah Amloho kweanma wapag-o.