Yohanes 6:66 - Allah Wene Hurumbik Keron

⁶⁶ Ariroho yig isaruk apagma, it nin At mutlug wapahon epmano ninim lao ninambit-o ulug sohorep isalug iniog suhuluk lebag.

Yohanes 6:66 ပူးပေါင်းရင်းမြစ်များ

Matius 19:22

Ariroho yig ituk apagma, esanggo holfahon oke, at udag etno aharek yi angge di angge anggolo wilil, indi dag atuk apareg, sohorep isalug lebag.

Lukas 9:62

Yig ituk apagma, At Yesusen yig ituk wilil, “Ap misig yabuk arat warision oke, ilanggen ambolma dahagsoho yet harukon arien Allah yabuk suk hai-o,” ulug yig epag.

Yohanes 2:2

At Yesus omini epmano inim obog-at esoho ninim nulen ulug inayonggo umburuk apagma wapag.

Yohanes 6:60

Yanggul isaruk apagma, it At omini nin epmanowen inesanggo holtuk apareg, irit uruk wilil, “Wene yanggul isehekon ari, nit ninapeleg atuk heheg yanggul nisehek-o. Ari halug, at sen hag wene du esanggo holuk fano buruk ahep-o?” ulug uruk apag.

Yohanes 6:64

Ariroho yig hisihion oke, hit ninen eberoko waruk ahep fug-o,” ulug ariroho yig isebag ari, At Yesusen bilin ahla buruk wilil, it ap duen wene yanggul isaruk ahion epmano eberoko wahup fug-o. Ariroho wao sohorep isalug, at misig duen An nowabukag ulug inayonggo lahu-o, ulug ahla buruk wilil, iluk mondog welapag.

Yohanes 7:3

At Yesus owe not epmanowen yig ituk wilil, “It hat homini epmanowen haren suruk ahenon inilanggen hawagsoho o duma sohorep isalug, o Yudea epma alu-o.

Yohanes 8:31

Eke fobik At Yesusen it Yahudi ap At obam ebetuk apahon etno yig isaruk wilil, “Hit wene Anden yanggul hisaruk ahion etno ilitoho suruk ahep ari fam, hit An nomini-at welahep-o.

2 Timotius 1:15

Eke it obog o Asia werehon epmano inim, eke it Figelus, Hermogenes etno inimen sohorep naharusa etno hat hiluk-o.

2 Timotius 4:10

Eke at Demas etno hag kweanmen surukon etno indi ebetuk atisireg, sohorep naharisi-o. Sohorep naharuk atisireg, o Tesalonika larisi-o. Eke at Kreskes o Galatia etno larisi-o. Eke at Titus o Dalmatia etno larisi-o.

Ibrani 10:38

Eke it An nudaki inobabut fanowon epmano demat ulug buruk amuhup etno fam iniluk welamuhup-o. Eke it An nudakion epmano at misig nambit ulug olohore wilip atuk halug, An nahien hahuk fug-o,” ulug ariroho ebag-o.

1 Yohanes 2:19

Antikristus inebe anggolo atuson epmano ninim welatukukon oke, eke ninim welahe fug-o. Ninim welatlomen, nit welahe ambeg welatlep-o. Eke it inebe niron elegma, selegma amag ulug wilip atusa-o.