Yohanes 6:64 - Allah Wene Hurumbik Keron

⁶⁴ Ariroho yig hisihion oke, hit ninen eberoko waruk ahep fug-o,” ulug ariroho yig isebag ari, At Yesusen bilin ahla buruk wilil, it ap duen wene yanggul isaruk ahion epmano eberoko wahup fug-o. Ariroho wao sohorep isalug, at misig duen An nowabukag ulug inayonggo lahu-o, ulug ahla buruk wilil, iluk mondog welapag.

Yohanes 6:64 ပူးပေါင်းရင်းမြစ်များ

Matius 10:4

eke Simon, ap Kanaon etno inim, eke Yudas Iskariot, fobik Yesus senebukag ulug yonggo lebahon etno inim, it epmano obog-at minduhup isebag.

Yohanes 10:26

Eke hit hag An nandomba neken welahep fug epmanowen nobam ebetuk ahep fug-o.

Yohanes 18:4

Og inaplug waharuk apagma, At Yesus etnowen ariroho sen nabukon ulug iluk wilil, inolohotma laruk apareg, yig isaruk wilil, “Hit sa heahil wahep-o?” ulug yig isaruk apagma,

Yohanes 5:42

Eke hit hag hinobabut surukon niluk welahi etno fam, hinindimuen At Allah hinim hunduhuk welahep fug ari An niluk-o.

Yohanes 6:36

Yig isaruk apareg, eke fobik yig isaruk wilil, “Hit bilin hinilanggen nearikipseg oke, nobam ebetuk ahep fug ulug yig hisarikik-o.

Yohanes 6:60

Yanggul isaruk apagma, it At omini nin epmanowen inesanggo holtuk apareg, irit uruk wilil, “Wene yanggul isehekon ari, nit ninapeleg atuk heheg yanggul nisehek-o. Ari halug, at sen hag wene du esanggo holuk fano buruk ahep-o?” ulug uruk apag.

Yohanes 6:61

Ariroho urukmu, At Yesus etnowen An nomini du wene yig isihion etno fam inune fog fog uruk-o, ulug ahla buruk apareg, yig isaruk wilil, “Hit Anden wene yig hisihion etno hinapeleg atuken uruk ahep oke,

Yohanes 6:66

Ariroho yig isaruk apagma, it nin At mutlug wapahon epmano ninim lao ninambit-o ulug sohorep isalug iniog suhuluk lebag.

Yohanes 8:23

Ariroho uruk apagma, eke At Yesusen yig isaruk wilil, “Hit hinebe etno o apma kweanma dumon-at welahep-o. Eke An hag nebe boholmon-at welahi-o. Eke hit hag o kweanma dumon-at welahep-o. Eke An hag nebe o kweanma welahi fug-o.

Yohanes 8:55

Eke At ebe etno hiren hinapeleg-at welahebon oke, An hag ebe niluk-o. Eke Anden At Allah ebe napeleg-o, ulug elemen, hit hinenggal uruk ahep etno hag An nenggal-at uruk atle-o. Ariroho uruk atleon oke, Anden At ebe niluk wilil, At une nesanggo holtug ilitoho suruk ahi-o.

Kisah Para Rasul 15:18

ulug At Allahen amuk hurumbik ebahon etno wereg-o,” ulug at Yakobusen yig isaruk apareg,

Roma 8:29

Eke At Allahen bilin it aphe nin inebe iluk apareg, fobik fuloko imbisebag-o. Eke fuloko imbisebag ari, inebe At Amloho etno ilitoho welamag ulug fuloko imbisebag-o. Eke it Allah udaki etno inebe anggolo oke, Amloho manggia hag Inowe etno-at welamag ulug fuloko embebag-o.

2 Timotius 2:19

Iren ariroho yig isarukon oke, eke At Allahen o andorli oag werehon imbirision etno aplohok suhu fug-o; eke o andorli etno fam wene holal umburuk wilil, “At Ninowe etnowen nudaki inebe du at-o ulug iluk wereg-o,” eke misig ari, “It apheyen At Ninowe etnowen angge-at welahi-o ulug urukon etno dag surukon etno sohorep isawag-o,” ulug o andorli etno fam wene holal imbirisi-o.

Ibrani 4:13

Ariroho suruk heheg, alem misig At Allah ilanggen ha nowen ulug herahapfuk ari hai-o. Yi angge di angge obog wal hebahon epmano At il fam selegma mondog wereg-o. Ariroho wereg famen, niren suruk aheon epmano At Allah il fam obog-at bukaluhuk-o.