Yohanes 6:51 - Allah Wene Hurumbik Keron

⁵¹ Eke orom iniluk inaptukon boholmen ambik waharision etno ari An at-o. Eke orom roti iniluk inaptukon etno naruk isalug, iniluk mondog welamuhup-o. Eke orom roti Anden og isahukon ari, it yi aphe di aphe kweanmon obog-at iniluk welamag ulug An nebe etno-at og isahuk-o,” ulug yig isebag.

Yohanes 6:51 ပူးပေါင်းရင်းမြစ်များ

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Lukas 22:19

Yig isaruk apareg, orom roti inggikmu webag. Waruk apareg, seneg wilil, Nikni Allah wa ulug sembahyang uruk apareg, it epmano kut kut og isaruk wilil, “Orom roti du An nebe ilitoho at-o. Eke orom roti du An nebe hit hinake og hisawon etno-at wereg-o. Ari halug, hiren An nebe etno hinindimu ebetuk amuhuben amiek-o,” ulug yig isebag.

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Yohanes 11:26

Eke it yi aphe di aphe iniluk amuhupseg, An nobam ebetuk isalug, waramuhup fug-o, ulug wene yig hirihion ari haren demat ulug eberoko waruk ahen ano?” ulug yig epag.

Yohanes 3:13

Eke at ap misig etno o boholma lahabag fug-o. An Allahen minduhup naharision etno hag boholmen ambik waharuk seyag-o.

Yohanes 3:14

Eke bilin o limu aphe eleg ambeg epmano at Musaen walo etno e fam homako minduhupfebag etno hag, fobik An Allahen minduhup naharision etno e fam lenggaloko minduhup nahakup-o.

Yohanes 3:16

Eke At Allahen it aphe o kweanma duma werehon epmano mondog indi hunduhuk welapag etno fam, At Amloho misig aron oke og isebag-o. Ariroho og isebag ari, it yi aphe di aphe obohen At obam ebetuk isalug, fobik waraheg eleg iniluk mondog welamon etno holawag ulug og isebag-o.

Yohanes 3:36

Eke it yi aphe di aphe obohen At Amloho etno obam ebetuk isalug, iniluk welamon etno-at holaruk-o. Eke it nin At Amloho etno une inesanggo holtuk eleg wilil, iniluk welamon etno holaruk eleg isalug, At Allahen nintul nantul asine inobam umburuk aruhu-o,” ulug at Yohanesen yig isebag.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Yohanes 6:33

Eke orom roti At Allahen og hisaruk ari, At misig boholmen ambik watlug, it aphe kweanmon iniluk inaptukon etno-at og hisaruk-o,” ulug yig isebag.

Yohanes 6:35

Yig ituk apagma, At Yesusen yig isaruk wilil, “Orom roti ebe iniluk inaptukon ari An nebe at-o. Ari halug, it aphe obog An nambeg watlug nobam ebetukon epmano ik inim, orom roti inim obok hahup fug-o,” ulug yig isebag.

Yohanes 6:41

Yig isaruk wilil, “Orom boholmon ambik waharision etno An nebe at-o,” ulug yig isebag etno fam, it Yahudi ap epmano inamberaken inune fog fog orog-at uruk wilil,

Yohanes 6:47

Yig isaruk apareg, eke fobik yig isaruk wilil, “An wene demat uruk amon etno yig hisamin-o. It aphe An nobam ebetuk isalug, iniluk welamon etno-at holaruk-o.

Yohanes 6:48

Eke orom roti iniluk inaptukon etno ari An at-o.

Yohanes 6:50

Eke it aphe obog orom boholmen ambik waharision etno naruk isalug, waramuhup fug-o.

Yohanes 7:38

Eke it obohen An nobam ebetuk isalug, ik ilukon etno eleruk inindimuen funaltuk aruhu-o, ulug Alkitab etno fam weregma yig hisihi-o,” ulug At Yesusen ariroho yig isebag ari, Roh Kudus etno farim yig isebag.

2 Korintus 5:19

Ariroho mondep nisaharisireg fam, niren it aphe obog hurumbik yig isaruk ahe-o, At Kristus inuk fam At Allahen it aphe obog inim dambuk inaptisireg fam, iren dag suruson epmano onggo dahon inobam umbukon epmano elehepfirisi-o. Eke At Allahen aphe dambuk inabukon wene etno yig isil lawag ulug mondep naharisi-o.

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

Efesus 5:2

Eke At Kristus nit ninobam indi hunduhuk welapag etno hag, hit hit hinindi hunduhuk welamuk-o. Eke At Kristus ari nit ninake warariog ulug onggarehen imig saruk wilil, At Allah ahien hawag ulug At ebe fanowon etno Allah ake atisi-o.

Efesus 5:25

Eke At Kristus etno At udaki indi hunduhuk welapag etno hag, hit aben hinuhwesi hinindi hunduhuk welamuk-o. Eke At Kristus ari At udaki inake warapareg fam,

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 10:20

Ariroho hut nisebag etno fam, ninonggalem keron misig yahap nisaharuk wilil, bilin sum saleg welapahon etno healep nisahabag-o. Ariroho healep nisahabag ari, at ebe og nisebag etno fam ninebe niniluk ninaptuk-o.

1 Petrus 2:4

Hit At Yesus ambeg-at laruk amiek-o. It apheyen At ebe ninambit-o, ulug weregma, At Allahen o wut oag suon neken imbirisi-o.

1 Yohanes 2:2

At Kristus etno motoho-at sebag etno fam, dag suruk aheon epmano ninapelegsoho ninombisaharuk-o, eke it aphe obohen dag surukon epmano inim-at inapelegsoho imbisaruk-o.

1 Yohanes 4:10

Eke bilin nit Allah ninindi hunduhuk welatuk sowag fug. Aren nit indi hunduhuk wilil Amloho belap nisa wapag. Ari niren dag suruk aheon etno apma seberoho umbukag ulug belap nisa wapag.

1 Yohanes 4:14

Eke aphe inili wawag ulug, At Iknien Amloho belabik wapag etno nit ninilanggen haruk atukukseg, aphe obog yig isaruk ahe-o.