Yohanes 6:46 - Allah Wene Hurumbik Keron

⁴⁶ Ari halug, Anden it yi aphe di aphe obog epmanowen An Nikni inilanggen harusa ulug yig hisaruk ahi fug-o, An Allahen minduhup naharision etnowen-at An Nikni etno nilanggen harikik-o,” ulug yig isebag.

Yohanes 6:46 ပူးပေါင်းရင်းမြစ်များ

Matius 11:27

Hat Niknien An yi angge di angge obog og nitikinteg fam, Haren-at An Hamloho nebe hiluk-o. Eke An Hamlohoen-at Hat Nikni hebe niluk-o. Eke An Hamloho etnowen it nin yig isarukmu, it etnowen-at Hat hebe iniluk atuk-o,” ulug ebag.

Lukas 10:22

Hat Niknien An yi angge di angge obog og nitikinteg fam, Haren An Hamloho hebe hiluk-o. Eke An hamlohoen Hat Nikni hebe niluk-o. Eke An Hamloho etnowen yig isarukmu Hat hebe iniluk atuk-o,” ulug uruk apag.

Yohanes 1:18

Eke ap misihen At Allah ebe haruk eleg oke, At Allah Amloho misig-at inim werehon etnowen At Allah ebe duroho wereg ulug selegmaroho yig nisebag-o.

Yohanes 14:7

Eke hit kidia An nebe hiniluk atikip etno fam, An Nikni hiniluk atikip-o. Hiniluk atuk atikipseg, kidia hiren At ebe etno hinilanggen haruk wilil, At ebe hiniluk welahep-o,” ulug yig isebag.

Yohanes 15:24

Eke Anden sukfugangge misig it apheyen inapelehon etno it aphe obog inil fam sele fugmen, nit dag suruk ahe ulug inapeleg-at welatlep-o. Ariroho inapeleg-at welatlebon oke, kidia hag Anden sukfuganggeroho suruk ahion epmano inilanggen haruk atusareg, An nebe inim, eke At An Nikni etno inim, inambit hun ninaptusa-o.

Yohanes 5:37

Eke At An Nikni lahap nabik waharision etnowen inim-at An nawene etno yig hisaruk-o. Ariroho yig hisaruk oke, hit hag At une hinesanggo holeheg eleg wilil, olohore hinilanggen haruk ahep fug etno fam, ebe hinapeleg-at welahep-o.

Yohanes 7:29

Aren lahap nabik waharisimu, An nebe At wereg ambehen ambik waharikikon etnowen hag ebe niluk-o,” ulug yig isebag.

Yohanes 8:19

Yig isaruk apagma, it etnowen yig ituk wilil, “Hat Hikni ari sa-o?” ulug yig ituk apagma, At Yesusen yig isaruk wilil, “Hit An Nikni inim, eke An nebe inim hinapeleg-at welahep-o. Eke hiren An nebe etno At ulug hiniluk welatlepmen, An Nikni etno inim-at hiniluk welatlep-o,” ulug yig isebag.

Yohanes 8:55

Eke At ebe etno hiren hinapeleg-at welahebon oke, An hag ebe niluk-o. Eke Anden At Allah ebe napeleg-o, ulug elemen, hit hinenggal uruk ahep etno hag An nenggal-at uruk atle-o. Ariroho uruk atleon oke, Anden At ebe niluk wilil, At une nesanggo holtug ilitoho suruk ahi-o.

Kolose 1:15

At Allah ninilanggen haruk ahe fuhon ahut etno At Kristus-at wereg-o. Eke yi angge di angge obog wal hebahon epmano At Amloho misig aron etno apma-at wereg-o.

1 Timotius 6:16

Eke At akeleg waratuk elehon itog mondog wereg-o. Eke At etno o selegma-at weregma, horogsoho lao hai-o. Eke At ebe apheyen inilanggen haruk eleg-o. Eke At ebe oag werehon itog mondog welamon etno At inuk suontepfuruk amuk-o ulug an demat yig hirihi-o.

1 Yohanes 4:12

It apheyen At Allah ebe hebag fug-o, eke nit ninomini ninindi ninim hunduhuk welahe halug, Allah ebe ninindimu-at wereg ari mondog ninindimu hunduhuk wereg-o.