Yohanes 6:45 - Allah Wene Hurumbik Keron

⁴⁵ Eke it nabi ap epmanowen wene hurumbik ebahon epmano wene umburuk wilil, ‘At Allahen it yi aphe di aphe obog-at yanggul isaruk aruhu-o,’ ulug embebag etno hag, it yi aphe di aphe obog An Nikni une etno inesanggo holtuk isalug, yanggul isaruk etno fam nambeg waharuk-o.

Yohanes 6:45 ပူးပေါင်းရင်းမြစ်များ

Matius 11:27

Hat Niknien An yi angge di angge obog og nitikinteg fam, Haren-at An Hamloho nebe hiluk-o. Eke An Hamlohoen-at Hat Nikni hebe niluk-o. Eke An Hamloho etnowen it nin yig isarukmu, it etnowen-at Hat hebe iniluk atuk-o,” ulug ebag.

Matius 17:5

ulug awan yig ituk heheg, hena wikal neken lahaptukon etno sebe inapag.

Markus 1:2

At nabi Yesaya Allah wene hurumbik yig isaruk apahon etnowen yig isaruk wilil, “At Allahen hat laon holohotma kwalem yatuk amag ulug, bilin An Namloho misig yonggo lahapfuhuk-o, ulug ebareg fam,

Lukas 1:70

Ari, At Allahen amuk it nabi ap inune fam yig nisaruk wilil,

Lukas 18:31

Eke fobik At Yesusen it omini dua belas epmano inakeleg-at yanggap isaruk apareg, yig isaruk wilil, “Hinesanggo holiek-o. Nit o Yerusalem laruk amuhukmu, it nabien An Allahen minduhup naharision nahurumbik ebahon etno it apheyen demat uhup-o.

Yohanes 10:27

Eke it An nandomba epmano hag An nune inesanggo holtuk-o. Eke Anden inebe niluk welahi fam, iren An mug naplug laruk-o.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Yohanes 6:65

Ariroho iluk wilil, nin duroho yig isaruk apag, “Ari halug, Anden bilin yig hisaruk wilil, ‘Hit An nambeg wamon etno bilin Niknien og hisaruk eleg halug, hit hinonggarehen-at An nambeg wam ari hai-o,’ ulug yig hisarikik etno alem ari fam-at yig hisarikik-o,” ulug yig isebag.

Kisah Para Rasul 13:40

Ari fam, it nabien ebahon epmano hiren wehe ha nowen ulug fikfag hinindi yaharoho welamiek-o; ari hit nabien yig isaruk wilil,

Kisah Para Rasul 7:42

Inahien haruk apagma, At Allahen ahla buruk wilil, bikalem soholoal inim inahien haruk amag ulug sohorep isebag. Sohorep isaruk apagma, it nabi epmanowen Allah une inesanggo holtug wene holal umburuk wilil, ‘Hit Israel ap du, bilin o limu epma empat puluh tahun wilil, yi wam di wam epmano waroko An nake umburuk atikip fug-o.

Efesus 1:17

Eke Aren selegmaroho bukaloko yig hisarukon etno hit hinilanggen fenggeneg neken wilil, fanoroho ebebukag ulug sembahyang uruk ahi-o.

Filipi 3:15

Eke anden yig hisihi etno hag, hit obog Allah wene fanoroho waruk ahebon epmano hinobabut arion-at welamuk-o. Eke hinobabut ninon welahebon halug, At Allahen dindiloko yanggul hisahu-o.

1 Tesalonika 4:9

Eke anden hinomini hinim fanoroho hinindi hunduhuk welamuk ulug yig hisao ari hai-o. At Allahen hit hinomini hinim fanoroho hinindi hunduhuk welamuk ulug yanggul hisarisi-o.

Ibrani 10:16

Ninim dambulig wilil, Anden wene duroho suruk amuk eke duroho suruk am fug ulug yig isahukon etno inindimu holal neken baloko umbuhuk-o,” ulug yig isebag-o.

1 Yohanes 2:27

Eke hit hag, Roh Kudusen hinobam imbirisimu, ap misihen yanggul hisa ari hai. At Roh Kudus yanggul hisarukon halug, yi angge di angge demat werehon etno-at yanggul hisaruk-o, Aren enggal neken uruk eleg-o. Eke At Roh Kudus etnowen yanggul hisarukon etno fikfag hinindimu ebetuk hisalug, At Yesus hinim hunduhuk welamuhup-o.