Yohanes 6:29 - Allah Wene Hurumbik Keron

²⁹ “Hit Allah yabuk keroho suruk amuk ulug ehep ari, hit At Allahen lahabik waharision etno obam hinindi ebetuk amuk ulug yig hisaruk-o. Eke At obam ebetuk ahep etno ari Allah yabuk-at suruk ahep-o,” ulug yig isebag.

Yohanes 6:29 ပူးပေါင်းရင်းမြစ်များ

Matius 17:5

ulug awan yig ituk heheg, hena wikal neken lahaptukon etno sebe inapag.

Markus 16:16

Eke iren wene fano wene yangguloko yig isahubon etno inindien demat ulug eberoko waruk isalug, ikma belap inabuhup etno fam inili og inabuhuk-o. Eke wene etno inindimu eberoko waruk eleg isalug, oag deloko o dagma-at imbisahuk-o.

Yohanes 3:36

Eke it yi aphe di aphe obohen At Amloho etno obam ebetuk isalug, iniluk welamon etno-at holaruk-o. Eke it nin At Amloho etno une inesanggo holtuk eleg wilil, iniluk welamon etno holaruk eleg isalug, At Allahen nintul nantul asine inobam umburuk aruhu-o,” ulug at Yohanesen yig isebag.

Yohanes 5:39

Eke hiren Alkitab wene baleg etno fikfag wane suruk wilil, etno fam niniluk welamon etno heahakuk-o ulug hinahla buruk ahep-o. Eke Alkitab wene baleg ari fam An nawene-at yig hisaruk halug,

Yohanes 6:28

Yig isaruk apagma, it epmanowen yig ituk wilil, “Nit Allah yabuk etno suog ulug keroho suk-o?” ulug yig ituk apagma, At Yesus etnowen yig isaruk wilil,

Yohanes 6:38

Eke An nebe etno At lahap nabik waharision etnowen ahla burukon etno-at ilitoho suruk ariog ulug boholmen ambik waharikik-o. Ariroho ambik waharikik ari, An nindien kahaloko suruk ariog ulug ambik waharikik fug-o.

Yohanes 6:57

Eke At An Nikni iluk werehon etnowen lahap nabik waharisireg fam, An At ninim niluk-at welahi-o. Ari ilitoho, it aphe An nebe neken narukon epmano ninim niniluk-at welamuhuk-o.

Kisah Para Rasul 16:31

it etanowen yig ituk wilil, “Hat homini hinim hinindi Yesus obam ebetuk atlihipmu, hinili wikon-o,” ulug yig ituk atusareg,

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

Ibrani 5:9

lluk atuk apagma, At ebe it yi aphe di aphe obog-at yanggul isarukon welamag ulug minduhupfebareg fam, it yi aphe di aphe At une inesanggo holtuk isalug, inilioko iniluk welamon etno-at og isaruk amag ulug inggikmu embebag-o.

Yakobus 2:22

Eke at Abraham ariroho waruk wilil, Allah wene weheg, eke ilitoho seheg suruk apag etno fam, alem neken Allah wene waruk apareg wilil, enggabuk neken ilitoho sebag-o, ulug aren ariroho sebahon etno fam yig nisaruk-o.

1 Yohanes 3:23

Eke komo yig nisarukon etno ebe du at-o, At Amloho Yesus Kristus inuk fam ebebuk-o, eke At Kristusen yig nisebag etno hag, niren ninomini at misig nindi eheg, at misig nindi eheg suruk amuk-o.

1 Yohanes 5:1

Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.

Wahyu 2:26

Eke it inoag weregsoho anduhunmu neken welamuhubon epmanowen Anden yig isaruk seyahon etno mondog ilitoho suruk isalug, An Niknien suon noag weregsoho welamon og nepag etno hag og isahuk-o.