Yohanes 6:26 - Allah Wene Hurumbik Keron

²⁶ Yig ituk apagma, At Yesusen yig isaruk wilil, “Ari halug, An wene demat uruk amon etno yig hisamin-o. An noag weregsoho surukmu nearikibon epmano fam heag nabil wahep fug-o. We orom roti hinahumsoho narikibon epmano fam nebe heag nabil wahep-o.

Yohanes 6:26 ပူးပေါင်းရင်းမြစ်များ

Yohanes 3:3

Yig ituk apagma, At Yesus etnowen yig ituk wilil, “Wene demat urukon etno yig hisamin-o. Ap misig ebe birenam endag atuk eleg halug, At Allah weregma kuk ari hai-o,” ulug yig ituk apagma,

Yohanes 3:5

eke At Yesus etnowen yig ituk wilil, “Ari halug, An wene demat urukon etno yig hisamin-o. Ap misig ik fam inim, Roh Kudus fam inim endag atuk eleg halug, At Allah weregma kuk ari hai-o.

Yohanes 6:14

Ariroho umburuk apagma, it aphe obog epmanowen At Yesusen oag weregsoho suruk apahon epmano inilanggen haruk apareg, irit uruk wilil, “Wi, ap nabi suon misig o kweanma duma waruhu ulug hurumbik yig nisaruk apahon etno ebe du-at hehe-o,” ulug uruk apag.

Yohanes 6:15

Ariroho uruk apagma, At Yesusen ahla buruk wilil, “An nebe it Inowe suon neken welamag ulug ininggik oag weregsoho sen naplug minduhup nahuog ulug suruk-o,” ulug ahla buruk apareg, At etno akeleg-at bunu anggolo wereg ambeg epmano lebag.

Yohanes 6:2

it yi aphe di aphe obog epmano Aren aphe uk wareg isalug oag weregsoho fano inaptukmu inilanggen haruk apareg, mutlug lebag.

Yohanes 6:24

Bok arik laruk apareg weregma, it aphe obog epmanowen At Yesus omini inim inebe eleg isaruk apareg, so etno fam kebag. Kuruk apareg, At Yesus ebe heahuog ulug so etno fam o Kapernaum wapag.

Yohanes 6:30

Yig isaruk apagma, eke it epmanowen yig ituk wilil, “Nit ninil fam Haren hoag weregsoho sukfugangge misig suruk healug, hobam ninindi ebebulen misig nongge simihin-o?

Yohanes 6:36

Yig isaruk apareg, eke fobik yig isaruk wilil, “Hit bilin hinilanggen nearikipseg oke, nobam ebetuk ahep fug ulug yig hisarikik-o.

Yohanes 6:47

Yig isaruk apareg, eke fobik yig isaruk wilil, “An wene demat uruk amon etno yig hisamin-o. It aphe An nobam ebetuk isalug, iniluk welamon etno-at holaruk-o.

Yohanes 6:53

Hinog waruk apagma, At Yesusen yig isaruk wilil, “Ari halug, An wene demat uruk amon etno yig hisamin-o. Hiren At Allah Amloho etno amep nenggeg, ebe nenggeg suruk eleg hisalug, hiniluk welamon etno holahup fug-o.

Yohanes 6:64

Ariroho yig hisihion oke, hit ninen eberoko waruk ahep fug-o,” ulug ariroho yig isebag ari, At Yesusen bilin ahla buruk wilil, it ap duen wene yanggul isaruk ahion epmano eberoko wahup fug-o. Ariroho wao sohorep isalug, at misig duen An nowabukag ulug inayonggo lahu-o, ulug ahla buruk wilil, iluk mondog welapag.

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

Filipi 2:21

Eke it yi aphe di aphe epmanowen inonggareg ineyabuk sukon inahla burukon oke, At Yesus Kristus eyabuk sukon etno hag inahla buruk eleg-o.

Filipi 3:19

Eke it epmano fobik o dagma lahup-o. Eke it inikni suon neken inahum-at wereg-o. Eke it yi angge di angge inenggali haon epmano fam suontepataruk-o. Eke it yi angge di angge kweanmon epmano-at inahla buruk-o.

1 Timotius 6:5

Eke it ariroho surukon ari wene demat ulug ebetukon etno sohorep isalug wene du fam naharek anggolo aruhu-o, ulug inahla buruk-o.