Yohanes 6:2 - Allah Wene Hurumbik Keron

² it yi aphe di aphe obog epmano Aren aphe uk wareg isalug oag weregsoho fano inaptukmu inilanggen haruk apareg, mutlug lebag.

Yohanes 6:2 ပူးပေါင်းရင်းမြစ်များ

Matius 12:15

Iren wabuhuk ulug ebahon etno At Yesus esanggo holtuk apareg, o etno sohorep isalug, o misig lebag. Laruk apagma, it aphe anggolo-at mutlug lebag. Mutlug laruk apagma, it aphe uk warehon epmano obog-at fano inapag.

Matius 13:2

Ariroho weregma, it yi aphe di aphe obog-at ambeg wonggalik wapag. Wonggalik waharuk apagma, keleg atuken so fam ikma epmano horie ik kebag. Horieg wilil, it aphe anggolo ik ayegma wonggaleg werehon epmano yi wene di wene obog-at ilitoho neken yig isaruk apag.

Matius 14:14

Laruk apagma, eke At Yesus etno so fam epmanowen wilip atuk apareg, it obog wonggalik wapahon epmano ilanggen isebag. Isaruk apareg, indimuen inabua isaruk wilil, it uk warehon epmano fano inapag.

Matius 8:1

Yig isaruk apareg, eke fobik At Yesus etno dom famen ambik waharuk apagma, it aphe dohaleg welapahon epmano ombolim lebag.

Markus 1:45

Lahapfuruk apagma, ambeg epmanowen wilip atuk apareg, yig isaruk wilil, “An etno arat fano nabehek-o,” ulug it aphe epmano yuhun-at weregma, yig isil lebag etno fam, At Yesus etno aphe wereg ambeg inibam o silimu epmano kebag fug. Akeleg-at o isinggama epmano weregma it aphe o ahik ya da epmanowen ambeg wonggalik wapag.

Markus 6:33

Larukmu, it aphe winasul inilanggen isarukon epmanowen laruk isaruk apareg, it aphe epmano inibam dombog sohorep isalug, ik ayeg keyen dahagsoho buahen inolohotma bilin arik lebag.

Yohanes 11:47

Ariroho yig isaruk apagma, it Farisi ap epmano inim, eke it Allah unde inowesi suon epmano inimen it ap wene baltukon epmano obog-at wonggalep isalug, yig isaruk wilil, “Ap duen sukfuganggeroho suruk du, nit keroho suk-o?

Yohanes 12:18

Ariroho yig isil nuruk apagma, it yi aphe di aphe obog epmanowen inesanggo holtuk apareg, At Yesus inim heahi war war uog ulug lebag.

Yohanes 12:37

Herag apareg fam, it Yahudi ap epmano inil fam sukfugangge anggolo suruk apahon oke, it ninen At obam ebereheg eleg-at welapag.

Yohanes 2:11

Yig ituk apagma, At Yesus etno o Kana Galilea epmen alem sukfuganggeroho suruk apag ari fam, ap du suon ulug selegma atuk apagma, At omini epmanowen At obam demat ulug ebetuk apag.

Yohanes 2:23

Eke fobik it Yahudi aben esoho inuk Paskah etno esetuk iseheg, At Yesus etno o Yerusalem wilil, sukfuganggeroho suruk apagma, it aphe obohen inilanggen haruk apareg, wi ulug At obam ebetuk apag.

Yohanes 20:30

Eke fobik At Yesus omini etno inil fam sukfugangge nin anggolo suruk apahon oke, buku du fam holal baloko embebag fug-o.

Yohanes 3:2

o misihim hubanggo At Yesus ambeg wapareg, yig ituk wilil, “Ninowe yanggul nisarukon wai, Haren yanggul nisawag ulug At Allahen lahap habik waharisi etno nit niniluk-o. Eke at ap misig Allah inim welatlep fugmen, Haren sukfugangge suruk ahenon epmano suruk atlep fug-o,” ulug yig epag.

Yohanes 6:14

Ariroho umburuk apagma, it aphe obog epmanowen At Yesusen oag weregsoho suruk apahon epmano inilanggen haruk apareg, irit uruk wilil, “Wi, ap nabi suon misig o kweanma duma waruhu ulug hurumbik yig nisaruk apahon etno ebe du-at hehe-o,” ulug uruk apag.

Yohanes 6:22

Eke etno sambit nohoruk apareg, ilikia, it yi aphe di aphe obog ik ayeg lema fil welapahon epmanowen so misig-at weregma inilanggen haruk apareg, inahla buruk wilil, At Yesus so fam kehek fug du, it At omini epmano At ebe sohorep isalug, so misig fam lahesa-o, ulug inahla bebag.

Yohanes 6:26

Yig ituk apagma, At Yesusen yig isaruk wilil, “Ari halug, An wene demat uruk amon etno yig hisamin-o. An noag weregsoho surukmu nearikibon epmano fam heag nabil wahep fug-o. We orom roti hinahumsoho narikibon epmano fam nebe heag nabil wahep-o.

Yohanes 6:30

Yig isaruk apagma, eke it epmanowen yig ituk wilil, “Nit ninil fam Haren hoag weregsoho sukfugangge misig suruk healug, hobam ninindi ebebulen misig nongge simihin-o?