Yohanes 6:11 - Allah Wene Hurumbik Keron

¹¹ Horie uruk apagma, At Yesusen orom roti etano waruk apareg, At Allah wa ulug sembahyang ebag. Sembahyang uruk apareg, it aphe obog horie ebahon epmano At omini epmanowen sumbut isawag ulug og isebag. Og isaruk apagma, sumbut isebag. Sumbut isaruk apareg, fobik ikan etano ariroho-at sumbut isebag. Sumbut isaruk apagma, iren dia namin ulug inahla bebahon epmano obog-at inahumsoho nebag.

Yohanes 6:11 ပူးပေါင်းရင်းမြစ်များ

Matius 15:36

Waruk apareg, seneg wilil Nikni Allah wa ulug sembahyang ebag. Sembahyang uruk apareg, orom roti inim ikan inim kut kut At omini etno og isaruk apagma, it aphe obog inapma belabil lebag.

Lukas 24:30

Kuruk apareg, inim e belareg etno fam horieg wilil, orom roti etno inggikmu waruk apareg seneg wilil sembahyang ebag. Sembahyang uruk apareg, kuroko og isebag.

Yohanes 21:10

Inilanggen haruk apagma, At Yesus etnowen yig isaruk wilil, “Udag dia, hit ikan bilin warehebon nin walug maniek-o,” ulug yig isaruk apagma,

Yohanes 21:13

Hinog wao sohorep isaruk apagma, At Yesus etno orom roti inggikmu waruk apareg, og isebag. Og isaruk apareg, eke fobik ikan ariroho-at og isebag.

Yohanes 21:9

Ik ayegma wilik waharuk apareg, hondok monggalepfebag ambeg etano ikan inim orom roti inim weraho weregma inilanggen hebag.

Yohanes 6:23

Inahla buruk apareg weregma, bilin At Ninowe etnowen sembahyang uruk apareg it aphe obog-at orom roti nebag ambeg ik ayegma etano so nin o Tiberias etnowen walug, bok arik lebag.

Yohanes 6:9

“Udag misig orom roti fuaben angge inim, eke ikan biren inim walug wahaon etano duma wereg oke, eta fam it aphe anggolo duma keroho sumbut isul-o?” ulug yig epag.

Kisah Para Rasul 27:35

ulug yig isaruk atisireg, at Paulus etno orom roti inggikmu waruk atisireg, it obog inil fam Allah wa ulug sembahyang uruk atisireg kuroko naruk atisimu,

Roma 14:6

Eke at ap misig o du fam yi angge di angge suk usa-o, ulug ahla buruk wilil, At Ninowe inuk suontepfiog ulug suruk-o, eke at ap yi angge di angge obog-at narukon etno hag naruk angge epmano fam Allah wa ulug yig ituk halug, At Allah inuk-at suontepfiog ulug suruk-o. Eke at ap yi angge di angge obog yuhun-at naruk elehon etno At Ninowe etno inuk suontepfiog ulug wilil, Allah wa ulug yig ituk-o.

1 Korintus 10:31

Eke ari halug, hinaharom nenggeg, hinahik nenggeg, yi angge di angge suruk wilil, At Allah inuk-at suontepfuog ulug suruk amiek-o.

1 Tesalonika 5:18

Eke dahon hinobam embeheg, fanowon hinobam embeheg suruk halug, nintul nantul Hinikni wa ulug uruk amuk-o. Eke At Yesus Kristus inuk fam nintul nantul wa ulug sembahyang uruk amag ulug At Allahen ariroho siuk ulug yig nisarisi-o.