Yohanes 5:6 - Allah Wene Hurumbik Keron

⁶ Yinggig weregma, At Yesus etnowen ilanggen haruk apareg ap du tahun anggolo uk wareg welatisi-o, ulug iluk atuk apareg yig ituk wilil, “Hat hebe fano habuk hindi ano?” ulug yig epag.

Yohanes 5:6 ပူးပေါင်းရင်းမြစ်များ

Lukas 18:41

“Hat Anden keroho seko hombahukag ulug hahla buruk ahen-o?” ulug yig ituk apagma, at ap etnowen yig ituk wilil, “Nowe-o, an nilanggen buhon du fano amag ulug fenggep nahin-o?” ulug yig epag.

Yohanes 21:17

eke fobik henahanam yig ituk wilil, “Simon Yohanes amloho du wai, hat An nobam hindi hunduhuk welahen ano?” ulug yig ituk apagma, at Petrus etno Yesusen henahanam An nobam hindi hunduhuk welahen ano ulug hinog webahon etano fam indi dag atuk apareg, yig ituk wilil, “Nowe-o, Hat yi angge di angge obog hiluk ari, an Hat hobam nindi hunduhuk welahion etno hiluk-o,” ulug yig ituk apagma, At Yesus etnowen yig ituk wilil, “Ari halug, An nanggom domba epmano haren orom nawag ulug og inaplug laheg suruk amuk-o.

Yohanes 5:5

Fano inaptuk apareg weregma, at ap misig uk wareg wilil, tiga puluh delapan tahun yinggig welapag.

Yohanes 5:7

Yig ituk apagma, eke at ap uk warehon etnowen yig ituk wilil, “Nowe-o, ik namut etno aplohoksepfuruk oke, ap nombahik kukon elehen welahi-o. Eke an nebe nintul nantul kiog ulug suruk ahion oke, it ap nin dag bilin kuruk-o,” ulug yig epag.

Ibrani 4:13

Ariroho suruk heheg, alem misig At Allah ilanggen ha nowen ulug herahapfuk ari hai-o. Yi angge di angge obog wal hebahon epmano At il fam selegma mondog wereg-o. Ariroho wereg famen, niren suruk aheon epmano At Allah il fam obog-at bukaluhuk-o.

Ibrani 4:15

Eke At Ninowe Allah unde suon etnowen nit ninoag elegsoho suruk aheon epmano ahmu nisaruk wereg-o. Ariroho wereg ari, nit ninindi kahalik waharuk etno hag, At indi kahalik wapahon oke, At dag sebag fug-o.