Yohanes 5:46 - Allah Wene Hurumbik Keron

⁴⁶ Eke at Musaen An nawene etno arat embebag halug, hiren at Musaen wene embebahon etno demat ulug eberoko welepmen, An nobam-at ebetuk atlep-o.

Yohanes 5:46 ပူးပေါင်းရင်းမြစ်များ

Yohanes 1:45

Yig ituk apagma, at Filipus etnowen at Natanael weregma ilanggen hebag. Ilanggen haruk apareg, yig ituk wilil, “At Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inimen ap misig ahurumbik ebahon etno ebe kidia ninil hehe-o. Ninil heheon ari, At Yesus, Yusuf amloho ibam Nazareton etno ninilanggen hehe-o,” ulug yig epag.

Lukas 24:27

Yig isaruk apareg, eke fobik At Yesus etnowen at Musaen wene embebahon etno inim, eke it nabi ap obohen wene embebahon epmano inim, At Yesus ahurumbik Alkitab fam weregma obog dindiloko yig isebag.

Kisah Para Rasul 26:22

Ariroho suruson oke, eke At Allahen nili oko ninim weregma, o yoho du fam hit suon inim, doron inim, obog-at nawene yig hisaruk ahi-o. Eke anden yig hisaruk ahion etno hag, it nabi ap inim, eke at Musa inimen hurumbik yig nisaruk wilil,

Galatia 3:24

Eke ari halug, At Kristus etno awan waharuk eleg heheg, wene duroho suruk amuk eke duroho suruk am fug ulug ebahon etno nit yanggul nisarukon neken welatisi-o.

Galatia 3:13

Eke At Kristus etno wene homali nit ninobam werehon etno At obam ombatebareg fam, it Yahudi aben wene duroho suruk amuk eke duroho suruk am fug ulug ebahon etnowen homali ninobam embebahon etno elehepfebag-o. Eke ari halug, at Alkitab etno fam yig nisaruk wilil, “At ap misig e fam lenggaloko werehon halug, homali etno obam wereg-o,” ulug yig nisarukon etno wereg halug, At Kristus etno ninake ariroho sebag.

Galatia 3:10

Eke it obog Yahudi aben wene duroho suruk amuk eke duroho suruk am fug ulug ebahon etno suog ulug surukon ari wene homali neken inobam wereg-o. Eke ari halug, alem ari fam Alkitab etnowen yig nisaruk wilil, “It obog Yahudi aben wene duroho suruk amuk eke duroho suruk am fug ulug ebahon etno obogsoho suruk eleg isalug, wene homali etno inobam umburuk-o,” ulug ariroho yig nisebag halug, it aphe obog Yahudi aben wene duroho suruk amuk eke duroho suruk am fug ebahon etno ilitoho suruk isalug, etno fam At Allahen alem dahon inobam werehon epmano elehepfuhu fug-o.

Galatia 2:19

Eke wene duroho suruk amuk eke duroho suruk am fug ulug ebahon etno anden ilitoho siog ulug sirikikon etno hai atisireg fam, alem dahon etno-at nobam wereg heheg nebe warehon neken welatikikon oke, eke kidia At Allahen wene duroho suruk amuk eke duroho suruk am fug ulug ebahon etno ilitoho siog ulug niluk-at welahi-o.

Roma 10:4

Eke At Kristusen bilin wene duroho suruk amuk eke duroho suruk am fug ulug ebahon etno ilitoho sebag etno fam, it yi aphe di aphe At obam ebetuk isalug, At Allahen alem dahon inobam werehon epmano elegsoho imbisalug At inim dambultuk-o.

Yohanes 5:47

Ariroho ebetuk atlebon oke, aren wene embebahon etno eberoko waruk ahep fug ari fam, Anden yig hisaruk ahion etno keroho eberoko welep-o?” ulug yig isebag.