Yohanes 5:40 - Allah Wene Hurumbik Keron

⁴⁰ hiniluk welamon etno holawon oke, An nambeg wamon hinambit-o,” ulug yig isebag.

Yohanes 5:40 ပူးပေါင်းရင်းမြစ်များ

Matius 22:3

Ariroho suruk wilil, at omini epma­no ninim nulen wamag-o ulug at anggimbu epmano inayonggo aliek ulug lahap isebahon oke, it ap epmanowen esoho ninim nao ninam­bit-o, ulug bok apag-o.

Matius 23:37

At Yesus etnowen uruk wilil, “Ae, hit Yerusalem ap hinabua-o. Hiren it nabi ap war inabeheg, eke it Allahen hinambeg lahap isa wapahon epmano helep fam war inabeheg suruk ahep-o. Eke at sue ayamen udaki aherabul fam balu inaplug seberoho apma imbisalug wereg etno hag, hit obog Anden balurep hisahalug ninggik sen hinaplug wilil heahi war hinabiog ulug sirikikon oke, hiren hinambit nearikip-o.

Yohanes 1:11

Inahla beheg eleg weregma, At ibam endag apag ambeg epmano yig isa lebahon oke, it aphe At ibam welapahon epmanowen At obam ebetuk apag fug-o.

Yohanes 10:10

Eke it ap inalomnangge heraharukon etno lehet bog kuruk ari, inalomnangge herahakeg, war inabeheg, muko wilip iseheg suog ulug-at kuruk-o. Eke An hag it nanggom domba epmano iniluk inabeheg, yi angge di angge obog-at og iseheg suruk ariog ulug waharikik-o.

Yohanes 3:19

Inebe oag deloko imbisarisi etno, iren duroho suruk isalug imbisarisi-o, At o seleg etno o kweanma duma waharision oke, it aphe epmano dag-at suruk ari fam, o seleg etno sohorep isalug, o hubanggo welamon etno holarusa-o.

Yohanes 5:39

Eke hiren Alkitab wene baleg etno fikfag wane suruk wilil, etno fam niniluk welamon etno heahakuk-o ulug hinahla buruk ahep-o. Eke Alkitab wene baleg ari fam An nawene-at yig hisaruk halug,

Yohanes 5:41

Yig isaruk apareg, eke fobik yig isaruk wilil, “An it apheyen suontep nahukag ulug suruk ahi fug-o.

Yohanes 5:44

Eke ari halug, hit hit suontepatawon hinindi haruk ahebon oke, At Allahen suontep hisahukag ulug suruk ahep fug du, hit An nawene etno keroho eberoko welep-o?

Yohanes 6:27

Ariroho heag nabil wahebon oke, hit orom filik atukon etno-at nuog ulug yabuk suruk am fug-o. Orom filik atuk elehon ari hiniluk welamon etno-at huluog ulug suruk amuk-o. Orom filik atuk elehon ari hinim hiniluk welamon etno-at nuog ulug suruk amuk-o. Orom ebe ari An Allahen minduhup naharision etnowen-at og hisahuk-o. Ariroho og hisahuk ari, At Nikni Allah etnowen-at nebe suon welamag ulug minduhup nahabag-o,” ulug yig isebag.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Yohanes 6:40

eke fobik ahla bebahon misig yig nituk wilil, it yi aphe di aphe obohen Namloho hat inilanggen heahupseg, hobam ebetuk isalug, Anden iniluk welamon etno og isahuk-o. Ariroho og isaruk aruhukseg, fobik o ari fam obog-at iniluksoho minduhup isahuk-o, ulug yig nepahon etno-at yig hisaruk ahi-o,” ulug yig isebag.

Roma 6:23

Eke dag surukon ari onggo waratukon etno-at og isaruk-o. Eke At Allahen ninabua nisaruk wilil onggo eleg yuhun-at og nisarukon ari, At Ninowe Yesus Kristus ninim niniluk mondog welamon etno-at og nisaruk-o.

Wahyu 22:17

Uruk atisimu, At Roh Kudus etno inim, eke At Allah udaki epmano inimen, “Hat Yesus dulum manu-o,” ulug urusa-o. Iren urusa etno hag, hit hinesanggo holtuk ahebon halug hinim-at, “Dulum manu-o,” ulug uruk amuk-o. Eke hit ik ilukon etno obok haruk ahebon halug, manu-o. Hinindi ebetlug ik ilukon etno werlek-at holao fano at-o.