Yohanes 5:4 - Allah Wene Hurumbik Keron

⁴ Ariroho weregma, fobik ik namut etno aplohoksepfuruk apagma, it ap nin bilin ikma hiksoho kurukon epmano-at fano inaptuk apag.

Yohanes 5:4 ပူးပေါင်းရင်းမြစ်များ

Matius 11:12

Eke at Yohanesen bilin wene yig isaruk atisireg fam, it ap inasineyen At Allah weregmen sukon etno dahap ise­heg, apmarepfeheg suru­sa-o.

Matius 6:33

Ari halug, At Allah weregma welamon etno inim, eke Aren yig hisebahon etno ilitoho suruk amon etno inim bilin-at heaharuk amuk-o. Heag saruk amuhupmu, aren yi angge di angge nin epmano obogsoho sumbut hisahu-o.

Lukas 13:24

“Hat sok ele doron etno fam kiog ulug suruk aruhun-o. Eke it aphe nin sok ele doron etno fam kulen ulug suhubon oke, hai aruhu-o, ulug demat yig hisaruk ahi-o.

Lukas 16:16

Eke at Yohanes ikma belap inaptukon etno awan waharuk eleg heheg, at Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inim, du-at senebuk ulug hinahla birikip-o. Eke at etno waharuk atisireg, At Allah weregma welamon wene fano wene etno yig hisaruk atisimu, it aphe obohen inasineroho kuk ulug uruk-o.

Yohanes 5:3

Ariroho faleg weregma, it aphe uk warehon epmano inil buhon inim, iniog dahon inim, ininggik iniog hunduhukon inim obog-at o baharik anggolo faleg ambeg epmano yinggig welapag. Yinggig welapag ari, At Allah malaikat etnowen nintul nantul ambik waharuk wilil, ik namut kume watukon aplohok sukon etno aso welapag.

Yohanes 5:5

Fano inaptuk apareg weregma, at ap misig uk wareg wilil, tiga puluh delapan tahun yinggig welapag.

Yohanes 5:7

Yig ituk apagma, eke at ap uk warehon etnowen yig ituk wilil, “Nowe-o, ik namut etno aplohoksepfuruk oke, ap nombahik kukon elehen welahi-o. Eke an nebe nintul nantul kiog ulug suruk ahion oke, it ap nin dag bilin kuruk-o,” ulug yig epag.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

1 Yohanes 1:7

At Allah weregsoho o selegma laruk nisalug, ninomini obog ninim dambuksoho welahe-o. Ariroho weregma, eke ninindi dahon At Yesus Allah Amloho amep fam ho ninaptuk-o.