Yohanes 5:26 - Allah Wene Hurumbik Keron

²⁶ Eke At Ikni iniluk welamon unde wereg etno hag, At Amloho etno iniluk welamon ari-at unde welamag ulug nobam imbirisi-o.

Yohanes 5:26 ပူးပေါင်းရင်းမြစ်များ

Yohanes 1:4

Wene iniluk amon etno aphe inindimu seleg amag ulug og isebag. Og isebag ari, o seleg etno fam o hikmu yangguk amag ulug og isebag.

Yohanes 10:18

Eke An nebe etno it aphe nin inakeleg-at inahla buruk amuhupseg, nowabuhup fug-o. An nonggarehen it inake nowabukag ulug nahla buruk atikikon etno fam-at nowabuhup-o. Eke An nebe niluk welariog ulug, eleg aheg, wereg aheg, sukon etno unde welamag ulug An Niknien-at minduhup naharisi-o,” ulug yig isebag.

Yohanes 11:25

Eke it yi aphe di aphe An nobam ebetuk isalug, inebe waramuhubon oke, iniluk amuhup-o.

Yohanes 11:26

Eke it yi aphe di aphe iniluk amuhupseg, An nobam ebetuk isalug, waramuhup fug-o, ulug wene yig hirihion ari haren demat ulug eberoko waruk ahen ano?” ulug yig epag.

Yohanes 14:19

Eke An nebe etno dot welatlug, it aphe kweanmon epmanowen neahup fug oke, hit hag hinilanggen neahup-o. Eke An niluk welaruhuk etno hag, hit ariroho-at hiniluk welamuhup-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 4:10

Yig ituk apagma, At Yesusen yig ituk wilil, “An nebe At Allahen belap nabik waharision etnowen ik naminen honang nimin ulug yig hirihion etno haren An nebe ap du at ulug hiluk welatlenmen, haren An nambeg ariroho kino yig nitlenma, Anden ik ilukon etno og hetle-o,” ulug yig epag.

Yohanes 6:57

Eke At An Nikni iluk werehon etnowen lahap nabik waharisireg fam, An At ninim niluk-at welahi-o. Ari ilitoho, it aphe An nebe neken narukon epmano ninim niniluk-at welamuhuk-o.

Yohanes 8:51

Ari halug, Anden wene demat uruk amon etno yig hisamin-o. Eke it aphe obog wene Anden uruk ahion etno ilitoho suruk isalug, ari fam waramuhup fug-o,” ulug yig isebag.

Kisah Para Rasul 17:25

Eke Aren niniluk welamon etno inim, eke ninaharom inim, yi angge di angge inim nit aphe obog og nisarukon oke, nit apheyen yi angge di angge At og um hai-o.

1 Korintus 15:45

Eke wene Alkitab holal baleg embebahon etno fam yig nisaruk wilil, “Eke at Adam bilinon etno ebe bilin wal hebareg, indi ilukon etno fobik og epag-o.” Eke At Adam fobikon etno At ahurangge fam aphe iniluk inaptukon-at wereg-o.

1 Timotius 1:17

Fano naptisireg fam, At Ninikni Allah suon itog mondog werehon, aphe inilanggen haruk elehon etno inuk-at suontepfuruk amuk-o, ulug an demat yig hirihi-o.

1 Timotius 6:16

Eke At akeleg waratuk elehon itog mondog wereg-o. Eke At etno o selegma-at weregma, horogsoho lao hai-o. Eke At ebe apheyen inilanggen haruk eleg-o. Eke At ebe oag werehon itog mondog welamon etno At inuk suontepfuruk amuk-o ulug an demat yig hirihi-o.

Ibrani 1:2

eke kidia At Amloho etnowen wene etno yig nisaruk atisi-o. Ariroho yig nisaruk atisi ari, At Allahen Amloho yi angge di angge unde welamag ulug minduhupfebahon etno, At Allahen at inuk fam o ahik ya da wal hebag-o.

Wahyu 21:6

eke fobik At etnowen yig nituk wilil, “Arat seg aha-o. Eke huruf Alfa dan Omega ari, alem enggabuk inim An at welahi-o. Eke it ik obok werehon halug, ik ilukon elerukmuen funaltukon etno werlek-at og isa­huk-o.

Wahyu 22:1

Nin eke at malaikat etnowen At Allah inim, At Wam Domba Udag etno inim horie uruk ambehen ik ilukon etno funal­tukmu heag nitisi-o. Ik etno olohore mondog fanowon-at heag nitisi-o.

Wahyu 22:17

Uruk atisimu, At Roh Kudus etno inim, eke At Allah udaki epmano inimen, “Hat Yesus dulum manu-o,” ulug urusa-o. Iren urusa etno hag, hit hinesanggo holtuk ahebon halug hinim-at, “Dulum manu-o,” ulug uruk amuk-o. Eke hit ik ilukon etno obok haruk ahebon halug, manu-o. Hinindi ebetlug ik ilukon etno werlek-at holao fano at-o.

Wahyu 7:17

Eke At Wam Domba Udag horie uruk ambeg bulmu werehon etnowen inaso wilil, it epmano ik fanowon ilukon elerukmu epmano nawag ulug og inaplug laruk aruhu-o. Og inaplug larukmu, eke At Allahen inil ambusu ho inaptuk aruhu-o,” ulug yig nitukmu nesanggo holtikik-o.