Yohanes 5:25 - Allah Wene Hurumbik Keron

²⁵ Ari halug, An wene demat uruk amon etno misig yig hisamin-o. Kidia inim, fobik inim, it warehon epmanowen An Allah Amloho nune inesanggo holtuk isalug, iniluk mondog welamuhup-o.

Yohanes 5:25 ပူးပေါင်းရင်းမြစ်များ

Lukas 15:24

Eke an namloho du bilin nuk atision ebe wareg neken eleg welatisireg, kidia iluk ahama, heag sihi-o,’ ulug yig isaruk atisimu, darlo suon etno narusa-o.

Lukas 15:32

Ari halug kidia ninahien haruk wilil, darlo suon nul-o. Eke hat hot bilin nuk atision etno ebe wareg neken eleg welatisireg, kidia kik wahama, heag sehe-o,’ ulug at ikni etnowen amloho manggia etno yig itisi-o,” ulug At Yesusen yig isebag.

Lukas 9:60

At Yesusen yig ituk wilil, “It waratukonen it warehon epmano kweanma salep isaruk amag ulug sohorep isin-o eke hat hag, At Allah weregmen sukon etno yig isil alu-o,” ulug yig epag.

Yohanes 13:1

Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 17:1

Eke fobik At Yesusen yi wene di wene obog-at yig isalug, At etno ilanggen boholma lahap haruk apareg uruk wilil, “Nikni-o, misig sukon etno arat fanggog ehek-o. An Hamlohoen Hat hinuk suontep hahakuken, Haren An Hamloho etno ninuk suontep nahin-o.

Yohanes 4:21

Yig ituk apagma, At Yesus etnowen yig ituk wilil, “Hwe du, hat Anden yig hipminon etno hindi eberin-o. Fobik dom du famen inim, o Yerusalemen inim At Ninikni etno obam sembahyang uhup fug-o.

Yohanes 4:23

Eke kidia inim, fobik inim, it aphe At Allah obam sembahyang urukon epmano inindimuen demat ulug At Ninikni etno obam sembahyang uruk amuhup-o. Eke it ariroho inindimuen demat ulug ebetuk wilil, At obam sembahyang urukon etno At Niniknien heahi war inaptuk-o.

Yohanes 5:21

Eke At Iknien it aphe warehon epmano iniluksoho minduhup isaruk etno hag, At Amloho etnowen it du inilukep isahuk ulug onggareg ahla buruk atlug-at inilukep isaruk-o.

Yohanes 5:28

Ari halug, hit Anden yig hisaminon du wi ulug fog suk fug-o. Eke fobik it aphe waratuson kweanma saleg werehon epmanowen An nune inesanggo holtuk amuhupseg minamuhup-o.

Yohanes 6:60

Yanggul isaruk apagma, it At omini nin epmanowen inesanggo holtuk apareg, irit uruk wilil, “Wene yanggul isehekon ari, nit ninapeleg atuk heheg yanggul nisehek-o. Ari halug, at sen hag wene du esanggo holuk fano buruk ahep-o?” ulug uruk apag.

Yohanes 8:43

Eke hit Anden yig hisaruk ahion etno nulug hinindi ebetuk ahep fug ari, wene Anden uruk ahion etno hinamberaken-at suruk ahep-o.

Yohanes 8:47

Eke it yi aphe di aphe obog At Allahen endag inaptukon etno hag At Allah une-at inesanggo holtuk-o. Eke hit hinebe At Allah udaki neken welahep fug ari fam An nune etno hinesanggo holtuk ahep fug-o,” ulug yig isebag.

Yohanes 9:27

eke at etnowen yig isaruk wilil, “Ariroho suruk ahareg, nilanggen etno fenggenep nahakek ulug arat yig hisihion oke, hit hinesanggo holtuk eleg wilil, birenam yig nisimin yig nerehep ari keroho ulug yig nerehep-o? Eke hit hinebe etno ariroho At omini amuog ulug suruk ahep ano?” ulug yig isebag.

Roma 6:4

Ariroho kolap nisaharusareg fam, At Kristus Ikni suon oag werehon etnowen iluksoho minduhupfebag etno hag, nit ariroho ninindi keron neken niniluk atlug welamag ulug minduhup nisaharisi-o.

Efesus 2:1

Eke hiren bilin yi dag di dag suruk wilil, hinebe warehon neken-at welatikip-o.

Efesus 2:5

Eke nit ariroho Allah wene ninesanggo holtuk eleg wilil ninebe warehon neken welatukukon oke, At Allah nit ninobam indi hunduhuk wilil ahmu nisaruk apareg fam, At Kristus ninim niniluksoho minduhup nisaharisi-o. Eke At Allahen hinabua hisaruk etno fam hinili warisi-o.

Efesus 5:14

Eke yi wene di wene bukaloko yig nisarukon ari o seleg etno ilitoho wereg-o. Eke ari fam Alkitab etnowen yig nisaruk wilil, “Hat nohoruk ahen du hiluk amin-o. Hiluk atlug it warehon wereg ambeg eke warehon neken welamon etno sohorep isalug, hiluksoho minamin-o.

Kolose 2:13

Eke hit amuk dag suruk wilil, ap warehon ilitoho welatikip-o. Eke hit amuk selema neken welatikibon epmanowen dag suruk atikibon epmano At Allahen hinapelegsoho apma hinombisaharisi etno fam, At Kristus hinim hiniluksoho minduhup hisaharisi-o.

Wahyu 3:1

Eke fobik an yig nituk wilil, “At it jemaat o Sardis aphe inaso werehon etno og emag ulug holal duroho imbimihin-o: At Allah weregma Allah ahurangge inebe sabiren angge epmano inim, eke soholoal inebe sabiren angge epmano inim senetukon etnowen yig hisaruk wilil, hiren suruk ahebon epmano An niluk-o. Eke misig, hit hinebe wareg wilil oke, nit niniluk-at welahe-o, ulug uruk ahebon etno An niluk-o.