Yohanes 5:19 - Allah Wene Hurumbik Keron

¹⁹ Eke fobik At Yesusen yig isaruk wilil, “An wene demat urukon etno yig hisamin-o. At Amloho etno onggareg ahla buluhen-at suruk eleg-o. At Iknien surukon epmano ilanggen halug-at suruk-o. Eke At Iknien suruk etno hag, At Amloho etno ariroho-at suruk-o.

Yohanes 5:19 ပူးပေါင်းရင်းမြစ်များ

Matius 26:39

Yig isaruk apareg, At etno horog-at laruk wilil, olohore kweanma wanduk uruk apareg, sembahyang uruk wilil, “Nikni-o, An nebe war nabukon ari sohorluk ambusu honanggowon ilitoho wereg etno, Haren na nowen ulug hahla buruk ahen halug, An ninggi ha nowen, Haren wimin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Lukas 21:15

Eke Anden hinindi enggatep hisahalug, yig hisarukmu, it hinim healeg welamuhubon epmanowen wene onggo yig hisao hai atuken, hinenggal uruk ahep ulug yig hisahup fug-o.

Yohanes 10:18

Eke An nebe etno it aphe nin inakeleg-at inahla buruk amuhupseg, nowabuhup fug-o. An nonggarehen it inake nowabukag ulug nahla buruk atikikon etno fam-at nowabuhup-o. Eke An nebe niluk welariog ulug, eleg aheg, wereg aheg, sukon etno unde welamag ulug An Niknien-at minduhup naharisi-o,” ulug yig isebag.

Yohanes 12:49

Eke An wene yig isaruk ahi etno An nakeleg nahla buluhen-at yig isaruk ahi fug-o. At Nikni lahap nabik waharision etnowen-at wene ariroho yig isahun ulug yig nitisimu, yig isaruk ahi-o.

Yohanes 12:50

Eke wene ariroho yig isaruk aruhun ulug yig nitisi etno, wene iniluk inaptukon etno farim-at yig nitisi ari niluk-o. Ariroho niluk wilil, Anden yig isaruk ahi ari, An Niknien yig nitision etno-at yig isaruk ahi-o,” ulug yig isebag.

Yohanes 14:10

Filipus wai, At An Nikni etno ninim ninebe misig-at welahe etno hat eberoko waruk eleg wilil, uruk ahen ano? Eke An wene yig hituk atikik epmano, An nakelehen-at nahla bulug yig hituk atikik fug-o. An Nikni ninim ninebe misig-at wilil, nineyabuk misihon etno-at suruk ahe-o.

Yohanes 2:19

At Yesusen yig isaruk wilil, “Hiren o Allah ibam du mialoko umburuk hisalug, Anden ninggik henahanam faluhuk-o,” ulug yig isebag.

Yohanes 3:3

Yig ituk apagma, At Yesus etnowen yig ituk wilil, “Wene demat urukon etno yig hisamin-o. Ap misig ebe birenam endag atuk eleg halug, At Allah weregma kuk ari hai-o,” ulug yig ituk apagma,

Yohanes 5:21

Eke At Iknien it aphe warehon epmano iniluksoho minduhup isaruk etno hag, At Amloho etnowen it du inilukep isahuk ulug onggareg ahla buruk atlug-at inilukep isaruk-o.

Yohanes 6:38

Eke An nebe etno At lahap nabik waharision etnowen ahla burukon etno-at ilitoho suruk ariog ulug boholmen ambik waharikik-o. Ariroho ambik waharikik ari, An nindien kahaloko suruk ariog ulug ambik waharikik fug-o.

Yohanes 8:28

Ariroho inahla buruk eleg isaruk apareg, At Yesus etnowen yig isaruk wilil, “Hiren At Allah Amloho etno mindoko imbik laharuk amuhupseg, At ebe etno-at ulug hinahla buhup-o. Hinahla buruk amuhupseg, Anden yig hisaruk wilil, ‘Nonggarehen suruk ahi fug-o. At Nikni etnowen yanggul nitukon etno-at yig hisaruk ahi-o,’ ulug yig hisarikikon etno demat yig nisarisi ulug hinahla buhup-o.

Yohanes 9:4

Eke kidia o ilingge neken wereg halug, At lahap nabik waharision etno eyabuk-at suruk amuk-o. Eke fobik o hubanggo neken atuk aruhumu, it apheyen yabuk suk mondog hai aruhu-o.

Kisah Para Rasul 2:24

Ariroho watikibon oke, eke At Allahen it warehon wereg ambeg epmanowen iluksoho minduhupfirisi-o. Minduhupfirisi ari it warehon hinel watuk ambeg welam hai buruk atisireg, minduhupfirisi-o.

Roma 6:4

Ariroho kolap nisaharusareg fam, At Kristus Ikni suon oag werehon etnowen iluksoho minduhupfebag etno hag, nit ariroho ninindi keron neken niniluk atlug welamag ulug minduhup nisaharisi-o.

Roma 8:11

Eke At Allah At Yesus it aphe warehon wereg ambehen iluksoho minduhupfebahon etno Roh Kudus hinindimu wereg halug, At Kristus it aphe warehon wereg ambehen iluksoho minduhupfebahon etnowen At Roh Kudus etno hinindimu og hisaruk wilil, hinebe waramuhubon epmano hinilukep hisahaku-o.

1 Korintus 15:12

Eke At Allahen Kristus warapag ambehen minduhupfebahon wene etno selegmaroho yig hisaruk nisalug, it aphe hiron ninen “Nit waratuk ambeg epmen minahe ha fug-o,” ulug uruk ari keroho ulug uruk-o?

2 Korintus 4:14

Eke At Allahen Ninowe Yesus iluksoho minduhupfebag etno fam nit inim hit inim At Yesus inim welamag ulug At il fam niniluksoho minduhup nisahaku-o.

2 Korintus 5:10

Eke nit obog At Kristusen ninoag del ninabukag ulug At wereg ambeg minarik lahukmu, nit ninebe o kweanma duma wilil suruk atukukon epmano onggo ilitoho-at og nisahu-o. Ariroho og nisaruk wilil, fano suruk atukukon halug, o fanowon etno heag niseheg, eke dag suruk atukukon halug, o dahon etno heag niseheg suhu-o.

Efesus 2:5

Eke nit ariroho Allah wene ninesanggo holtuk eleg wilil ninebe warehon neken welatukukon oke, At Allah nit ninobam indi hunduhuk wilil ahmu nisaruk apareg fam, At Kristus ninim niniluksoho minduhup nisaharisi-o. Eke At Allahen hinabua hisaruk etno fam hinili warisi-o.

Efesus 3:16

Eke At Allah suon yi angge di angge obog unde werehon etnowen Aren angge Roh Kudus etno fam hinindi oag werehep hisahakeg,

Filipi 3:21

Eke Aren nit ninebe waratuk aheon olohore nintoho seko umbulug, At ebe fanowon itog mondog werehon etno-at ilitoho seko ninombisahaku-o. Eke Aren yi angge di angge obog at apmarepatarukon halug, at oag wereg etno fam ninebe ketoho ninombisahaku-o.

Filipi 4:13

Ariroho nahla buruk wilil, o ahik ya da epmano sil nuruk neyeheg, At Kristusen oag werehon etno og nitukmu, yi seheg di seheg noag weregsoho-at suruk ahi-o.

Kolose 1:11

Eke At Allah oag wereg halug, hit hinoag weregsoho welamuk-o. Eke it ninen hit seberep hisahuog ulug waharuk amuhupmu, hit hinahla bugsoho wilil, minduhuk welamuhup-o.

Kolose 1:16

At Allah amloho inimen o kweanma boholma yi angge di angge obog wal haruk wilil, yi angge di angge haruk aheon epmano inim, eke haruk ahe fuhon epmano inim, yi angge di angge inahut inim, eke yi ap di ap suon epmano inim wal hebag-o. At Kristus etno inimen wal haruk wilil, eke yi angge di angge epmano At Kristus og iriog ulug wal hebag-o.

1 Tesalonika 4:14

Eke niren, At Yesus waratuk apareg, fobik iluksoho minapag, ulug ninindi ebetuk ahe etno hag, it At Yesus obam ebetuk wilil, waratuson etno fobik At Allahen Yesus inim og inaplug waruhu-o, ulug ninindi ebetuk ahe-o.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.

Wahyu 2:23

Ariroho suruk wilil at udaki inim-at war inaptuk aruhukmu, it aphe jemaat obohen At Kristus it aphe inindien inahla bulug surukon epmano iluk at-o, ulug inahla bu­hup-o. Eke hiren suruk atikibon epmano onggo ilitoho-at og hisahuk-o.