Yohanes 5:18 - Allah Wene Hurumbik Keron

¹⁸ it Yahudi ap epmanowen At ebe mondog warepfuhuk-o, ulug inahla bebag. Ariroho inahla bebag ari, At Yesusen o hari Sabat fam yabuk suk fug ulug urukon etno elehepfeheg, eke At Allah ari An Nikni at-o, ulug yig iseheg, eke An Allah ilitoho-at welahi-o, ulug yig iseheg suruk apag etno fam ariroho inahla bebag.

Yohanes 5:18 ပူးပေါင်းရင်းမြစ်များ

Matius 12:5

Eke misig du at Musaen wene duroho suruk amuk eke duroho suruk am fug ulug ebahon etno wanesirikip fug ano? It ap Allah unde epmano hag o hari Sabat fam nintul nantul at Musaen wene duroho suruk amuk eke duroho suruk am fug ulug yig isebahon etno sahaloko imbisaruk oke, wene dahon etno it inobam umbuk fug-o ulug yig isebahon etna hinapeleg ano?

Yohanes 1:19

Eke fobik it Yahudi ap o Yerusalem welapahon epmanowen it Allah unde nin inim, eke it Lewi ap epmano nin inim, at Yohanes ambeg lahap isaruk apagma, it epmanowen at Yohanes etno yig ituk wilil, “Hat hebe sa ilitoho welahen-o?” ulug yig ituk apagma,

Yohanes 10:30

Eke nit An Nikni ninim ninebe misig-at welahe-o,” ulug yig isebag.

Yohanes 10:33

Yig isaruk apagma, eke it Yahudi ap epmanowen yig ituk wilil, “Hat alem fanowon misig sirikinmu, helep fam howabuog ulug suruk ahe fug-o. At Allah inuk seberepfuruk ahen fam howabuog ulug suruk ahe-o. Eke Hat hebe ap ilitoho-at oke, Haren An Allah ilitoho-at welahi ulug uruk ahen-o,” ulug yig epag.

Yohanes 14:23

At Yesusen yig ituk wilil, “It yi aphe di aphe An nobam inindi hunduhuk werehon epmanowen An nawene etno inesanggo holtuk wilil, ilitoho-at suruk amuhup-o. Ariroho suruk isalug, An Nikni etnowen it inobam indi hunduhuk wilil, An ninim inambeg waharuk amuhukseg, ninim mondog welamuhuk-o.

Yohanes 14:9

Yig ituk apagma, At Yesusen yig ituk wilil, “Filipus wai, An ninggik anggolo-at hit ninim welatukukon oke, An nebe etno hapeleg atuken ehen ano? It yi aphe di aphe obog epmano An nebe inilanggen nearuk etno, An Nikni At inilanggen haruk-o. Ariroho harukon oke, eke haren Hat Hikni etno ninilanggen hulen yanggul nisimin ehen ari, keroho ulug ehen-o?

Yohanes 19:7

Yig isaruk apagma, it Yahudi ap epmanowen yig ituk wilil, “Eleg-o, Aren An Allah Amloho-at ulug irisireg fam, nit wene komo yig nisebahon etnowen wabukag ulug yig nisaruk-o,” ulug yig epag.

Yohanes 5:15

Yig ituk apagma, at ap etnowen At Yesus ebe sohorep isalug, it Yahudi ap epmano yig isaruk wilil, “Ap an fano nabehekon etno inuk Yesus at-o,” ulug yig isebag.

Yohanes 5:16

Ariroho yig isaruk apagma, it Yahudi ap epmanowen uruk wilil, “At Yesus o hari Sabat fam ap misig fano sehek du ebe muko wilipful-o,” ulug uruk apag.

Yohanes 5:17

Ariroho uruk apagma, At Yesus etnowen yig isaruk wilil, “An Nikni nintul nantul yabuk suruk etno hag, An ariroho yabuk suruk am ari fano-o,” ulug ariroho yig isaruk apagma,

Yohanes 5:23

it apheyen At Ikni inuk suontepfuruk amuhup etno hag, Amloho inuk ariroho-at suontepfuruk amuhup-o. Eke ari halug, it apheyen At Amloho inuk suontepfuruk eleg ari, At Iknien lahapfik waharision etno inuk suontepfuruk eleg at-o,” ulug yig isebag.

Yohanes 7:1

Eke fobik At Yesus etno o Galilea epmano ya keheg sil wapag. Ariroho sil wapag ari, it Yahudi aben ebe wabuog ulug suruk isalug, o Yudea etno lao amberaken o Galilea wapag.

Yohanes 7:19

Eke at Musa etnowen wene duroho suruk amuk eke duroho suruk am fug ulug ebahon etno yig hisebag ari hiniluk oke, hit wene etno hinesanggo holtuk eleg wilil, hit An kerohoen nowabuog ulug suruk ahep-o?” ulug yig isebag.

Yohanes 8:54

Yig ituk apagma, At Yesusen yig isaruk wilil, “An nonggarehen-at ninuk suontepatelemen, hai neken-at suontepatele oke, An suontep naharuk ari, At Nikni hiren Allah demat-o ulug uruk ahebon etnowen-at suontep naharuk-o.

Yohanes 8:58

Yig ituk apagma, eke At Yesusen yig isaruk wilil, “Ari halug, An wene demat uruk amon etno yig hisamin-o. Eke at Abraham etno awan endag atuk eleg heheg, An nebe welaheyag at-o,” ulug yig isebag.

Filipi 2:6

Eke At Kristus ari Allah ebe neken-at wilil, an Allah ilitoho welamon etno nomat neken senetuk ahe-o, ulug indi ebepag fug-o.

Wahyu 22:1

Nin eke at malaikat etnowen At Allah inim, At Wam Domba Udag etno inim horie uruk ambehen ik ilukon etno funal­tukmu heag nitisi-o. Ik etno olohore mondog fanowon-at heag nitisi-o.

Wahyu 22:3

Ariroho heag nitisireg weregma, eke yi angge di angge inim, aphe inim At Allahen wene homali neken inobam umburuson halug o epma welamuhup fug-o. At Allah inim, At Wam Domba Udag etno inim horie uruk ambeg etno weregma, At anggimbu etno eyabuk suruk wilil, o epma welamu­hup-o.